يَوْمِيَات وَلَد مَصْري
السبت، مارس 29، 2008
الباسمهندش بلية
بعد كفاح مرير واستبسال الأبطال نجحت في إني انهي حياتي (لأ طبعا منتحرتش) أقصد حياتي الدراسية في كلية الهندسة تخصص قوي والات كهربية وطبعا واحد رزل هيسألني ويقولي ده معناه يا كابتن لطيف انك بقيت متخصص في تصليح الخلاطات والمكاوي والمكانس الكهربية؟ فهقوله لأ طبعا ده مجرد تشابه أسماء لكن انا بقى بقيت باشمهندس قد الدنيا يعني اصمم محطات كهربا اركب خطوط انتاج اصلح توربينات وحاجات تانية بسيطة زي كده.
المهم اني قبل ما يصيبني الدور واخش الجهادية علشان خدمة مصر واللي هيه اساسا كانت متمثلة في خدمة الشويش رجب (هنبقى نخصص له شابتر كامل في المذكرات لواحده لأنه فعلا يستاهل) قررت اني اشتغل في أحد المصانع في العاشر من رمضان واقتحم مجتمع السادسة صباحا وقلت اهي فرصة اطبق كل اللى اتعلمته في الكلية ومنها اخد الخبرة العملية اللي تساعدني اني اقدر اقف على أرض صلبه واستطيع اني اصارع أمواج الحياة وده طبعا كله قبل ما اصطدم بصخرة الواقع (يا ساتر ايه الكلام المجعلص ده) اللى حصل يا سادة اني ملقتش اي علاقة ما بين اللى طفحت الكوتة في دراسته في خلال ال ٨ سنين اللي شرفت فيهم في هندسة طره ومابين اللى شفته في الوظيفة لأني اللي شفته كان شئ فظيع فظيع مش ممكن اقدر اوصفهلكم (لأ.. بقولكم ايه مش عاوز حد يفهمني غلط .. كله الا كده.. هوه الباشمهندس مننا عنده ايه يخاف عليه غير سمعته) ..
المهم اني قبل ما يصيبني الدور واخش الجهادية علشان خدمة مصر واللي هيه اساسا كانت متمثلة في خدمة الشويش رجب (هنبقى نخصص له شابتر كامل في المذكرات لواحده لأنه فعلا يستاهل) قررت اني اشتغل في أحد المصانع في العاشر من رمضان واقتحم مجتمع السادسة صباحا وقلت اهي فرصة اطبق كل اللى اتعلمته في الكلية ومنها اخد الخبرة العملية اللي تساعدني اني اقدر اقف على أرض صلبه واستطيع اني اصارع أمواج الحياة وده طبعا كله قبل ما اصطدم بصخرة الواقع (يا ساتر ايه الكلام المجعلص ده) اللى حصل يا سادة اني ملقتش اي علاقة ما بين اللى طفحت الكوتة في دراسته في خلال ال ٨ سنين اللي شرفت فيهم في هندسة طره ومابين اللى شفته في الوظيفة لأني اللي شفته كان شئ فظيع فظيع مش ممكن اقدر اوصفهلكم (لأ.. بقولكم ايه مش عاوز حد يفهمني غلط .. كله الا كده.. هوه الباشمهندس مننا عنده ايه يخاف عليه غير سمعته) ..
اول ما رحت المصنع ودوني للاسطى ناجي الكهربائي واللى عرفت بعد كده من الضحايا امثالي انه كان باني المصنع مع الجماعة الالمان اللي جم ركبوا المصنع من عشريييييييييييين سنة وده طبعا يديله الحق انه يبقى الالفا بتاع الفصل يعني بلا مؤاخذة الفردة بتشاع المنتشقة (يعني بتاع المنطقة بالترجمة العربي) المهم دخلت على المعلم ناجي لقيته بص لي بنظرات مفادها مش طالباك انت كمان ع الصبح وعينه بتطق شرار وبقه ومصارينه اتقلبت من القرف اللي شايفه قدامه وراح زاعق فيه وقالي" خُر يآه مين اللي بعتك هنا .. هه؟"
قمت انا رديت عليه وانا بترعش وقلتله " المُه مُه .. المُه مُه .. وا وا .. وا وا .. المهندس وجيه" راح شاخط فيّه وقالي" انت بتقول مين يآه؟"
قلت له " المهندس وجيه يا معلم" ..
قالي "آآآآآآآآه الباسمهندش وجيه ..حلو الكلام .. وقالك ايه بقى سي الباسمهندش وجيه؟"
"قاللي أجيلك وا وا وحضرتك يعني ولو مافيهاش إساءة أدب بس يعني لو تديني تديني" ..
"أديلك ايه يآه .. انطق" ..
" تديني فكرة" ..
"هاأو فكرة .. فكرة ايه يآآه؟"
" فكرة عن المصنع وخطوط الانتاج"..
"وانت بقى بلا مؤاخذة خريج ايه يا فندي؟"
"انا خريج كلية الهندسة يا معلم" ..
"هندشة هاأوأو يا هندشة قسم ايه بقى بلا أفيه" ..
" كهربا يا معلم" ..
"كهربا .. يعني تعرف تمسك مفك وظردية وتحل الموتور المحروق ده وتلف له الكوين بتشاعه" (قصده الكويل بتاعه يعني الملف)
" الحقيقة يا معلم أصلي أصلي كنت غايب يوم ما خدوها" (كدبة بيضة لاننا بندرس الكلام ده نظري بس) ..
"يبقى بلا مؤاخذة بقى تروح للباسمهندش وجيه وتقله انك سقطت في كشف الهيئة وتخليه يشوفلك أي شغلانة عنده في المكتب أهو تفردلك شوية ورق قدامك وتنعكش شعرك وتعمل فيها بتاع تصاميم .. مفهوم الكلام يا هندشة ولا تحب أترجمهولك؟"
"مفهوم .. مفهوم يا معلم"
وخرجت من عنده وانا بجري وبتكعبل في العدد اللى مرمية في كل حتة وسامعه وهوه بيقول لشوية الفنيين اللى كانوا قاعدين معاه "أنا عارف بيجبولنا الاشكال دي منين .. هيه المشرحة ناقصة قُتله" أنا سمعت كلمة مشرحة دي من هنا وحلفت ميت يمين ما أنا رايح الشغلانة دي تاني .. هو ايه العمر بعزقه .. وبعدين الله يسامحهم بقى الدكاترة في كلية الهندشة اللى ماعلموناش غير النظريات والكلام الفارغ ونسيوا خالص يدرسولنا علم التشريح !!
قمت انا رديت عليه وانا بترعش وقلتله " المُه مُه .. المُه مُه .. وا وا .. وا وا .. المهندس وجيه" راح شاخط فيّه وقالي" انت بتقول مين يآه؟"
قلت له " المهندس وجيه يا معلم" ..
قالي "آآآآآآآآه الباسمهندش وجيه ..حلو الكلام .. وقالك ايه بقى سي الباسمهندش وجيه؟"
"قاللي أجيلك وا وا وحضرتك يعني ولو مافيهاش إساءة أدب بس يعني لو تديني تديني" ..
"أديلك ايه يآه .. انطق" ..
" تديني فكرة" ..
"هاأو فكرة .. فكرة ايه يآآه؟"
" فكرة عن المصنع وخطوط الانتاج"..
"وانت بقى بلا مؤاخذة خريج ايه يا فندي؟"
"انا خريج كلية الهندسة يا معلم" ..
"هندشة هاأوأو يا هندشة قسم ايه بقى بلا أفيه" ..
" كهربا يا معلم" ..
"كهربا .. يعني تعرف تمسك مفك وظردية وتحل الموتور المحروق ده وتلف له الكوين بتشاعه" (قصده الكويل بتاعه يعني الملف)
" الحقيقة يا معلم أصلي أصلي كنت غايب يوم ما خدوها" (كدبة بيضة لاننا بندرس الكلام ده نظري بس) ..
"يبقى بلا مؤاخذة بقى تروح للباسمهندش وجيه وتقله انك سقطت في كشف الهيئة وتخليه يشوفلك أي شغلانة عنده في المكتب أهو تفردلك شوية ورق قدامك وتنعكش شعرك وتعمل فيها بتاع تصاميم .. مفهوم الكلام يا هندشة ولا تحب أترجمهولك؟"
"مفهوم .. مفهوم يا معلم"
وخرجت من عنده وانا بجري وبتكعبل في العدد اللى مرمية في كل حتة وسامعه وهوه بيقول لشوية الفنيين اللى كانوا قاعدين معاه "أنا عارف بيجبولنا الاشكال دي منين .. هيه المشرحة ناقصة قُتله" أنا سمعت كلمة مشرحة دي من هنا وحلفت ميت يمين ما أنا رايح الشغلانة دي تاني .. هو ايه العمر بعزقه .. وبعدين الله يسامحهم بقى الدكاترة في كلية الهندشة اللى ماعلموناش غير النظريات والكلام الفارغ ونسيوا خالص يدرسولنا علم التشريح !!
ياللا خيرها في غيرها ونتقابل في يوم جديد بإذن الله..
التسميات: يوميات
8 Comments:
يعنى احنا مش قلنا بلاش كلام فى السياسة انت قصدك يعنى تقول انه لا سمح الله احنا بلد شهادات على الورق و لا يعنى قصدك تقول اننا بنخرج من الكليات زى ما دخلنا يدوبك بنفك الخط....لا لا لا ده مش حقيقى دا كل شىءعندنا تمام و دنه عامر بحس وزراء الحكومةو بالذات وزير التعليم العالى اللى مهنينا و مخلى اعضاء هيئة التدريس فى هنا و نعيم و بيضربوا علشان يقولولوه كده كفاية متبسطناش اكتر من كده و سلمى لى على اللى قال بلد شهادات بصحيح
جنه
شكرا على زيارتك والتعليق بس أنا عمري ما بتكلم في السياسة وهوه يعني ايه سياسة أصلا .. برئ يا بيه!!
وبعدين أنا كان غرضي أقول أن المفروض يعني أنهم يضيفوا بس علم التشريح من ضمن الدراسة في كلية الهندسة ولو مش عايزيين وماله نبقى ندرسه دراسات حرة.
walad_masry
عاوزه اقولك بجد بقالى يوميين مش عارفة ابعث تعليقى ليك وكل ما اكتبه
النت يفصل قبل ما انشر التعليق..
على كل حال انا بأحيى فيك روح ابن البلد اللى ما غيرتهاش الغربه
مدونتك مواضيعها جميله ومشيقه ودمها خفيف قوى .. سعدت بزيارتها ويا رب يوصل تعليقى المره دى
خالص تحياتى .. وربنا يوفقك
rovy
Rovy
شكرا على الزيارة والتعليق والكلام الجميل ويظهر إن موضوع النت اللي بيفصل ده بيحصل مع كل الناس اللى بيدخلوا على المدونة لأني شايف زيارات كتير ومحدش فيهم بيقول أي حاجة فأنا بقى هعتبر ان بيحصل معاهم زي اللى حصل معاكي وان يا عيني كلهم كان نفسهم يسيبوا تعليقاتهم بس محصلش نصيب.
أما موضوع ابن البلد ده فطبعا أنا أتشرف إني أكون منهم ولو أني يعني من مواليد مصر الجديدة بس فعلا احنا بنحب بلدنا ونفسنا تكون أعظم بلد في العالم.
أشكرك مرة تانية وماتنسيش تزورينا في همسات مصرية كمان.
يا هندسه كبر
كان البتاع محروق
كنت نروح تظبطه على الاخر
وطلع غيظك منه
بس اى حد يكلمك قلو انا تبع همس
وشوف انا هعمل ايه؟؟؟
ماشى يا كبيرررررررر
همس
ماهي المصيبة اني معرفش اضبط البتاع المحروق لأننا بندرس كل التفاصيل بتاعة ضبط البتاع ده بس نظري (مش فاهم بيعتبروا كلية الهندسة كلية عملية ازاي).
وبعدين معلش حكاية اني أقول إني تبع همسة عتاب دي صعبة عليّ شوية حاكم هرمونات الذكورة عندي عالية حبتين.
وعلى العموم برضه شكرا على العرض وشايلك لوقت عوزة.
صحيح بلد شهادات صحيح على راى الفيلم هههههه
يحيا التعليم
برينسيس
قصدك ايه؟ اننا بناخد شهادات واحنا مانعرفشي حاجة؟
الله يسمحك
شكرا على زيارتك المتأخرة والتعليق
إرسال تعليق
<< Home