يَوْمِيَات وَلَد مَصْري
الخميس، أبريل 17، 2008
حبيبي دائما
إن فاتك الميري اتمرمغ في ترابه .. ده مثل شعبي بيطلق على الشغل في الحكومة لكن أصل كلمة ميري بتعني الجيش وهي كلمة مربوطة بالنظام العسكري بس لاننا كنا بنتحكم من حكومة عسكرية بعد ما قامت ثورة 23 يوليو فالمثل ده بقى يطلق على كل شغل حكومي ولكن في الاصل ان الميري بيعني العسكري.
المقدمة دي كان لابد منها لان في النظام الميري بيستخدموا مصطلحات عجيبة لا يمكن حد يفهمها والحقيقة أنا حاولت أدور على المصطلحات دي في المعاجم المختلفة للغة العربية من معجم لسان العرب إلى مختار الصحاح لكن طبعا كل المحاولات باءت بالفشل الزريع نظرا لأن الشاويش اللي وضع المصطلحات دي غالبا ماكنش بيعرف يقرأ ولا يكتب فللأسف إن علمه الغزير ده ماوصلش للطـُلـَب اللي ألفوا المعاحم دي وبالتالي لم يتم تدوين المصطلحات ولا وضع أساس لها وبقت عامله زي اللغة السواحيلي اللي بيتكلموا بيها في بلاد أفريقيا وعلى فكرة كلمة طـُلـَب جمع طـُلبة بضم الطاء ومعناها العسكري اللي في الخدمة ومنها طلبة مطبخ وطلبة الميز وسنقوم بشرح وافي لكل هذه التعاريف في حينه).
جندي مجند سويلم عبد الشكور كان عسكري زميلنا من الشرقية والحقيقة أنا مش فاكر كان من أنهي قرية تحديدا في محافظة الشرقية لكن هو كان عسكري عادة وطبعا المفروض أنكم عرفتم إن عادة معناه أنه لا يحمل معاه أي شهادات مختومة بختم وزارة التربية والتعليم وأنا أقصد بالكلام ده انه ممكن يكون حافظ لكتاب الله أو دارس في أي كُتَّاب في بلدهم بس نظرا لأن وزارة التربية والتعليم ما ختمتوش على قفاه .. اقصد ما ختمتش على اي شهاده معاه، فبيعتبروه في النظام الميري انه عسكري عادة وبالتالي بيكون عُرضه للبهدلة أكتر من عسكري المؤهلات (تحيا مصر).
سويلم لما كان بيجي يكلمني كنت بضايق جدا وده مش لأني ماكنتش عاوز أكلمه لكن بس كان بيَصعب عليَّ لأني للأسف الشديد ماكنتش بفهم اغلب الكلام اللي بيقلهولي وبالتالي كنت بخليه يعيد كلامه معايا أكتر من مرة لحد مخي ما يقدر يستوعب الكلام بتاعه ويترجم الشفرة اللي كان بيتكلم بيها للغة أقدر أفهمها .. والحقيقة إن الموضوع ده كان لسببين أولا لأنه كان بيستخدم المصطلحات العسكرية العجيبة (لغتنا الجميلة) اللي طبعا محدش بيشرحالك ولا حد بيدرسهالك في الجيش لكن بتستخدم اسلوب تراي اند إرور (جرب واغلط لحد ما تطلع عينيك) علشان تفهم وممكن طبعا في الآخر برضه ما تفهمش وتقضي مدة جيشك كده وانت بتضبش، أما السبب التاني إنه كان عنده أكسنت (لأ طبعا مش قصدي العربية الهيونداي) قصدي إن عنده لهجة مميزة، لكن للأسف لبني آدم زي حالاتي عاش قي القاهرة واتربى في مصر الجديدة (الله يسامحك) كان بيبقى صعب عليَّ جدا إني أفسر كلامه.
في يوم من ذات الأيام لقيت سويلم جاي يجري ووشه القمحي بيلمع وفيه ضحكة مصراوية لزقة على وشه مش راضيه تفارقه وجالي وهو فاشخ ضبه وقال لي:
"يا باشمهندس .. يا باشمهندس .. معاك زونوط أنزليبه"
" أهلا يا سويلم .. ايه يا بني مالك؟"
"خلاص يا باشمهندس خلاص .. بس جول لي معاك زونوط أنزليبه"
"ايه .. بتقول ايه يا سويلم"
"معاك زونوط أنزليبه"
يا عالم أنا في عرض المجمع اللغوي
"معلش يا سويلم مش واخد بالي .. ممكن تعيد كلامك تاني"
"زونوط يا باشمهندس .. زونوط انزليبه"
المقدمة دي كان لابد منها لان في النظام الميري بيستخدموا مصطلحات عجيبة لا يمكن حد يفهمها والحقيقة أنا حاولت أدور على المصطلحات دي في المعاجم المختلفة للغة العربية من معجم لسان العرب إلى مختار الصحاح لكن طبعا كل المحاولات باءت بالفشل الزريع نظرا لأن الشاويش اللي وضع المصطلحات دي غالبا ماكنش بيعرف يقرأ ولا يكتب فللأسف إن علمه الغزير ده ماوصلش للطـُلـَب اللي ألفوا المعاحم دي وبالتالي لم يتم تدوين المصطلحات ولا وضع أساس لها وبقت عامله زي اللغة السواحيلي اللي بيتكلموا بيها في بلاد أفريقيا وعلى فكرة كلمة طـُلـَب جمع طـُلبة بضم الطاء ومعناها العسكري اللي في الخدمة ومنها طلبة مطبخ وطلبة الميز وسنقوم بشرح وافي لكل هذه التعاريف في حينه).
جندي مجند سويلم عبد الشكور كان عسكري زميلنا من الشرقية والحقيقة أنا مش فاكر كان من أنهي قرية تحديدا في محافظة الشرقية لكن هو كان عسكري عادة وطبعا المفروض أنكم عرفتم إن عادة معناه أنه لا يحمل معاه أي شهادات مختومة بختم وزارة التربية والتعليم وأنا أقصد بالكلام ده انه ممكن يكون حافظ لكتاب الله أو دارس في أي كُتَّاب في بلدهم بس نظرا لأن وزارة التربية والتعليم ما ختمتوش على قفاه .. اقصد ما ختمتش على اي شهاده معاه، فبيعتبروه في النظام الميري انه عسكري عادة وبالتالي بيكون عُرضه للبهدلة أكتر من عسكري المؤهلات (تحيا مصر).
سويلم لما كان بيجي يكلمني كنت بضايق جدا وده مش لأني ماكنتش عاوز أكلمه لكن بس كان بيَصعب عليَّ لأني للأسف الشديد ماكنتش بفهم اغلب الكلام اللي بيقلهولي وبالتالي كنت بخليه يعيد كلامه معايا أكتر من مرة لحد مخي ما يقدر يستوعب الكلام بتاعه ويترجم الشفرة اللي كان بيتكلم بيها للغة أقدر أفهمها .. والحقيقة إن الموضوع ده كان لسببين أولا لأنه كان بيستخدم المصطلحات العسكرية العجيبة (لغتنا الجميلة) اللي طبعا محدش بيشرحالك ولا حد بيدرسهالك في الجيش لكن بتستخدم اسلوب تراي اند إرور (جرب واغلط لحد ما تطلع عينيك) علشان تفهم وممكن طبعا في الآخر برضه ما تفهمش وتقضي مدة جيشك كده وانت بتضبش، أما السبب التاني إنه كان عنده أكسنت (لأ طبعا مش قصدي العربية الهيونداي) قصدي إن عنده لهجة مميزة، لكن للأسف لبني آدم زي حالاتي عاش قي القاهرة واتربى في مصر الجديدة (الله يسامحك) كان بيبقى صعب عليَّ جدا إني أفسر كلامه.
في يوم من ذات الأيام لقيت سويلم جاي يجري ووشه القمحي بيلمع وفيه ضحكة مصراوية لزقة على وشه مش راضيه تفارقه وجالي وهو فاشخ ضبه وقال لي:
"يا باشمهندس .. يا باشمهندس .. معاك زونوط أنزليبه"
" أهلا يا سويلم .. ايه يا بني مالك؟"
"خلاص يا باشمهندس خلاص .. بس جول لي معاك زونوط أنزليبه"
"ايه .. بتقول ايه يا سويلم"
"معاك زونوط أنزليبه"
يا عالم أنا في عرض المجمع اللغوي
"معلش يا سويلم مش واخد بالي .. ممكن تعيد كلامك تاني"
"زونوط يا باشمهندس .. زونوط انزليبه"
استغفر الله العظيم يا رب
والله يا سويلم انت عارف انا لو افهم ماحوش عنك حاجه .. يا رب يا مسهل أجرب كمان مرة ..
والله يا سويلم انت عارف انا لو افهم ماحوش عنك حاجه .. يا رب يا مسهل أجرب كمان مرة ..
"بص يا سويلم مافيش مشكلة خالص .. بس قول لي الأول ايه اللي حصل" .. قلت أفهم منه الموضوع من الأول يمكن أقدر أستوعب هو عاوز ايه ..
"أنا يا باشمهندس وأنا جاعد مع الأنفار في الراحة بعد الطابور لجيتهم بينادموا عليَّ (بينادوا عليه .. الحمد لله دي فهمتها .. يا مسهل عقبال باقي الحوار) في مكرفون الإذاعة .. جمت جايم فازز ورحت جري عند ح الصول عطية .. لجيتهم عملينلي 72 (إدوله أجازة 72 ساعة) وجالولي خمس دجايج وعفريت يشيلك ويونكوتك وتكون حدانا هنا .. وأديني لبست لبس الفسحة (لبس بدلة الخروج اللي لونها أخضر ودي بتكون غير البدلة المُمَوَهه بتاعة التدريب زي الصاعقة) وفضيلي زونوط .. ممكن بجه تديني الزونوط بتاعك علشان أنزل الأجازة"
"آآآآآآآآآآآه .. بقى انت كنت عاوز الزنط (جاكت بلغة الجيش) علشان تنزل بيه (زونوط أنزليبه)"
"بس كده .. حاضر .. من عيوني يا سويلم"
رحت جري مطلعهوله من المِخْلة وادتهوله علشان مكسرش بخاطره ولو أن ده مخالف للقواعد العسكرية (عدم إعطاء المهمات للغير – المهمات هو كل ما يتعلق بالفرد المجند) بس معلش الناس لبعضيها حتى ولو كان فيها مخالفة ولا حتى محاكمة عسكرية.
ونكمل بإذن الله في يوم تاني ..
التسميات: يوميات
28 Comments:
لحقت اول تعليق علشان متزعلش ..
حلو قوى حكاية الدرس المجانى اللى بتدهولنا فى لغة الجيش ولو انى الحمد لله ما ليش فيه .. بس ما حدش عارف اهى ثقافه برضه ..
ولسه متابعه معاك علشان اسمع باقى الحكايه واتعلم مصطلح جديد والنهارضه كفايه طلعت بالزنوط .. سلام
تحياتى
rovy
ابقى سلملى على سويلم وياترى جابلك الزونط ولا لسه
روفي
الحقيقة إن أول تعليق بيبقى له طعم تاني لأن النفر مننا بيبقى نفسه يعرف رأي الناس في التخاريف اللي بيكتبها.
بالنسبة لموضوع التعليم وبالرغم من إني شايف ان موضوع مصطلحات الجيش دي علم لا ينفع وجهل لا يضر لكن مادام مصرة تتعلمي يبقي تتعلمي صح
قل زنط ولا تقل زونوط
وأهم من مصطلحات الجيش تعرفي موضوع أنزليبه (أنزل بيه) لأن محدش عارف الظروف يمكن تقابلي حد عنده نفس الأكسنت فأول ما تتصليبه (تتصلي بيه) تعرفي تتفهمي معاه على طول.
عارفني باشا
الزنط وصل يا ريس يدوم العز ومتشكرين على السؤال
السلام عليكم
طب انت فى الغربة اية اللى شاغلك فى الميرى احنا مش بنتمرغ فى الميرى احنا بنسف التراب عشان نقدر نعيش فى البلد دى وادعيلنا
كل مجف اجع
ترجم بقه دى
ههههههههههههههههههه
ملحقتش المقعد الاول فى التعليقات
و ماله
عشام ميبقاش حد احسن من حد
و حلو اوى معلومات اللى عن لغه الجيش دى
اتحفنا اتحفنا
و دمتــــــــــــــــــــــــم
الاكسنت المرة دى صعبة شوية وعايزة ترجمة بس ادينا بنتعلم وزى ما أنت ملاحظ علشان أنا و جاراتى ملناش فى الجيش مهتمين اوى نعرف و مستنيين الحكاية الجاية من دلوقت.
بجد العساكر دول عامليين زى شخصيات شعر عبد الرحمن الابنودى هما دول الناس اللى ما غيرتهمش المدنية..بيفرحوا قوى و يحزنوا قوى و يحبوك قوى من غير سبب...طبعا دا مجرد احساس بافتى يعنى... مصريين بجد ولا ايه؟..انت عينى فى المعسكر اوعى تنسى حد عايزة اعرفهم كلهم
تحياتى
ست الريسة
أولا شكرا على الزيارة والتعليق
ثانيا بالنسبة لموضوع سف التراب ده المصريين طول عمرهم سفيفة تراب من يومهم سواء كانوا جوه مصر أو براها أمال تفتكري بنينا الأهرامات إزاي ؟
ما يجع الا الشاطر
شكرا على زيارتك المتأخرة والتعليق
دكتورة جنة
يا خوفي يا بدران ليعملوا الجيش إلزامي للفتيات ونلقيكم مشرفين انتي والجارات الفاتنات في الهايكستب .. وساعتها بقى ياريت تبقوا تدعولي دعوة ولية ساعة مغربية على العلام اللي علمتهولكوا.
وبالنسبة لعساكر الأبنودي فطبعا مش كلهم كده لكن فيه منهم أصناف ما يعلم بيهم الا ربنا ودول بقى اللي بيترقوا وبيبقوا شاويشية بس الحقيقة أنا بحاول أكتب عن بعض المواقف الظريفة اللي أعتقد انها ممكن ترسم بسمة على وش أي حد بيقرأها وهو ده المهم.
والله يا ولد يا مصرى انت احنا لغتنا فيها حاجات كتير اوى
يعنى عندك تاتا كلمه قبطى معنها يمشى
وكخ قبطيه برده يعنى زباله
وامبو فرعونيه معناها يشرب
شبشب قبطيه معانها مقاس القدم
ومن ده كتير ده انا كل يوم بكتشف بلاوى فى اللغه دى
واستبينا بمعنى اتفقنا فى العامية كلمة ايطالى بتتنطق استابينى
وللصعايده والبحروايه لهجات ظريفة برده
بس خد بالك قبل ما تعمل الشاى ادخل هات الكبابى من جوة
والجركن تحت النمليه
ومش هقولك دول بقة معاناهم ايه اكتشفهم لوحدك
سلام
ياه من زمان والله عايزة اتعرف على الحياة فى الجيش بس عايزة اعرف ايه علاقة العنوان بالموضوع؟عادى يعنى من حقى اسأل وذى ماسويلم فهمك معنى الكلمة الغريبة دى انت كمان فهمنى
صحفية روشة
شكرا على الزيارة والتعليق والمعلومات القيمة
الحقيقة بعد ما قريت كلامك جتلي فكرة عجيبة لو انهم في الجيش استخدموا المصطلحات اللي ذكرتيها يعني مثلا الشويش ممكن يقول للعساكر:
للأمام تاتا
أو يقولهم
كخ يا دفعة انت وهوه
والعسكري يقول ممكن إمبو يا فندم
بس في الحالة دي هيخلوا الجيش إلزامي بعد ما نتخرج من kG على طول.
موناليزا
سؤال وجيه جدا جدا وعشان أفسرلك كلمة حبيبي جاية منين اسمحيلي أديلك تلت خيارات إختاري اللي يعجبك منهم والخيارات الباقية ممكن تعملي بيهم سلطة:-)
1- الميري
2- الزنط
3- سويلم
سويلم
افتكرتك هتحكي فيلم الارض والله
مش هو كان فى حد اسمو سويلم برضو يا خويا
نورتنى فى المدونة
همس
البطل في فيلم الأرض كان اسمه عبد الهادي
إضرب وإنشف يا عبد الهادي إضرب كمان..
بس ده مايمنعش ان فعلا كان فيه نفر تاني اسمه سويلم بتاع السمس حامية قوي
بس على فكرة نوعية الناس اللي في فيلم الأرض دي اكتشفت انها موجودة فعلا في الدنيا لما دخلت الجيش وأتاري السيما طلعت مش أونطة.
شكرا على رد الزيارة واتمنى تتكرر وتشرفينا بتعليقك
عارف على قد الواحد بيضحك واحيانا
بيتنرفز لكن الناس دى بتبقى غلبانه
اوى وحاجات بسيطه اوى بتسعدها
انا طبعا مادخلتش جيش :)بس كان ابنى بيحكى عنهم حاجات عجيبه الا انهم بيصعبوا عليا اوى كمان بيقضوا مده طويله فى الجيش
ربنا يعينهم
ربنا يوفقك
كلمات
شكرا على رد الزيارة والتعليق
فعلا هما غلابة واحنا والله كمان بس بصراحة هما أغلب.
لكن احنا كمان بيطلع عنينا في التعليم وبتطلع اكتر بعد ما نخلص تعليم لما منلقيش شغل ونبقى عالة على المجتمع آسف عالة على اولياء الأمور لأن المجتمع مش فاضي أصله مشغول حبتين ربنا يعينه هو هيعمل ايه ولا ايه.
معلش اتأخرت
كنت بادور على كيبورد"اكتبيبه"
بس انت عارف هما لما بيسمعوا حد بيتكلم"وخصوصا لو من مصر الجديدة"
:) برضة بيقعدوا يتريقوا على لهجتنا كده
بقى اديك الزنط
تروح تدية لصاحبك
ماليش دعوة بقى
انا عايز الزنط بتاعى ههههه
تحياتى
أمولة
ما شاء الله بتلقطي اللغة تمام بس أصل الكلمة "كيبورد أكتببُه" خلى بالك من النطق
شكرا على زيارتك والتعليق
تامر نبيل
الناس لبعضها يا ريس
نخدمك كده يوم فرحك ان شاء الله
نتمنى نشوفك معانا دايما
الحمد لله انى بنت
دى اول كامة بقولها لما بلاقيك كاتب عن الجيش:))
حلوة زنزط دى تخيل لو دى اللغة المستخدمة فى الحياة العادية
الله حلو اوى الزنوط ده اشتريته من انهى محل زنانيط هههههههه
يعنى الحقيقة مش عارفة اشكر حضرتك ازاى على المعلومات العظيمة دى
بس بجد بجد
حلو اوى
انا بعشق الحكاوى عن الجيش بالذات الفترة دى
تقولى ليه
اقولك خليك فى حالك
هههههههههه
مورسى كتيرو على المعلومو
دمتو بخيرو
برينسيس
مش بعيد كمان تلاقي زونوط بيير كاردان
شكرا على الزيارة والتعليق
saso
ايه بتشاوري عقلك تطوعي في الجيش؟
على العموم تعملي طيب يمكن تخفي الضغط من علينا شوية
شكرا على مرورك
تحياتي
زونوط أنزليبه
هههههههههههههههههههههههه
موتني من الضحك ايه اللغه دي ؟؟؟؟
كيارا
حضرتك اللغة دي موطنها الأصلي إفريقيا وتحديدا في شرق مصر
تحياتي
إرسال تعليق
<< Home