يَوْمِيَات وَلَد مَصْري
الخميس، يونيو 12، 2008
تحيا البطالة وليسقط العمل
أوك يا جماعة هنعيد المشهد تاني
كلاكيت تاني مرة
كلاكيت تاني مرة
نهار داخلي
وائل يجلس في غرفة مكتبه ينتظر عودة زوجته علا
والتي تعمل سكرتيرة تنفيذية بإحدى شركات المقاولات
والتي تعمل سكرتيرة تنفيذية بإحدى شركات المقاولات
ينظر إلى ساعته ويتابع عقرب الثواني وهو يتحرك بحركات بطيئة مملة
في هذه الأثناء بدء قطار الذكريات في الحركة
في هذه الأثناء بدء قطار الذكريات في الحركة
بنفس سرعة عقرب الثواني وربما أبطء
تذكر وائل والدتة السيدة شاهيناز حسين وهي من أصل تركي
والتي كانت تعمل مدير إدارة بوزارة التربية والتعليم
والتي كانت تعمل مدير إدارة بوزارة التربية والتعليم
نفس المشكلة ولكن بشخصيات مختلفة
إنه عمل المرأة
إنه عمل المرأة
الذي يطارده
حتى في لحظات الإنتظار
السيدة شاهيناز كانت موظفة مجتهدة
وكذلك زوجته علا
بينهما تلك الروابط المشتركة
التي وضعوها في قوانين الإتحادات العمالية
لم يأخذوا فيها برأي الضحية
ولكنهم وضعوا تلك القوانين
وأصدروا حكمهم
بإعدام كل أفراد الأسرة
وغنوا
السيدة شاهيناز كانت موظفة مجتهدة
وكذلك زوجته علا
بينهما تلك الروابط المشتركة
التي وضعوها في قوانين الإتحادات العمالية
لم يأخذوا فيها برأي الضحية
ولكنهم وضعوا تلك القوانين
وأصدروا حكمهم
بإعدام كل أفراد الأسرة
وغنوا
يحيا العدل ..
التسميات: وجهة نظر
18 Comments:
حجزت اول كومنت
مشاء الله عليا
بردوه
انت مش عايز تحرم
بص
المراة لو تقدر توفق بين شغلها و بين بيتها
تبقى ممتازه
انما اللى مش حتقدر توفق
تشوف بقه مين اللى مين اللى هى باقيه عليه اكتر و توفر نفسها له بالكامل
و تهيألى بيتها
بس دة ميديش حد خق الاعتراض على عمل المراه
و هى ليها حق الاختيار
و مهيش مجبرة
و هى لازم تتحمل مسؤليه اختيارها بقه
سيب المراه فى حالها
شكل المرأه مدوخاك و لا ايه
ربنا معاك
و دمتـــــــــــــــــــــــم
ساموراي
مبروك أول كومنت وان شاء الله يكون دايما كده
ايه الدخلات الشديدة دي .. بصراحة مش قادر أتلايم على أعصابي من ساعة ما قريت الكومنت بتاعك .. يامامي تعالي إلحقيني .. حرمت خلاص حرمت
واهههههه ... واهههههه (ضحكة شريرة)
صاحب بالين كداب وصاحب تلاتة يبقى منافق .. الكلام اللي بتقولي عليه ده صعب إته يحصل ويمكن يصل لدرجة مستحيل كمان
لا يمكن يحصل توافق بين البيت والشغل وده لسبب بسيط في الشغل بيبقوا عاوزين يمصوا دمك على الملاليم اللي بيدوهالك وحاسين إنهم بيقطعوا من لحمهم علشان يدولك المرتب اللي بتخديه وبالتالي مش هيقبلوا أي عذر منك والناحية التانية فيه البيت والأولاد والزوج لهم حقوق عليكي اعتقد هيكون من الصعب جدا التوافق اللي بتقولي عليه
الحقيقة إن المرأة هيه اللي مدوخة نفسها لأنها عاوزة كل حاجة في الدنيا وده مستحيل
تحياتي
السلام عليكم ورحمة الله
محدش يكره الراحة طبعا والمريح للمرأة انها تقعد في البيت بس لو سألت أغلب الشباب اليومين دول تلاقيهم يفضلوا المرأة العاملة عشان تساعد في مصاريف البيت انا كنت رافضة فكرة عملي تماما بس تجارب صعبة كتييير اجبرتني اني اعمل حتى لو لمجرد الاحساس بالامان وفعلا بروح حاسة اني مش قادرة اعمل حاجة في الدنيا بس ببقى سعيدة ومش شايلة هم بكره كل انسان له ظروفه برضه وربنا يغنينا جميعا من فضله...تحياتي
مفيش واحده ممكن توفق بين شغلها
وبين بيتها
وعن تجربه في بيتنا
حتي لو بتيجي علي نفسها ساعات
فهيا بردو بتتعب
ويحيا الشعب:)
أمل
وعليكم السلام ورحمة الله وبركاته
طبعا انا قصدي على اللي عايزة تشتغل لإثبات الذات والمساواة والكلام الفارغ لكن طبعا الشغل لأن البيت في حاجة لشغلها ده فالوضع طبعا مختلف
تحياتي
ماي
عظيم إننا متفقين والأعظم وقفتك جنب الشعب الغلبان اللي بيشتكي من عمل المرأة
وأكيد الإنسانة اللي بتعمل هيكون عليها ضغط شديد جدا للتوفيق بين شغلها وبين بيتها
شكرا على زيارتك وأتمنى إنها ماتكونش الأخيرة
يا ربنا
عمل المراه ايه بس
انت شايف الشغل مقطع بعضو
وبعدين بينى وبينك الرجاله ملهمش امان
فطالما الست موفقه بين بتها وشغلها
يبقى خلاص
وبعدين يا مصرى يا خويا المصاريف بقت غاليه
ولو فضلت من غير شغل
هتحس بملل وبضيق
يعنى مجموعة عوامل بتختلف من بيت لبيت
وكل واحد مرتاح
واللى مش مرتاح نريحو راحه ابديه
هيخنقونا ليه ....
سيدي العزيز
أرفع لك القبعة و أنحني إحتراما لإثارة مثل هذه المواضيع التي تعتبر في يومنا هذا حساسة لدرجة كبيرة
كفاية فصحى و نخش في الموضوع
أنا معاك مليون في المية إن صاحب بالين كداب
أكيد مش متحيز ضد المرأة
لكن الموضوع كبير
أولا بيتها محتاجلها
كل ميسر لما خلق له
و المرأة ربنا إدالها إمكانيات مخصصة لراعية البيت و دعمه
زي الحنان اللي بيحتاجه الأولاد و الزوج كمان
زي التدبير
زي قوة التحمل لمصاعب البيت
الراجل لما بيشتغل بيبقى شغله علشان أهله و بيته
لكن الست لما بتشتغل فغالبا ليها هي و الست اللي بتشارك في مصاريف البيت الغلطة أكيد مش بسببها بل بسبب زوجها لأنه ماقدرش يوفي بإلتزاماته
عمل المرأة في ظلم لناس كتير :
- ظلم ليها هي شخصيا لأن ده ضغط عالي عليها شغل برة البيت و شدة أعصاب و مواصلات و زحمة و زمايل و عملاء و مدير رخم لأن كل مديرين مصر رخمين و ضغط الشغل نفسه و بعدين تروح عندها قرف البيت و الزوج و لو مخلفة تبقى الدنيا ضلمة أوي, بالبلدي الست دي مش بترتاح خالص و ده ظلم
- ظلم لزوجها لأنه هايتأثر بغيابها عن البيت, يعني مراته مروحه معاه , لو طبخت الصبح قبل ما تنزل أو إمبارح بالليل هاتبقى متلهوجة علشان تسخن لسي الأستاذ و لو مالحقتش يبقى يا تتخمد شوية لحد ما أطبخ يا نقضيها دليفري , ده غير إنها هي كمان زي مش مستحملة كلمة لأنها زيه طول النهار بره في نفس الظروف المهببة
- ظلم لأولادها لأنها مش فاضية تربيهم و غالبا بيقوم بالمهمة دي الجد و الجدة أو الحضانة, تخيلوا طفولة طفل أمه مش فاضياله و الناس هي اللي بتربيه
- ظلم للشاب اللي كان المفروض يشغل مكانها لكن بسببها هو قعد على القهوة علشان مش لاقي شغل و أكيد بالتالي مش هايعرف لا يتجوز و لا يفتح بيت.
للأسف الموضوع طويل أوي و ليه جوانب كتيرة مش شايف منها و لا ميزة غير إنه تقليد أعمى لتدابير الغرب
ربنا يصلح الحال
الحقيقه واضح من الاول ان سيادتك عندك مشكله فى تقبل عمل المرأه وده برضه لأنه واضح جدا ان سيادتكم من نوع الرجل الانانى واللى معندوش استعداد يشارك المرأه مستقبلها او يساندها لتحقيق ذاتها .. على فكره انا ما بشتغلش .. يعنى الموضزع مش شخصى بس بجد لازم انصح بناتى وكل بنت انها تشتغل على الاقل علشان تكون حاسه بنوع من الامان اللى مش فى كل الاحوال الرجل بيوفره لها و بيتهيألى لو سيادتك كنت اب لبنت وفكرت فى كونك اب مش زوج اكيد حتغير رأيك ..
واكيد فيه برضه نماذج كثير ناجحه والله جدا كزوجه وكمان فى عملها وانا شخصيا لمست ده فى نساء كثير حولى ربنا يكرمهم
الموضوع محتاج منك شوية انصاف ..
ياريت تحس بالمرأه كأنسان مش كشىء مخلوق علشان يسعدك وبس ..
خالص تقديرى اخى الفاضل
دمت بخير فى حفظ الرحمن
تحياتى
rovy
استاذ مصرى
:)
بصفتى joblessاد الدنيا حاليا مش قادرة اكون راى فى الموضوع ده
بس متهيالى لو اللى بتشتغل عشان بتساعد فى المصاريف وكده يبقى اوكيه اصلها هتعمل ايه
اما لو غير كده فعايزة اقولك قعدة البيت نيس موت
تحياتى
اخى الفاضل
ولد مصرى عاوزه اعتذر بجد عن كلمة انانى انا مش عارفه كتبتها ازاى
حقيقى انا كنت مش فى المود خالص
بس انا حسيت انك اسى قوى على المرأه
مع انى والله بأقدرك جدا و احمل لك كل احترام وانت اخ عزيز عليه ..
فمعلش ما تزعلش من اختك اللى مش عارفه ان كانت اختك الكبيره ولا الصغيره
ولو انى اكيد فى جميع الاحوال بما انى امرأه حأكون اختك الصغيره ..
يااارب نكون اتصافينا بس برضه خف علينا شويه ( رفقا بالقوارير )
خالص تقدير وتحياتى
rovy
بصراحة مفيش أحسن من القعدة في البيت بلا شغل بلا كلام فارغ.الواحدة إيه اللي يخليها تبهدل نفسها في مواصلات وتتعامل مع ناس غريبة وترجع آخر اليوم مش شايفة قدامها، بس المشكلة بقى في الظروف المادية الصعبة اللي الناس عايشاها وكمان في حاجة مهمة جدا لو الواحدة حست بالأمان مش هتفكر تشتغل، إنما في الزمن الأبيض إللي احنا فيه ده لازم الواحد يأمن نفسه عشان مفيش حاجة هتحمي الإنسان غير الفلوس للأسف الشديد
همس
طول عمرك بتحبي تخدمي
راحة أبدية برضه .. يا ساتر لأ الموضوع مايستهلش الكلام ده شايلينك للتقيلة
على العموم فعلا معاكي حق هو حد لاقي شغل دلوقت
شكرا على زيارتك
علاء عواد
الحقيقة أنا بعد كلامك مافيش حاجة تانية هقدر أقولها لانك كفيت ووفيت يا ريس
تحياتي
روفي أول مرة
أنا معنديش أي مشكلة في عمل المرأة
أنا نزلت بوست جديد ردا على تعليقك أشرح فيه وجهة نظري اللي أتمنى تكون وضحت
وعلى العموم الاختلاف في وجهات النظر لا يفسد للود قضية
تحياتي
مودموازيل برينسيس (مادام قلبناها ألقاب)
خليكي فاكرة كويس حكاية إن قاعدة البيت نايس موت دي علشان ناوي أعمل استفتاء على الموضوع ده وعاوزك تصوتي
مش بتعرفي تصوتي برضه
روفي كمان وكمان
ما حصلش حاجة علشان الكلام ده كله
الموضوع بسيط خالص
دي وجهات نظر ملهاش علاقة بتبادل الاحترام والود
إنتي دايما بتشرفيني بزياراتك الدائمة وتعليقاتك الجميلة .. أنا بس اللي حازز في نفسي إنك كنتي دايما بترفعي من روحي المعنوية بالكلام الجميل ومرة واحدة كده ألاقي الموضوع قلب ضرب وتلطيش مع اني مكنشي قصدي حاجة والله
على العموم ولا يهمك مش هقولك غير الجملة بتاعة فيلم الأرض "إضرب .. إضرب كمان .. إضرب وانشف يا عبد الهادي .. إضرب وما يهمكش"
بس بصراحة ايدك تقيلة قوي ربنا يكون في عون بناتك
بيربل ويفز
ايه العقل والرزانة دي كلها ..
"بصراحة مفيش أحسن من القعدة في البيت بلا شغل بلا كلام فارغ.الواحدة إيه اللي يخليها تبهدل نفسها في مواصلات وتتعامل مع ناس غريبة وترجع آخر اليوم مش شايفة قدامها"
يا سلاااام ربنا يكملك بعقلك كمان وكمان
تحياتي
إرسال تعليق
<< Home