يَوْمِيَات وَلَد مَصْري
الأربعاء، يونيو 04، 2008
تخاريف
مش عاوز اكون جلنف زي العادة في كل البوستات بتاعتي بس مش قادر..
هوه احنا ماكناش طلبة ولا ايه يا جدعان .. النفر مننا كان ليلة الامتحان بيغسل رجليه ويدخل يتخمد من الساعة 8 بعد ما يطفح كوباية الحليب الدافي ويصحى على الفجر يدعي ربنا انه يوفقه ويترزع على المكتب يذاكر له ساعتين قبل ما يروح الامتحان ومع ذلك كنا برضه بنسقط .. امال لو قعدنا سهرانين للساعة تلاتة الفجر ليلة الامتحان عمالين نفكر في اللي ناسينا وننسى اللي فاكرنا هيبقى ايه الوضع؟
معلش انا عارف ان كلامي شديد حبتين بس ده لاني شايف ان الواحد لازم يركز في اللي بيعمله علشان يعمله مظبوط، ما هو كمان ماينفعش ان اصدقائنا الطلبة والطالبات يسيبوا المذاكرة والامتحانات اللي وراهم وهاتك يا تعليق في المدونات وتنزيل بوستات جديدة ورد على تعليقات بتتكتب.
الموضوع كله شهر هيعدي بالطول ولا بالعرض وبعدين التدوين مش هيطير يعني ..
وبعدين بالنسبة لاخواتنا الطالبات .. ما احنا ادلدل لسانا قبل كده وقلنا البنت ملهاش غير الجواز بلا علام بلا يحزنون قلته بلاش رجعية وتخلف إنتوا كده يا رجالة دايما مابتحبوش الخير لحد وقعدتوا تطالبوا بحقوق المرأة وتحريرها من ملابسها اقصد من قيودها والمساواة ما بينها وبين الراجل لحد لما مابقاش فيه فرق ما بينا وبينكم.
وبعدين بالنسبة لاخواتنا الطالبات .. ما احنا ادلدل لسانا قبل كده وقلنا البنت ملهاش غير الجواز بلا علام بلا يحزنون قلته بلاش رجعية وتخلف إنتوا كده يا رجالة دايما مابتحبوش الخير لحد وقعدتوا تطالبوا بحقوق المرأة وتحريرها من ملابسها اقصد من قيودها والمساواة ما بينها وبين الراجل لحد لما مابقاش فيه فرق ما بينا وبينكم.
رحمتك بينا يا رب..
التسميات: وجهة نظر
27 Comments:
السلام عليكم
أنا متفقة معاك في كل اللي بتقوله بخصوص المذاكرة، وطبعا ده لأني أنا مش بذاكر دلوقتي فأحب أقول لكل اللي سايبين مذاكرتهم ميصحش كده يا جماعة لأن باين كده إن في ناس خايفة على مصلحتكم أكتر منكم. أما بقى بخصوص تعليم البنات فأنا رأيي المتواضع إن الولاد والبنات لازم يتعلموا يعني على الأقل يفكوا الخط ويجمعوا ويطرحوا وبعد كده مش مشكلة بقى كله بيتساوى ببعضه، لأ ده ساعات بيكون اللي مكملش تعليمه أحسن بكتير.
معلش اصل العمليه بتبقى احساس
و اول مرة الواحد فى حياته ميقدرش يفصل بين عقله و احساسه
معلش
انا كنت حرد و اقولك لا تعليق
بس قلت يا بت بلاش
و دمتــــــــــــــــــــم
ههههههههه
بجد ...انت فظيع
ماتسيبهم فى حالهم وانت زعلان ليه؟
واللا انت زعلان انك برغم انك خلصت بقالك مش عارفة أد ايه مانزلتش بوست؟
اقولك حاجة...أعرف ناس عندها النت والتدوين ادمان
ربنا يشفى
بس بجد ضحكتنى اوى
ناقص تخش تقولهم روح ياواد منك ليها ذاكر وبلاش لعب عيال
يعنى بابا ولد مصرى
:)
purplewaves
وعليكم السلام ورحمة الله وبركاته
الحمدلله ان في حد متفق معايا في حاجة مع اني كنت فاكر اني هسمع لي كلمتين ملهمش لازمة من كل واحد يعدي عندي بس الحمد لله ربنا ستر برضه الجليطة بتعمل شغل
بالنسبة لموضوع الطرح والجمع يا ستي مافيش مشكلة يتعلموه ولو ان ده مش محتاج مدارس وعلى فكرة بقى اللي بيتعلم صنعة ممكن يشتغل في اي مكان واي زمان بالصنعة اللي معاه لكن المتعلم بقى لازم يستوظف ياما يقعد على القهوة يشايش او يفتح مدونة يشتم فيها في الحكومة وعجبي..
شكرا على الزيارة والتعليق وأتمنى أشوفك معانا دايما
ساموراي
أنتي تاني
يا بنتي البوست ده أساسا ليكي وبعدين بمناسبة الكلام عن الاحساس يا ريت تحسي ان عندك امتحانات انا مش متخيل يبقى عندي امتحان وادخل على المدونات واكتب تعليقات وانزل بوستات
حرام عليكي انا اطشليط يا ليلى
أمولة
يا بنت الايه؟ خدتي بالك اني مش لاقي حاجة اكتبها فقلت ازعق حبتين واعمل شبورة واهي منها تنحسب بوست جديد!!
هعمل ايه بس ماهي بجد حاجة تجنن كل واحد من اصحابنا الطلبة يقول ادعولي يا جماعة علشان عندي امتحانات وبعد ما نقعد ندعي وريقنا ينشف من الدعاء ألاقي الباشا أو الهانم منزلين بوستات جديدة وعمالين يردوا على التعليقات مش بالله دي حاجة تحرق الدم
على العموم انا شاكر على الزيارة وعارف انك نزلتي بوست جديد ان شاء الله اعدي أشوفه
السلام عليكم
ايه الحكايه معقوله الغيبه دى كلها طيب طمنا وقول انا مش فاضى استنونى رايح مشوار وراجع اى حاجه ..
وبعدين سيادتك لسه فاكر تقول للاولاد المساكين دول ذاكروا هو سيادتك مش واخد بالك ان النصيحه دى كان مفروض تتقال من اكثر من اسبوعين ..
ايه اللى واخد عقل سيادنك ؟؟؟
وبعدين حنحدف طوب تانى ونقول البنات ما تتعلمش انا عارفه انك اكيد بتهزر او بتحاول استفزاز حواء نوع من المشاغبه البريئه بس خلى بالك مش كل مره حتسلم من خربشة حواء .( ده على اساس انها قطه ) على كل حال المهم اننا اطمنا عليك وكمان كانت وحشانا
مشاغبتك الظريفه و ما تتأخرش علينا بحكاويك لأنها فعلا وحشتنا .
دمت بخير اخى الفاضل
خالص تقديرى وتحياتى
rovy
روفي
عارفه الواحد اللي بيتخطف بيقدر يفتح بقه ويقول الحقوني ولا حد يحوش عني ولا حاجة .. أبدا .. أهو بالتحديد اللي حصل معايا .. اتخطفت في الشغل ومرة واحدة بدون سابق انذار
أما بقى بالنسبة لموضوع النصيحة المتأخرة فالحقيقة مش واخد بالي بس اللي انا عارفه ان الامتحانات لسه
شغالة وبعدين الاسبوعين اللي انا كنت مخطوف فيهم المفروض مايتحسبوش
اما بقى بالنسبة لموضوع علام البنات فلو ده بتعتبريه تحديف طوب يبقى اسمحيلي اجيب حجرين من هرم صقارة وارجع لان واضح ان الموضوع ممكن يتطور وانا بصراحة راجل ثابت على مبدئي
وبعدين خرابيش ولا مش خرابيش احنا لا مؤاخذة مابنتهددش
على العموم انا سعيد جدا بزيارتك وتقباي تحياتي
انا تالت و رابع و خامس و عاشر
و قاعده على قلبك لحد متقول حقى برقبتى
و يا انا يا انت يا مصرى
اصل انت خلصت و مريح بالك بحقد عليك
و مشاء الله بتشتغل
و بعدين البلوج انا عاملاه عشان افضفض فيه و اشارك الناس معايا فى نفس الفضفضه
و انا كنت مخنوقه جدا جدا جدا
و هو ما عبر عنه بوست الثالثه بعد منتصف الليل
بس عادى
بردوه العمليه عمليه احساس
و بعدين اللى انتوا كنتوا بتاخدوه زمان دة غير دلوقتى مليون مرة
و انت فاكر انا حكيت اليوم بتاع مجمع الانشطه الدكتور شلنى اليوم دة
يبقى من حقى انى اقول اللى جوايا و اطلعه
بدل ما اعمله فعلا
و لا انا غلطانه يا جماعه
و دمتــــــــــــــــــــــم
يا ستس انا مستعد اقول حقي برقبتي واكتبها كمان عشر مرات اذا كان ده هيخليكي مبسوطة ومرتاحة ولا تزعلي نفسك خالص
انا والله كنت بتكلم للمصلحة وبعدين يا ستي فضفضي زي ما انتي عاوزة ما انا قلتلك من الاول اخرتها ايه "انت جيت يا سي محمد"
وبعدين ماله بقى اللي احنا كنا بنخده .. سوسن والحاوي والأرنب الغضبان قصص زي الفل اتعلمنا منها ازاي نسمع الكلام
نسمع ايه..
الكلام .. واضح انا عاوز اقول ايه مش كده
بس سيبك برضه منورة البلوج حتي وانتي مأموثة
لاني شايف ان الواحد لازم يركز في اللي بيعمله علشان يعمله مظبوط
معك كل الحق
لكن من يستمع
خالص التحية
هانى يس
طب اللى فى الجامعة كوم واللى فى الثانوية العامة كوم تانى هيفرسنى كل ما ادخل مدونة الاقي له تعليق..لأ و ايه الذمة واخدة حدها معاه و تلاقى التعليق نصف صفحة كده
قولى ده حله ايه اهو اللى فى الجامعة عرف طريقة ومهما طول مسيره ياخد افراج-ربنا ينجحهم جميعا- انما الثانوية ده لسه اموره مش واضحة
انا فاكرة الثانوية العامة دى كنت ايام الامتحانات معرفش الدنيا حواليا بيجرى فيها ايه!
ولو كنت بقه امه يا سنه بيضا كنت زمنتى جتلى كل الامراض وانا شيفاه سايب مذاكرته و مديها تدوين..الله يكون فى عون الامهات
اصغر اصدقائى فى تانية ثانوى-اياك تضحك- بتقولى ان اصحابها لما اهلهم بيقطعوا عنهم النت بيدخلوا عليها من الموبايل شفت الاجيال الجديدة!
اما بالنسبة لتعليم البنات فده تسميه ايه غير جر شكل و بعدين اكتب فى لولاكِ بوست من عينة ولعها وانا طبعا بحب الخير وكل جاراتى هيقوموا بالواجب وطبعا هيكتبوا كل اللى نفسهم فيه وساعتها انا مش مسؤولة
المهم انت عارف حق البنت انك تعلمها زى اخوها من غير تفرقة والا هتكون ظلمتها بس وهى بتتعلم دور امها انها تعلمها متنساش نفسها و تبقى بنوته رقيقةوبرضه تذاكر مش نظام البنت زى الولد و الهبل ده
ويا سلام لو بالاها طب او هندسة الا اذا كانت البنت مصرة بصراحة بلاش توجع راسها وخليها احسن فى الطبيخ..والله بتكلم جد مع انى بحب الطب
انا اول واحدة من اعداء حقوق المرأة وبقول كفيانا و ياريت الست اللى تتجوز تقعد فى بيتها و تبقى تستنى سى محمد ولا اى مشكلة
بس افرض ان لا قدر الله البنت مجلهاش نصيبها لان فى مشكلة رجالة دلوقتى مش فى العدد لان دول كتير واى بنت ممكن تتجوز بسهولة بس فيه ازمة حقيقية فى النوعية..وده بيحصل كتير فى احسن العائلات تعمل ايه تقعد جنب امها تقشر بصل وتعيط- من البصل مش من حاجة تانيه- ولا تشتغل و يبقالها حياة ايه رأيك؟
مش عارفة فيه ايه فى المدونة دى بيخلينى كل ما ادخلها ارغى و اتكلم و التعليق يطول كده
عامة انا برضة جارتك و عليك الاستحمال
ومتزقش خارجة اهو
بس بقولك ايه عايزيين بوست كده من عينة عصام و البطيخة- على فكرة اكتر بوست موتنى من الضحك- احسن زهقنا من السياسة و الالوان الغامقة و الكآبة اللى مالية المدونات
وساعتها هحاول اضحك من غير كلام
اوكى
تحياتى
هاني باشا
ماضيقش نفسك خالص ولا يهمك يا ريس
وعلى العموم اللي بيشيل إربة مخرومة بتخر على دماغة ولا جايز علشان الدنيا حر فهما مبسوطين بيها كده
شكرا على وقفتك جنبي يا ريس
جنة
طبعا انتي قصدك على المعلم صاصا اللي نازل لف في كل المدونات وحالف ميت يمين انه يسيب تعليق في كل مكان يزوره
ان شاء الله صاصا هيفرسك أكتر وهيجيب 100% ويدخل كلية الطب ويفتح عيادته جنب عيادتك ويلهف منك الزباين
بقى أصغر أصحابك في جريد إليفن ومش عايزاني أفطس على روحي من الضحك ودي بقى اتعرفتي عليها فين .. في الملاهي هخخخخخخخخخ
بالنسبة لتعليم البنات فاحب اقولك اني قلت قبل كده وبقول وهقول ان بعون الله احنا مابنتهددش واللي عايز يعمل حاجة يورينا شطارته واللي عنده خيل ينقي أعلى واحد فيه ويركبه ولو عاوزني أشبك له إيدي علشان أرفعه ماعنديش مانع شفتي طيبة قلب أكتر من كده .. بس انا كمان مش مسئول لما تلاقي شوية بلطجية داخلين بيكسروا في المدونة بتاعتك ماترجعيش تنزلي بوست اعتذار .. ماشي يابا
على العموم كويس اننا متفقين في موضوع سي محمد ده وان كان على شوية الجمع والطرح فمافيش مانع فعلا محدش عارف الظروف
وبعدين لا تطويل ولا حاجة ده انت هتكون مبسوط معانا قوي يا شحاته افندي
وبالنسبة للبوستات مادام عصام والبطيخة عمل شغل فانا بفكر انتجة مرة تانية واعيد تنزيلة بس المرة دي هنزله تكنوكولور ايه رأيك؟
تحياتي
تصدق انا عمرى ما علقت مرتين بس انت اللى بتجر شكلى
تصور نفسى صاصا يفرسنى ويجيب 100% بس هو ادبى مش علمى ..
بانا شحاته افندى ماشى يا هندسة اوكى ولا مشكلة
ايه طيبة القلب اللى محصلتش دى كمان هتساعدنا كلك ذوق مش عارفة اودى جمايلك اللى مغرقانى فين ولا فين
عامة انا حتى مبعرفش اركب عجلة بس ان شاء الله هتعلم ادى اخرة العلام وسنينه.. ما كان كفاية الجمع والطرح
مش كمان طب وما ادراك ما الطب!!
شوف بقى انا عندى اصحاب من 17-58 سنة علشان تضحك بجد والكبار قابلتهم فين خمن انت!!!
بص بقى بجملة جر الشكل يا ريت تكمل البوست المستفز اللى الست قال ايه فرحت لما جوزها قالها مش هتجوز عليك يا روحى بس دادى مات
وانا متأكده ان كل الجارات هيتبسطوا جدا والدم فعلا هيبقى للركب
وبالنسبة لعصام وماله خليه بالألوان فوشيا ولا روز اللى انت عايزه المهم اننا نضحك اصلى قررت اودع النكد شوية اجازة يعنى
اوكى
تحياتى
بص حكايه المذاكره دا
ليكم حق بس كل واحد وعلى اد قدراته وطاقته ولما بيدخل اكيد بيرفه عن نفسه بعد فترات مزاكره
وادعولو النهادة كان الامتحان ربنا ينجحهم كلهم
ويبارك فيهم يارب وكل البنات
اما بخصوص تعليم البنات
اولا التعليم مش هقلك علشان شغل ولا زفت علشان اصلا مفيش شغل
بس ثقافه واكتمال شخصيه
يعنى مثلا انت نفسك لو هتختار استحاله هتاخد واحده مش متعلمه وهتسيب المتعلمه حتى لو كانو فى مستوى اجتماعى واخلاقى واحد
اكيد هتفضل المتعلمه علشان تقدر تتفاهم وتتواصل معاك وما تفكير وعالمك
لاما بعد كدا يحصل طلاق ولا يحصل جواز تانى
والحجه ان مفيش تفاهم
اما بخصوص ان البنت ملهاش الا الجواز
ومالو بس للاسف الكلام سهل بس الواقع
صعب مش هقول مستحيل... اليومين دول
لو ما قلناش علشان الماده
هنقول علشان الاخلاق والالتزام والانحطاط
اللى بقو الشباب فيه (اسفه)
الا من رحم ربى واتقاه
يعنى استحاله هتلاقى بنت هترفض من يتقى الله ويكون مناسب ليها
يعنى مش التعليم السبب
بقى عدم ضمير وتسالى وتضيع وقت ولعب بمشاعر واحساسيس
وتقلى يا هندسى تعليم
ولا ما يكونش اعتراضك على التعليم علشان حابب السيطره وما تحب حد يناقشك
اوعى ازعل والله
صلى على النبى كدا وروق شيفاك متعصب
وبعدين انا عندى استعداد اجبلك موافقه من كل البنات انها تسبها من التعليم
بس على شرط تجيب لكل واحده عريس
وبكدا نضرب عصفورين بحجر واحد
بلاها تعليم اهو نوفر للحكومة
وتجوز البنات
ايه رايك ولا تتعصب ولا تضايق نفسك خالص
صحتك بالدنيا عندنا يا خويا
جنة
أنا لو عارف ان جر الشكل هيخليكي تعلقي أكتر من مرة كنت جريته من زمان لكن حصل خير ملحوقة نجر الشكل وننصبه ونرفعه كمان (حبة لغة عربية)
بالنسبة لصاصا ان شاء الله ربنا هيكرمه ويجيب 100% ولو ان في أدبي صعب لكن ربنا يوفقه
بالنسبة لطيبة القلب فقلب الأم دايما بيبقى كده هتعملي ايه !!
مابتعرفيش تركبي عجل ازاي يعني هو فيه حد ما بيعرفش يركب عجل ايه الكلام العجيب ده على العموم ماتقلقيش فيه دلوقتي عجل بسنادات ممكن نشوفلك واحدة منهم أهم حاجة يا دكتورة تكوني بتعرفي تسوقي لان دي ما ينفعش فيها سنادات .. دي فيها تخييش على طول
ومصر محتجاكي يا دكتورة هخخخخخخخخخ
على فكرة انا اخويا دكتور وفاهم كويس يعني ايه طب وان شاء الله هبقى احكيلكم عنه وعن نوادره مع التب
مش عارف ليه شامم ريحة تريقة في كلامك على البوستات بتاعتي وطبعا نظرا لأني ديمقراطي فمش بيحوأ معايا كل الهتافات المعارضه المغرضة دي وبرضه هكتب اللي انا عاوزه وهي دي الديمقراطية الصح سعادتك تقولي اللي انتي عاوزاه وانا برضه اكتب اللي انا عاوزه ..
ازيك بجاااااا
همس
هو يعني الواحد ما ينفعش "يرفس" عن نفسه الا لما ينزل بوستات جديدة ويسيب تعليق في كل المدونات وهو عنده امتحانات؟
بالنسبة لتعليم حواء أهو مافيش حاجة مواديانا في داهية الا "السكافة" واكتمال "الصخصية" دي وبعدين يا أبلة همس الكمال لله واحده لان المصيبة دلوقتي ان كل بنت بتدور على زبون يكون مكتمل هو كمان وطبعا يوم ما شاب بيتقدم للخطوبة تعد بقى الأستاذة تقلب في شخصية الغلبان وتعمله اختبارات ذكاء وبعدين تقولة سوري يا دارلنج متنفعش
وبعدين انا مختلف معاكي ان الطلاق بيحصل نتيخة الاختلاف الثقافي بل بالعكس انا شايف ان اهم اسباب الطلاق اسلوب العين بالعين والسن بالسن اللي بتتبعه الزوجة في تعاملها مع زوجها وبصراحة كده الراجل مننا مايحبش يحس انه متجوز واحد صاحبه يعني زيي زيك وراسي براسك واللي انت عاوزه بعد كده اعمله
تأكدي ان فكرتك ان البنات تسيب التعليم دي فكرة ممتازة وهترفع نسبة الجواز في مصر وهتخلي الشباب من الجنسين يدعولك .. ويدعولي انا كمان
وعاملين نقولك اكتب بقالك كتير مش بتكتب:)تقوم تكتب كده
ايه يا استاذ ده
عموما انا مش طالبة انا بذاكر بمزاجى دلوقتىفراغ بقه
وبعدين اللى بتقوله ده مش فى مصلحتك خالص لان اغلب اللى بيعلقوا بنات
متهيالى كده انك قالت تكتب وتزعق عشان منقولكش اتاخرت ليه:)
برينسيس
الظاهر الواحد من كتر طيبة قلبه بيبان عليه على طول ومابيعرفش يخبي
عرفتي لوحدك إني بزعق وعامل دوشه علشان محدش يقولي اتأخرت واهو بالمرة يتحسب بوست جديد ايه رأيك ملعوبة مش كده..
بالنسبة بقى لموضوع المذاكرة والله بقى بتذاكري بمزاجك بتذاكري غصب عنك أهي كلها مذاكرة وتتحسبي برضة على الطلبة .. ربنا يوفقك
وعلى فكرة أسلوب التهديد ده مايكلش معايا عملالي فيها أمن دولة والكلام ده مش في مصلحتك وقوم اقف وانت بتكلمني والحركات دي .. احنا لامؤاخذة ما بنهددش واضح ولا أقول كمان متهيألي واضح
ماشي يا كبير؟
ههههههههههههههه
الحمد لله انا لما بيكون عندي امتحان
بيبقي عندي معتقل
الكمبيوتر مقفول ومش بيتفتح الا لو هقرا حاجه علي النت بخصوص اللي بزاكره
والموبايل مقفول عشان محدش يكلمني
وفي اوضتي عامله اعلان الطوارئ في البيت
اول اما اخلص امتحاني ارجع تاني للحياه العاديه
بس عارف انا لو معملتش كده
هفضل حاسه بتأنيب ضمير وخوف لاني هيكون عندي احساس اني مش عملت اللي عليا في المذاكره
اهم شي عندي احس اني عملت اللي عليا
والتوفيق من عند الله
بس فعلا انا بلاحظ اللي قلته
اما بقي عن اللي جاي ده
-------
وبعدين بالنسبة لاخواتنا الطالبات ..
----
ايوه مالهم
-------
ما احنا ادلدل لسانا قبل كده وقلنا البنت ملهاش غير الجواز بلا علام بلا يحزنون
------
ليه كده هو يعني لازم البنت تكون جاهله عشان تبقي كويسه ماهو تعليمها ده عشان بيتها وعشان اولادها الام مدرسه اذا اعددتها اعددت شعب طيب الاعراق
------
قلته بلاش رجعية وتخلف
-----
دي مش رجعيه دي انا بسميها خوف ان البنت تكون متعلمه في رجاله مش بتحب زوجاتهم انهم يكونوا متعلمين مش عارفه ليه بجد
-----
وتحريرها من ملابسها
------
هههههههه ملابس ايه بس ده كده يبقي انحلال وده عمر المراه المتربيه اللي عارفه دينها توافق بيه
--------
اقصد من قيودها
------
ايه هي القيود اللي بتتعرض ليها المراه
بنتعلم ولينا راي وبنقوله ولينا طموح وبنفذه
يبقي ايه القيود دي
---------
والمساواة ما بينها وبين الراجل لحد لما مابقاش فيه فرق ما بينا وبينكم
----------
ازاي يعني
البنت بنت والولد ولد معلش يعني
لسه البنوته موجوده والراجل موجود وكلاهم بيكمل بعضه لا هو يقدر يستغني عنها ولا هي تقدر تستغني عنه
الرجال قوامون علي النساء
------
.رحمتك بينا يا رب..
-----------
يارب
كيارا
يا سلام ايه العقل والرزانه دي كلها
أهو كده
فعلا المفروض الواحد يركز في اللي بيعمله
بس يعني حكاية قانون الطوارئ اللي في البيت دي مابلاش .. مش كفاية قانون طوارئ في الشارع كمان هيبقى في اوض النوم :)
فعلا أنا متفق معاكي إن المفروض الواحد يعمل اللي عليه وبعدين التوفيق يبقى من عند ربنا
بالنسبة لعلام البنات فطبعا انا مش قصدي اللي إنتي فهمتيه
طبعا البنت تتعلم زي ما قلتي علشان تنفع بيتها وأولادها يعني الأساس البيت والأولاد مش التعليم في حد ذاته يبقى المفروض مانضغطش عليها في موضوع التعليم ده وغنها لازم تبقى دكتورة او مهندسة يأما فلا
بالنسبة للرجالة اللي مابيحبوش زوجاتهم يبقوا متعلمين إسمحي لي أقولك رأيي .. الموضوع وما فيه إن أي راجل ما بيحبش الدوشة ومش عاوز يرجع بيته يلاقي مراته تنفتح له إستجواب زي مجلس الشعب ويقولها يمين تقوله ليه مش شمال طب اقنعي ان اليمين افضل طيب يعني مثلا لو رحنا شمال هتكون ايه النتيجة ويا تري رد فعلا اليمين هيكون ايه ويلاقي ياعيني الراجل من دول حياته كلها تبقى مناقشات في اليمين والشمال وحياته تنتهي وهو بيعيط ويقول كنتي فين يا "لأ" لما قلت "آه".
عجبتني حتة إن البنت بنت والولد ولد فاكرتني بمذيعين الكورة لما بيقولوا المفروض إن محدش يعترض على الحكام لان الحكم حكم واللاعب لاعب والجمهور جمهور :)
بس بصراحة إسمحيلي أشكرك على رأيك وإنك بتتعبي نفسك وبتقلبي في دفاتري القديمة
خالص تحياتي
بس يعني حكاية قانون الطوارئ اللي في البيت دي مابلاش .. مش كفاية قانون طوارئ في الشارع كمان هيبقى في اوض النوم :)
---------
هههههههههههههههههههههههه ماشي ماشي
---------
فعلا أنا متفق معاكي إن المفروض الواحد يعمل اللي عليه وبعدين التوفيق يبقى من عند ربنا
----------
ده اكييييد
---------
بالنسبة لعلام البنات فطبعا انا مش قصدي اللي إنتي فهمتيه
-------
امال ايه
--------
طبعا البنت تتعلم زي ما قلتي علشان تنفع بيتها وأولادها يعني الأساس البيت والأولاد مش التعليم في حد ذاته يبقى المفروض مانضغطش عليها في موضوع التعليم ده وغنها لازم تبقى دكتورة او مهندسة يأما فلا
--------
الموضوع مش ضغط الموضوع ميول هي عاوزه تكون ايه واللي بيحب شي مهما كان بينجح فيه
-------
بالنسبة للرجالة اللي مابيحبوش زوجاتهم يبقوا متعلمين إسمحي لي أقولك رأيي ..
-------
ايوااااان
----
الموضوع وما فيه إن أي راجل ما بيحبش الدوشة ومش عاوز يرجع بيته يلاقي مراته تنفتح له إستجواب زي مجلس الشعب ويقولها يمين تقوله ليه مش شمال طب اقنعي ان اليمين افضل طيب يعني مثلا لو رحنا شمال هتكون ايه النتيجة ويا تري رد فعلا اليمين هيكون ايه ويلاقي ياعيني الراجل من دول حياته كلها تبقى مناقشات في اليمين والشمال وحياته تنتهي وهو بيعيط ويقول كنتي فين يا "لأ" لما قلت "آه".
---------
ههههههههههههههههههههههه
يعني انتوا عاوزينها تقول امين علي كل حاجه
طيب هو الافضل انك لما يكون في مشكله في شغلك تكلم فيها صاحبك ولا مراتك طيب لو مراتك ازاي هتقولك رايها لو هي مش مدركه الموضوع
طيب اقولك حاجه انا واحده قريبتي متعلمه مش هقول تقربلي ايه اوكش
دي خريجه تجاره من كتر ما زوجها مسح عقلها ومش بيخليها تفكر بقت ابيض حتي في حسابها مع البياع ابييييييييض
والسبب هو انه منعها من القرايه منعها من انها تقول رايها من انها تجمع رقمين حتي وبمرور السنين اصبحت فله
ماما لما تقولها الفلوي اللي عليكي ولا اللي ليكي بيجيلها الضغط
مهو مش لازم نهمش الزوجه عشان نريح الدماغ
وفيها ايه لما تقول لا شمال لا يمين والموضوع يمشي باقتناع مش مجرد فرض راي
-------
عجبتني حتة إن البنت بنت والولد ولد فاكرتني بمذيعين الكورة لما بيقولوا المفروض إن محدش يعترض على الحكام لان الحكم حكم واللاعب لاعب والجمهور جمهور :)
---------
هههههههههههههههههههه
ماشي ماشي اضحك عليا اضحك عااااااا
----------
بس بصراحة إسمحيلي أشكرك على رأيك وإنك بتتعبي نفسك وبتقلبي في دفاتري القديمة
-------
بصراحه مدونتك جميله وكل اما اكون عاوزه استمتع بقرايه حاجه بروح اقلب
ممكن اكون متاثره بتخصصي بس اللي اقوله فعلا مدونتك جميله ربنا يحميك
ويغير مودك بقي :)
كيارا
لو البنت متفوقة تعليميا وهيه شخصيا بتحب التعليم (وطبعا ده في النادر) يبقى مافيش مشكلة بس برضه لازم تبقى عارفة إن الأساس هوه البيت والأولاد لأن للأسف الشديد إن فيه زوجات بينسوا الموضوع ده وبيركزوا جدا في شغلهم وعلى فكرة والدتي الله يرحمها كانت من النوعية دي وعشان كده وصلت لمدير إدارة في التربية والتعليم بس للأسف كان على حساب البيت
أينعم أنا وأخويا "بوبوس الأصيل" إتعلمنا نعتمد على نفسنا في كل حاجة بس ده مايمنعش إننا أكيد كان فيه أوقات بنحب إنها تكون موجوده معانا بس للأسف كان الشغل واخد معظم وقتها.
بالنسبة لمشاكل الشغل أنا أعتقد إن بقدر الإمكان المفروض الزوج يفصل مابين الشغل والبيت لأنه لو اتكلم في مشاكل الشغل في البيت يبقى معنى كده إن المشاكل هتطارده في بيته كمان واكيد ده هيأثر على علاقته بزوجته وبأولاده
طبعا اللي حصل مع قريبتك ده ماعتقدش إنه صح تماما لأن الزوجة لازم تعتمد على نفسها ويبقى ليها شخصيتها بس (واخدة بالك من بس دي) مش مع زوجها يعني تكون شخصية قوية ومحترمة وليها رأي خارج البيت لكن داخل البيت المفروض تكون العكس تماما يعني مع زوجها تكون انسانه رقيقة مطيعة وكمان غير محترمة وطبعا مع الأولاد لازم توازن ما بين الشخصية القوية والشخصية الحنونة اللي تقدر بيها تحتوي أطفالها وتصاحبهم وتوجهم في نفس الوقت
شكرا على كلامك الجميل عن المدونة ويعتذر عن التأخير في الرد بس فعلا غصب عني
تحياتي
الجزء الاولاني معاك طبعا فيه
وبايده جدا
-------
بالنسبة لمشاكل الشغل أنا أعتقد إن بقدر الإمكان المفروض الزوج يفصل مابين الشغل والبيت لأنه لو اتكلم في مشاكل الشغل في البيت يبقى معنى كده إن المشاكل هتطارده في بيته كمان واكيد ده هيأثر على علاقته بزوجته وبأولاده
-----
مش اقصد مشاكل بس مثلا لو داخل علي مشروع اي حاجه يعني مش لازم تكون حاجه فيها خناق
وحتي لو كده مهو مين الحضن الحنين اللي هيشكي ويفضفض ليه
-----------
ا لأن الزوجة لازم تعتمد على نفسها ويبقى ليها شخصيتها بس مش مع زوجها
-------
اخدت بااااااالي من بس
---------
لكن داخل البيت المفروض تكون العكس تماما يعني مع زوجها تكون انسانه رقيقة مطيعة وكمان غير محترمة
-------
رقيقه موافقه
مطيعه مش في كل الاحيان لازم حاجات تكون اقتنعت عشان تبقي مطيعه مش تقول امين علي كله حتي لو هي شيفه انه هيكون ضد رغبتها
مهو لازم يقدر ويتناقش عشان كلمه حاضر تكون من قلبها مش لمجرد انه زوجها ولازم تقول امين
فرق كبير من حاضر باقتناع وحاضر باجبار وحاضر لمجرد ان ملهاش غير كلمه حاضر
كلمه غير محترمه ازاي يعني ماهي لازم تحترم زوجها ولا انت عاوزها تتعدي عليه بالكلام مش فاهمه ازاي يعني غير محترمه
-------
وطبعا مع الأولاد لازم توازن ما بين الشخصية القوية والشخصية الحنونة اللي تقدر بيها تحتوي أطفالها وتصاحبهم وتوجهم في نفس الوقت
------
الحوار ده كان داير بيني وبين ماما هل الحنيه اللي تنفع في التربيه ولا القسوه اللي تنفع
راحت قالتلي في اوقات الابن او البنت مش بيكون محتاج الا حضنك اللي يحسسه بالامان مهما كان في اللحظه دي هو غلط وبعد اما البركان اللي جواه يخمد من الميه اللي نزلت عليه بحضنانك تبدا بقي الشخصيه اللي بتوجه تطلع وتفهميه بالاقناع مش بالشخط
يعني عمليه الام مع الاولاد انا شيفاها حسب غريزه كل ام وثقافتها وقرايتها
--------
شكرا على كلامك الجميل عن المدونة
-----
انا قلت شي حقيقي ومش بجامل لان لو وحشه هقولها وش كده
---------
عتذر عن التأخير في الرد بس فعلا غصب عني
-------
مش مرتاحه لغيابك الفتره دي ربنا يقويقك ولو كنت في كرب يفرجها عنك
وميرسي لردك عليا برغم انه بوست قديم ممكن كنت مش ترد زي ماكتير بيعمل
كيارا
أولا اسمحيلي أخرج برة الحوار لدقيقة وأطلب منك ماتضيقيش بخصوص آخر بوست عندك الموضوع مايستهلش وانا سبت تعليق عندك بيفيد نفس الكلام
ندخل بقى في التخاريف اللي عندي
بخصوص إطاعة الزوجة لزوجها مش عارف ليه البنات بيقلقوا من الموضوع ده وحتى يا ستي لو طاعة عمياء ايه المشكلة مش الزوج هو الشخص اللي البنت وافقت إنها تسلمه حياتها يبقى ماتطعهوش ليه وبعدين عشان تبقى عارفة الرجالة طيبين وممكن يضحك عليهم بسهولة بس هما يعني بيحبوا يحسوا إنهم من عينة سيد قراره فمافيهاش حاجة يعني لو الزوجة خدته على قد عاقله وصدقين بعد شوية بكلمتين حلوين هيجيب مارشدير بس يبقى جاب مارشدير بمزاجه :))
حكاية غير محترمة مش قصدي إن الزوجة ماتحترمش زوجها انا أقصد إنها تتعامل معه كعشيقة وليست فقط كزوجة فالرجال يعشقون المغامرات ولاسيما في الحب وما أجمل المغامرة عندما تكون بين المرء وزوجه.
كلام والدتك - ربنا يخليهالك - كلام كبير وفعلا تأثير الأم على الأولاد بيكون واضح جدا في حياتهم العملية بعد كده
بالنسبة للمدونة يا ستي حتى لو بتجمليني يعني مافيهاش حاجة دي حتى الكلمة الطيبة صدقة
الحمد لله مافيش كرب ولا حاجة التأخير ناتج عن شغل مش أكتر بنجهز ميزانيات 2009 عقبال عندك
طبعا لازم أرد لان عدم الرد انا بعتبره قلة ذوق وأينعم انا فيا العبر بس الحمد لله مش من ضمنهم قلة الذوق دي :)
تحياتي
كيارا
أولا اسمحيلي أخرج برة الحوار لدقيقة وأطلب منك ماتضيقيش بخصوص آخر بوست عندك الموضوع مايستهلش وانا سبت تعليق عندك بيفيد نفس الكلام
---------
انت مش شفت الكلام اللي وصلي اصلا انا عندي عته وتخلف تدويني غير ان السب وصل لامي وابويا
----
ندخل بقى في التخاريف اللي عندي
بخصوص إطاعة الزوجة لزوجها
--------
خلاص تطيعه انا اقدر اتكلم :)
---------
انا أقصد إنها تتعامل معه كعشيقة وليست فقط كزوجة فالرجال يعشقون المغامرات ولاسيما في الحب وما أجمل المغامرة عندما تكون بين المرء وزوجه.
---------
اهااا فهمت بص لو بتحب زوجها اكيد هتعمل اي شي يرضيه ويسعده اما لو واخدها جوازه بيت وعيال وطبخ وبصل وتوم فقط يبقي مش هتلاقي الغير محترمه مع زوجها طبعا زي ماقلت انت في الاول
-----
كلام والدتك - ربنا يخليهالك - كلام كبير وفعلا تأثير الأم على الأولاد بيكون واضح جدا في حياتهم العملية بعد كده
---------
ده اكيييييييييييييييييييييييييييييييييييييييييد
----------
بالنسبة للمدونة يا ستي حتى لو بتجمليني يعني مافيهاش حاجة دي حتى الكلمة الطيبة صدقة
الحمد لله مافيش كرب ولا حاجة التأخير ناتج عن شغل مش أكتر بنجهز ميزانيات 2009 عقبال عندك
-------
طيب الحمد لله
------
طبعا لازم أرد لان عدم الرد انا بعتبره قلة ذوق وأينعم انا فيا العبر بس الحمد لله مش من ضمنهم قلة الذوق دي :)
--------
انا مش قصدت كده خالص وطبعا انت الزوق كوله
إرسال تعليق
<< Home