يَوْمِيَات وَلَد مَصْري
الأحد، يونيو 08، 2008
إثبت محلك
الست أم كلثوم في أغنية أنت عمري ليها مقطع بتقول فيه:
اللي شفته قبل ما تشوفك عينيَّ
عمر ضايع يحسبوه إزاي عليَّ
الكلام ده ولو إنه المفروض أنه يكون كلام عشق الا إني دايما كنت بشوف إن الكوبليه التاني بتاع العمر الضايع ده بينطبق على فترة الجيش وخصوصا على الوقت اللي كنت بقف فيه في الخدمة، فالوقوف في الخدمة معناها إن في 12 ساعة من حياتك هيطيروا في الهواء وأنت واقف بتتفرج عليهم.
نظام الخدمة في الجيش إن الاتناشر ساعة بيتقسموا على ثلاث أقسام كل قسم أربع ساعات بتبتدي من الساعة 6 مساءا لحد 6 صباحا وقال ايه بيسموا كل فترة بإسم مختلف فالفترة الأولي بيسموها شنجي والتانية برينجي والتالته كينجي (تقريبا المصطلحات العجيبة دي خدوها من شاويش في الجيش الهندي نظرا لتبادل الخبرات بينا وبين الجيوش في الدول المتقدمة دي).
المهم وإنت واقف خدمة شريط حياتك الاسود كله ممكن يعدي عليك لأنهم بيكونوا أطول أربع ساعات في التاريخ ويا سلام بقى لو كان حظك الجميل وقعك في فترة البرينجي اللي بتبتدي من الساعة 10 مساءا إلى 2 صباحا ولا يا سيدي على فترة الكينجي اللي سعادتك بتقف فيها من 2 صباحا الى الساعة 6 الصبح، طبعا في الفترتين دول بتكون واقف وانت بتحاول تزق النوم بعيد عن عينك اللي بتحول كل شوية وتلاقي راسك اتدلدلت على صدرك ورموشك ابتدت تلزق في بعض وتبتدي فترة الأحلام الجميلة ويعقبها مرحلة الشخير بصوت عالي، طبعا كل ده وسعادتك واقف على رجلك وساند ظهرك على البرميل اللي انت واقف بتحرسه!! ومعنى إنك تنام وانت واقف إنك بتكون زي الحمار (لامؤاخذه) لأن الحمار هو الحيوان الوحيد اللي فصيلته بتقدر تنام وهي واقفه (أمال هما سموه حمار ليه) وطبعا معنى إنك تتمسك وانت نايم في الخدمة فده بيعتبروه فعل فاضح في الطريق العام ويدوروك مكتب بمعني إنهم يحولوا أوراقك للمفتي أقصد لقائد العمليات علشان يحكم عليك بحكم قد يصل إلى السجن!!
في اليوم ده نادوا على اسمي في طابور الخدمة على النحو التالي:
الشويش: فلان الفلاني
فلان: أفندم
الشويش: عيلان العيلاني
عيلان: أفندم
الشويش: ينادي على إسمي
أنا: أفندم
الشويش: خدمة كاوشتات (يقف العسكري فلان والعسكري عيلان ومعاهم العبد لله علشان يحرسوا شوية كاوتشات قديمة .. تصدقوا)
نسيت اقولكم ان من قواعد لعبة الخدمة إن الثلاث عساكر اللي عليهم الخدمة لازم يتواجدوا في نفس المكان علشان يحرسوا بعض بس واحد بيقف في الخدمة والاتنين التانيين بيناموا في نفس المكان (طبعا ده لو عرفوا يغمضوا جفونهم أصلا) وأهم حاجة في موضوع الخدمة انك لازم اول ما تشوف اي مخلوق يقرب منك تزعق بملو حسك وتثبته وتقوله "إثبت محلك" وبعدين تسأله عن كلمة السر، لأ وايه اظرف حاجة إنك بتثبته بإيه؟ مش هتصدقوا .. بيبقى معاك عصاية خشب .. اي والله عصاية خشب بتقف بيها زي السبع وتقوله بعلو صوتك إثبت محلك، طيب ولنفترض إنه قل عقله ومتنيلش على عينه واتثبت مكانه، ممكن اعرف عصاية الغلية اللي معايا دي ههبب بيها ايه؟ ولو كان الشخص اللي هالل عليَّ ده من الأعداء مثلا ممكن أعرف بقى هيبقى موقفي ايه بالضبط؟
الحقيقة لحد ما خلصت الجيش مقدرتش أعرف إجابات الأسئلة دي والحقيقة كمان إن كل شاويش كان بيشرح موضوع الخدمة كان بيهنج لما بيتسأل الأسئلة المحرجة دي ولو اني اعتقد ان العصاية الخشب دي فايدتها الوحيدة إنك ترقص بيها عشرة بلدي او آخرها إنك تلعب بيها تحطيب!!
المهم إن في الليلة اللي ما يعلم بيها الا ربنا دي وقفت خدمة على الكاوشتات (زي ما الشويش بيسميها) وكنت ساعتها كينجي يعني المفروض أقف الخدمة من الساعة 2 الى الساعة 6 صباحا وطبعا وبعد ما استلمت الخدمة كنت عاوز انام بغباوة والجو كمان كان بارد جدا .. المهم إني إنتهزت فرصة وجود برميل مقلوب وقعدت عليه ولفيت البطانية الميري حولين جسمي يمكن ربنا يجعلها سبب وتمنع لفحات البرد اللي كنت مش عارف دخلالي منين.
شوية يجي تقريبا بعد ساعة من وقوفي في الخدمة يعني حوالي الساعة 3 الفجر .. لاقيت شبح لونه إسود .. بيمشي على أربع وبيتحرك في الظلام الدامس حركات مريبة .. وبيمشي بخطوات غير مستقيمة .. وبيقف فجأة وبعدين يتحرك مرة تانية وبعدين يقف وبعدين يتحرك وهكذا .. قعدت أدعك في عينية كويس وأحاول أبحلق في الشبح ده يمكن أقدر أعرف ده إيه بدون فايدة طبعا قمت فزيت من مكاني بسرعة واستنيت لحد ما أقرب مني...
يا ترى ده يطلع ايه؟ كلب ولا ديب ولا تعلب ولا جن؟!!
جن إنت بتقول جن؟ طبعا بتستغربوا
اللي شفته قبل ما تشوفك عينيَّ
عمر ضايع يحسبوه إزاي عليَّ
الكلام ده ولو إنه المفروض أنه يكون كلام عشق الا إني دايما كنت بشوف إن الكوبليه التاني بتاع العمر الضايع ده بينطبق على فترة الجيش وخصوصا على الوقت اللي كنت بقف فيه في الخدمة، فالوقوف في الخدمة معناها إن في 12 ساعة من حياتك هيطيروا في الهواء وأنت واقف بتتفرج عليهم.
نظام الخدمة في الجيش إن الاتناشر ساعة بيتقسموا على ثلاث أقسام كل قسم أربع ساعات بتبتدي من الساعة 6 مساءا لحد 6 صباحا وقال ايه بيسموا كل فترة بإسم مختلف فالفترة الأولي بيسموها شنجي والتانية برينجي والتالته كينجي (تقريبا المصطلحات العجيبة دي خدوها من شاويش في الجيش الهندي نظرا لتبادل الخبرات بينا وبين الجيوش في الدول المتقدمة دي).
المهم وإنت واقف خدمة شريط حياتك الاسود كله ممكن يعدي عليك لأنهم بيكونوا أطول أربع ساعات في التاريخ ويا سلام بقى لو كان حظك الجميل وقعك في فترة البرينجي اللي بتبتدي من الساعة 10 مساءا إلى 2 صباحا ولا يا سيدي على فترة الكينجي اللي سعادتك بتقف فيها من 2 صباحا الى الساعة 6 الصبح، طبعا في الفترتين دول بتكون واقف وانت بتحاول تزق النوم بعيد عن عينك اللي بتحول كل شوية وتلاقي راسك اتدلدلت على صدرك ورموشك ابتدت تلزق في بعض وتبتدي فترة الأحلام الجميلة ويعقبها مرحلة الشخير بصوت عالي، طبعا كل ده وسعادتك واقف على رجلك وساند ظهرك على البرميل اللي انت واقف بتحرسه!! ومعنى إنك تنام وانت واقف إنك بتكون زي الحمار (لامؤاخذه) لأن الحمار هو الحيوان الوحيد اللي فصيلته بتقدر تنام وهي واقفه (أمال هما سموه حمار ليه) وطبعا معنى إنك تتمسك وانت نايم في الخدمة فده بيعتبروه فعل فاضح في الطريق العام ويدوروك مكتب بمعني إنهم يحولوا أوراقك للمفتي أقصد لقائد العمليات علشان يحكم عليك بحكم قد يصل إلى السجن!!
في اليوم ده نادوا على اسمي في طابور الخدمة على النحو التالي:
الشويش: فلان الفلاني
فلان: أفندم
الشويش: عيلان العيلاني
عيلان: أفندم
الشويش: ينادي على إسمي
أنا: أفندم
الشويش: خدمة كاوشتات (يقف العسكري فلان والعسكري عيلان ومعاهم العبد لله علشان يحرسوا شوية كاوتشات قديمة .. تصدقوا)
نسيت اقولكم ان من قواعد لعبة الخدمة إن الثلاث عساكر اللي عليهم الخدمة لازم يتواجدوا في نفس المكان علشان يحرسوا بعض بس واحد بيقف في الخدمة والاتنين التانيين بيناموا في نفس المكان (طبعا ده لو عرفوا يغمضوا جفونهم أصلا) وأهم حاجة في موضوع الخدمة انك لازم اول ما تشوف اي مخلوق يقرب منك تزعق بملو حسك وتثبته وتقوله "إثبت محلك" وبعدين تسأله عن كلمة السر، لأ وايه اظرف حاجة إنك بتثبته بإيه؟ مش هتصدقوا .. بيبقى معاك عصاية خشب .. اي والله عصاية خشب بتقف بيها زي السبع وتقوله بعلو صوتك إثبت محلك، طيب ولنفترض إنه قل عقله ومتنيلش على عينه واتثبت مكانه، ممكن اعرف عصاية الغلية اللي معايا دي ههبب بيها ايه؟ ولو كان الشخص اللي هالل عليَّ ده من الأعداء مثلا ممكن أعرف بقى هيبقى موقفي ايه بالضبط؟
الحقيقة لحد ما خلصت الجيش مقدرتش أعرف إجابات الأسئلة دي والحقيقة كمان إن كل شاويش كان بيشرح موضوع الخدمة كان بيهنج لما بيتسأل الأسئلة المحرجة دي ولو اني اعتقد ان العصاية الخشب دي فايدتها الوحيدة إنك ترقص بيها عشرة بلدي او آخرها إنك تلعب بيها تحطيب!!
المهم إن في الليلة اللي ما يعلم بيها الا ربنا دي وقفت خدمة على الكاوشتات (زي ما الشويش بيسميها) وكنت ساعتها كينجي يعني المفروض أقف الخدمة من الساعة 2 الى الساعة 6 صباحا وطبعا وبعد ما استلمت الخدمة كنت عاوز انام بغباوة والجو كمان كان بارد جدا .. المهم إني إنتهزت فرصة وجود برميل مقلوب وقعدت عليه ولفيت البطانية الميري حولين جسمي يمكن ربنا يجعلها سبب وتمنع لفحات البرد اللي كنت مش عارف دخلالي منين.
شوية يجي تقريبا بعد ساعة من وقوفي في الخدمة يعني حوالي الساعة 3 الفجر .. لاقيت شبح لونه إسود .. بيمشي على أربع وبيتحرك في الظلام الدامس حركات مريبة .. وبيمشي بخطوات غير مستقيمة .. وبيقف فجأة وبعدين يتحرك مرة تانية وبعدين يقف وبعدين يتحرك وهكذا .. قعدت أدعك في عينية كويس وأحاول أبحلق في الشبح ده يمكن أقدر أعرف ده إيه بدون فايدة طبعا قمت فزيت من مكاني بسرعة واستنيت لحد ما أقرب مني...
يا ترى ده يطلع ايه؟ كلب ولا ديب ولا تعلب ولا جن؟!!
جن إنت بتقول جن؟ طبعا بتستغربوا
أيوة ممكن يكون جن وعندنا عساكر في الوحدة إتلبسوا كمان قبل كده وكان فيه شاويش بيقعد يقرأ عليهم علشان يطلع البلاء الأزرق من جتتهم!!
المهم إبتدى الفار يلعب في عبي (ايه القرف ده ) وكبرت في دماغي (لدرجة إنها طلعت من وداني هخخخخخخ) وقلت لازم أعرف الحيوان ده يطلع ايه ....
طبعا كانوا الاتنين العساكر اللي معايا في الخدمة في سابع او تامن نومة مش عارف بالظبط، رحت أنا استخبيت ورا البرميل اللي كنت قاعد عليه واستنيت الحيوان ده لما يقرب مني علشان أروح نازل على دماغه وهابده بالعصاية اللي في إيدي ويا دار مادخلك شر!!
فضلت قاعد ورا البرميل مستني الحيوان إنه يشرف ومتبت على العصاية اللي معايا وأنا على أهبة الاستعداد (حلوة أهبة دي مش كده) وكل دقيقة بتعدي عليُّ أقول خلاص هانت ومسيره هيجي على الأقل علشان ياكل الاتنين عساكر الغلابة اللي نايمين دول .. متخفوش أنا بس قلت أعملهم طعم علشان أصطاد بيه الحيوان ده لكن طبعا ماكنش في نيتي إني أستندل وأسيبهم.
الحيوان إتأخر .. قلت عادي ماهو حيوان ومش فارقه معاه المواعيد .. ومش عارف إن فيه بني آدم عاوز يتخمد له ساعتين قبل الفجر ما يشقشق .. قلت في عقل بالي (ايه الكلام الفارغ ده هوه البال له عقل!!) إستنى شوية كمان يا واد وإتقل على الطبخة لحد ما تستوي .. وفضلت على الحال ده ما يقرب من ربع الساعة!!
قلت أطل براسي كده وأشوف الحيوان ابن الجزمة ده ايه اللي أخره .. وفعلا بصيت براحة خالص لقيت الحيوان إختفى .. قمت من مكاني أدور عليه .. لقيته فص ملح وداب!! إطمنت على العساكر اللي كانوا معايا وغطيتهم وبوستهم (قلب الأم بقى) وقلت أروح أكمل نوم على البرميل اللي مستخبي وراه.
ومرة واحدة .. وأنا لسه هقعد على البرميل .. سمعت صوت ورايا .. اتلفت بسرعة .. أشوف فيه إيه .. لقيت شبح إسود ضخم .. واقف على رجلين .. قربت منه .. وكانت ضربات قلبي عمالة تدق بسرعة .. حسيت إن جسمي كله بيترعش .. ولسه برفع العصاية اللي معايا .. علشان أديلة على راسه .. فجأة .. سمعت صوت غريب جدا بيقول ..
إنت كنت نايم ولا إيه يا دفعة!!
قربت في اتجاه الصوت اللي طالع من الشبح
لقيته الصول جمعة .. الصول بتاعنا .. أتاريه كان قايم قبل الفجر يلف على العساكر اللي وقفين في الخدمة وأتاريه هوه اللي كان عمال يلف ويدور ويستخبى علشان يتأكد إذا كنت نايم ولا صاحي!!
أنا: ماكنتش نايم يا فندم
الصول جمعة: طيب وماثبتنيش ليه
أنا: أصل .. ماهو .. بس ..
الصول جمعة: مدور مكتب بكرة الصبح يا عسكري
أنا: تمام يا فندم
وطبعا وبعد فيلم الرعب اللي ما يعلم بيه الا ربنا ده والكلمتين اللي في الآخر دول، طار النوم من عيني وقعدت أفكر في الجزاء اللي هيوقعه عليَّ قائد العمليات.
تاني يوم الصبح وبعد طابور الصباح أتدورت مكتب عند قائد العمليات، وأنا واقف على باب مكتبه ومعايا كل البهوات اللي كانوا نايمين هما كمان لقيتهم بينادوا عليَّ في ميكروفون الإذاعة علشان أروح لقائد العمليات .. رحت واخد بعضي ومخبط على الباب وطبعا العساكر التانية مش فاهمة ايه اللي انا بعمله بالظبط وقالوا عليَّ اتخبلت في عقلي!!
دخلت على قائد العمليات لقيته قاعد ومعاه تقريبا كل ظباط الوحدة .. لقيته بص لي وقالي:
قائد العمليات: إنت اللي معاك عربية صفرا وراكنها عند سور الوحدة
أنا (في سري .. يا دي المصيبة هيه ناقصة .. يعني نوم أثناء الخدمة .. وكمان راكن العربية عند سور الوحدة .. دي أكيد فيها إعدام): أيوة يا فندم
قائد العمليات: عارف يا عسكري مطعم عصافير الجنة اللي في شارع عباس العقاد
أنا: أيوة يا فندم
قائد العمليات: عايزينك تروح تشتريلنا فول وطعمية
أنا: (بارقص من السعادة) تحت أمرك يا فندم .. بس يا فندم أنا كنت متدور مكتب عند حضرتك ..
قائد العمليات: ليه يا عسكري
أنا: (بفشخة ضب محترمة) نوم في الخدمة يا فندم
قائد العمليات: خلاص .. عاوزين 20 فول و10 طعمية
أنا: بسلطة ولا بدون يا فندم
قائد العمليات: بالسلطة يا عسكري
أنا: حمامة يا فندم
وخرجت من عنده وطبعا الصول جمعة كان بيبصلي شزرا وبيبرطم بكلام مش مفهوم لكن خلاصته .. بلد بتاعة شهادات صحيح ..
والحمد لله إنها عدت على خير المرة دي .. ونكمل بإذن الله في يوم تاني ..
التسميات: يوميات
26 Comments:
عشان كده انا ما نسيتش موضوع الجيش ده في برنامجي الانتخابي لرئاسة الجمهورية، حتى شوف:
http://mshedou.blogspot.com/2008/01/blog-post_07.html
:)
ههههههههههههههههههههههههههههه
هههههههههههههههههههههههههه
مدور مكتب يا عسكرى
على فكرة
انا عرفت يعنى ايه التعيين حسب الاحوال
و رديت عليك فى الشات بوكس
بس انت مرديتش عليا
بس حلوه
شنجى برينجى
و بالفلافل
و الفول
و الزيت الحار
و عجبى
ههههههههههههههههههههههه
و دمتــــــــــــــــــــــــــــم
محمد شدو
صباح الاعلانات يا ريس
لكن وماله المهم إنك شرفتني
وان شاء الله ازورك واشوف البرنامج الانتخابي
تحياتي
ساموراي
واضح من ضحكتك كده انك خلصتي امتحانات
وبعدين حلوة حكاية انك تحطي ضحكتين وتكتبي ما بينهم التعليق - بصراحة حركة جديدة وشكل التعليق بيبقى حلو كمان
ههههههههههههههههههههه
التعليق
ههههههههههههههههههههه
بس يا ريت المرة الجاية تظبطي ايدك في الضحكة شوية (اول مرة اشوف ضحكة بالإيد مش بالبق)
المهم واضح سعادتك إنك بتنسي زي حالاتي لاني في الشات بوكس رديت عليكي وقلتلك ايه الضحكة اللي من اول السطر لاخره دي ولا الكي بورد معلقة هوه ده مايعتبرش رد؟
وبعدين ناوية تقري باللي عرفتيه ولا احضر الميه المغلية وسلكين السالب والموجب علشان تتكلمي انا عارف انك عاقلة وهتتكلمي لوحدك لان الانكار مش في مصلحتك
نشوفوكي على خير
السلام عليكم
بوست خطييير ويموت من الضحك
وخصوصا لما اتطمنت على زمايلك
النايمين ( قلب الام بقه )
بس الحمد لله انها عدت على خير
مستنية الجديد ان شاء الله
تحياتي
بوست جامد آخر حاجة ويموت من الضحك وأحلى حاجة فيه حكاية تثبيت العدو بالعصايا، يعني لو هو كمان معاه عصايا يبقى ممكن تلعبوا تحطيب ويتقلب فرح بلدي...بجد كوميديا
فاصل إعلاني
نزلت بوست جديد ياريت أشوف تعليقك
عدنا
سلام
ههههههههههههههههههههههه
نكتب التعليق بقه
انا عاقله اخويا من غير حاجه
و بعدين انا مش بتهدد
اة
انت متعرفنيش ولا ايه
دة انا سامو و الاجر على الله
لا خلى بالك
و لو فى نفسك حاجه اخويا
قولها
و لو ليك حاجه عندى تعالى خدها
احنا مبنخفوش من حاجه
هههههههههههههههههههههههههههههه
شغل بحرى بقه و الانفوشى و يلا بينا
مستنيه الرد
ههههههههههههههههههههههههههه
و دمتـــــــــــــــــــــم
أمل
ربنا يخليكي وشكرا على التعليق الجميل
والحمد لله إن ربنا سترها
تحياتي
بيربل ويفز
كل حاجة في الجيش عبارة عن كوميديا أو تقدري تقولي أفلام .. أهم حاجة إن الواخد ما يخدش الموضوع على صدره علشان فترة التجنيد تعدي على خير لأن غير كده فيه عساكر بيجلها أمراض نفسية وتلقيهم ماشيين يكلموا نفسهم
حلو قوي الفاصل الإعلاني ده
على العموم بإذن الله أزورك وأقول رأيي ومايمنعش برضه حتة "ده كبشتينو يا سونة" في نص التعليق ولا إيه؟ :)
تحياتي
ساموراي
طيب وليه بس اللون الغامق ده ما تخليكي في الفاتح أحسن .. طب دي حتى الألوان الفاتحة بتليق عليكي أكتر
وبعدين النوة اللي عملاها دي مش أوانها دلوقتي إنتي لسه مخلصة امتحانات متخليش حاجة تقل مزاجك
ايه رأيك لو نجيبولك لاموناضه تطري الجو شوية ولا تحبي نجيبولك فريسكا أو كلوكلو
منورة
طب كويس والله انه طلع الصول انا فكرته هيطلع سلعوة
وحلو العقاب ده
الحمدلله انى ماليش جيش
موناليزا
من زمان محدش شافك الحمد لله إننا إطمنا عليكي
سلعوة يا نهار أبيض في الحالة دي متهيألي كان ممكن أستندل مع جوز العساكر اللي كانوا نايمين معايا .. ربنا ستر
وفعلا الحمد لله إن العقاب كان ساندوتشات فول وفلافل مش كيلو كباب وكفته :)
شكرا على الزيارة والتعليق
الموضوع جميل و زى العسل
لو انه بيفكر الواحد بالجيش المصري المهين
والحمد لله انها عدت
خالص تحياتى
هانى يس
هاني باشا
ايه بس اللي مزعلك من الجيش المصري
على العموم أهي أيام وعدت ودلوقتي بنفتكرها وبنضحك عليها
شكرا يا ريس على مرورك والتعليق
تحياتي
ههههههههههههههههههه
عصايه غليه يا حرام ..ز
انت كنت واقف على غساله ولا ايه
بس احلى حاجه العربيه الصفرا
يا سلام
شئ مفرح صحيح
ثبت يا دفعه
يا عمي أنا بحاول أنسى أبوس كعب رجل الكرسي ماتفكرنيش
إنت مصمم تفكرني ليه بالقرف و التخلف و الهبل و السطحية و العته و الغباء بتاع الجيش؟
لأ و لازم تفكرني بكل تفصيلة حتى الخدمة اللعينة
بس أنا بقى هابقى أقولك على مغامراتي في الخدمات لما أبقى أشوفك فيس تو فيس
تحياتي يا عسكري
همس
لأ بقولك ايه عصاية الغلية دي سلاح ميري معتمد ما ينفعش تتريقي عليه لحسن تاخدي حبس
عاجبتك موضوع العربية الصفرا أنا قلت علشان لو قامت حرب طيرات العدو ماتكشفهاش .. تمويه يعني
تحياتي
معلم عواد
يا ساتر ده انت باين عليك شايل من موضوع الجيش قوي شكلك كده كنت بتقف خدمة يوم آه ويوم لأ .. انا اعرف عساكر كانوا كده وهما دول اللي شايلين الجيش على اكتافهم
على العموم أنا يسعدني جدا يا ريس اني أشوفك أول ما أنزل مابيت أقصد أنزل أجازة .. فاهمني طبعا
ابعتلي رقم الموبايل بتاعك على الايميل وان شاء الله اشوكاك تليفون أول ما أنزل
تحياتي ومبروك الشغل الجديد ولو انها متاخرة شوية
باشا
أنا كنت بقف خدمتين في اليوم , مش بس كل يوم.
تنور البلد يا باشا
في إنتظارك
هههههههه
اولا انا شايفة ان اسلوب الضحك بتاعى انتشر
شكلكم اخدتوا كل الضحك لحد ما انا بقيت كئيبة:)
اولا الحصان هو اللى بينام وهو واقف
ثانيا هو الصول بتاعك كان بيمشى ولا بيزحف هههههه
واخيرا لو سمحت عايزة اتنين زنجر سوبريم
هههههههههه
عواد باشا
ما انا برضه قلت كده خدمة ال 24 دي ليها ناسها مش أي حد يلبسها
ان شاء الله اشوفك عل خير
تحياتي
برينسيس
فعلا ههههههه كل الناس ههههههه بقت هههههههه بتستخدم هههههههه اسلوب الضحك ههههههه ده هههههههه مش عارف هههههههههه ليه ههههههههه
على العموم سلامتك من الكآبة
يعني أفهم من كلامك إن الحصان بينام وهو واقف والحمار لا مؤاخذه بينام على جنبه؟ جايز برضه!!
الصول بتاعنا سعادتك بيعمل كل حاجة ممكن تتخيليها أهم حاجة العسكري مننا يتقفش وهو نايم ويبقى ياهناه وياسعده لما يمسك حد نايم ويدوره مكتب
بالنسبة للزنجر سوبريم أجيبهولك من عينيه بس يا ترى عايزاه كومبو ولا "شندوشت"
ولد مصري أسرع ديليفري في مصر
والآن في الرياض
ههههههههههههههههههههههههههه
بجد يوميات تحفة
الله يكون فى عون الشباب تعرفوا انى بعتبر الخدمة العسكرية مشروع فاشل ما هو الا انك تضيع من عمرك اقل شى سنة و نص فى اية ما اعرفش و عشان اية و تستفيد اية برضة ما اعرفش
بس يومياتك جميلة
بس وحياتك بما اننا الصبح و ما فطرناش عايزين اتنين طعمية و واحد بطاطس بس من عند جاد مش عصافير الجنة
نونا
أهلا بيكي
مين اللي قال ان الخدمة العسكرية وقت ضايع بالعكس "أبسلوتلي" لأن الواحد بيشوف اللي عمره ما هيشوفه في حياته وكمان بيتعرف على نوعية من البش لا يمكن تشوفيها في أي مكان تاني
بالنسبة للسندوتشات مقلتيش بسلطة ولا بدون يا فندم؟
هههههههههههههههههههههههه
بجد ايه ده
مكنتش اعرف ان الجيش فيه كده
الحمد لله اني بنت
الحمد للللللللللللللللللللللله
هههههههههههههههههههه
يعني صعبت عليا من فيلم الرعب
ومترقبه الحدث بقي
بس بصراحه لما قلت جن خفت موت
الحمد لله ان الجيش عدي علي خير
ال وانا كنت عاوزه اخويا يدخله ال
لا وجوده معانا اهون
كيارا
حضرتك الجيش فيه كده وأبو كده كمان
فعلا إحمدي ربنا إنك بنت
أفلام الرعب في الجيش دي جزء لا يتجزأ من تربية العساكر بس المشكلة إنها بتبقى لايف
الحمد لله إنها عدت
منوراني دايما
تحياتي
إرسال تعليق
<< Home