يَوْمِيَات وَلَد مَصْري
السبت، أبريل 26، 2008
التعيين حسب الأحوال
في طابور الصباح في الجيش كان فيه دايما جملة بتتقال كل يوم، حاولت كتير إني أفهمها لكن للأسف معرفتش، الجملة دي كانت بتتعاد قدامي كل يوم وعلى مدار السنه اللي خدمت فيها مصر (إمنع الضحك)، الجملة العجيبة دي كان بيقولها الصول في البيان الختامي لأحوال الطابور بعد ما بياخد تمام كل سرية وبعد ما بيوزعوا الخدمة سواء على الظباط أو العساكر بلاقيهم يتحفونا وينهوا الكلام بالجملة العجيبة دي واللي بتقول:
"أحوال التعيين حسب الأحوال الله الوطن"
والحقيقة أن الجملة دي خدت من تفكيري وقت كبير جدا، أولا لأني كنت فاضي ومابلاقيش حاجة أعملها فكنت بدور على أي حاجة أفكر فيها حتى لو كانت هايفه (يا قليل الأدب .. طبعا مش قصدي هيفا اللي بتغني، هوه انا كنت في ايه ولا ايه) ثانيا فيه قاعدة فقهية بتقول "إعمال العقل ممنوع مع وجود نص" والحقيقة إن القاعدة دي لا تطبق في الفقه فقط ولكن كانت بتطبق في الجيش كمان بكل حزافيرها، وده طبعا نظرا لأن الجيش بتاعنا مليان نصوص .. ومحفوظات كمان، لذلك فالعسكري مننا كان لازم يسلم عقله وتفكيره في اليوم اللي بيستلم فيه المخلة وياويله اللي يحاول يشغل مخه في أي أمر عسكري لأنهم كانوا بيعتبروه خائن للوطن وبيكَسّر الأوامر العسكرية اللي لا يمكن تنكسر وعشان كده كان لازم يكسروا دماغك قصاد أي أمر تكَسّره عشان تحرم بعد كده تعمل العمل الفظيع ده، غير أنهم بيصبوا عليك شتى أنواع العذاب من زحف على البطن وتسعة استعد (تسعة إستعد ده نوع من أنواع التمارين الرياضية العسكرية إختراع ميري مصري 100% ابقى تعالى تف في وشي لو فهمته أو عرفت تعمله) ولأني زي ما الشاويش عطية (لأ .. ده بتاع أفلام اسماعيل ياسين مش تبعي) كان بيقول "أنا مديش عقلي لغيري أبدا .. هوه بغباوته .. هوه بوشه العكر" لذلك فأنا رفضت إني أسلم مخي لأي مخلوق وخبيته وعملت فيها عم العبيط لحد مارحت الوحدة بتاعتي وبعدين ابتديت واحده واحده أطلعه واستعمله براحه في الخباثة من غير ما حد يشوفني (ايه الكلام الفارغ اللي بقوله ده بايني اتهبلت بجد), المهم إني كنت عاوز أستخدم مخي في التفكير في أي حاجة لأنه لو كان قعد معايا أكتر من كده من غير شغل غالبا ماكنش هيقوم تاني واحتمال يحتاج وصلة كهربا زي اللي بيدوها للمجانين في مستشفيات الأمراض العقلية علشان ينفع يشتغل فقلت أعمله صيانه وأحاول إني أستعمله في التفكيرفي الجملة العظيمة دي:
"أحوال التعيين حسب الأحوال الله الوطن"
أول فكرة جت لي قلت أنهم بيتكلموا عن مشكلة البطالة وأن موضوع تعيين الشباب الخريجيين الجدد هيكون على حسب أحوال كل وزارة وقلت جايز جدا إن ده يكون نوع من أنواع الدعاء لكل العواطليه اللي لسه لم يصبهم الدور بس استبعدت الفكرة دي لأن أي انسان مصري مابيلقيش حاجة يعملها ممكن انه يتطوع في الجيش ويبقى عريف فشاويش فصول لا سي دو (ده السلم الموسيقي حاكم انا كنت مزيكاتي قديم)
وقلت جايز يكون قصدهم التعيين اللي بيوزعوه علينا وبيسموه أكل ميري وطبعا أي طفح بيتوزع في مجاعات الصومال أفضل منه خمسن مرة، لكن قلت جايز يعني يكون قصدهم توزيع التعيين هيتوقف على حسب أحوال العساكر بتوع خدمة المطبخ يعني لو كانوا خريجي سياحة وفنادق مثلا يبقى أمنا دعيالنا لأننا ممكن ناكل بيكاتا بالصوص مع بطاطس بيوريه أو مكرونة بشاميل باللحم المفروم والحلو يكون بودنج بالكريم شانتيه (تصدقوا جعت) وطبعا هتبقى وقعتنا سودا لو كانوا عساكر خدمة المطبخ من خريجي معهد دودة القطن!!
طبعا كمان الفكرة دي ملاقتش عندي اي استحسان نظرا لأني متأكد مليون في الميه أنهم مايفرقش معاهم أي طفح ناكله وأكيد كمان مش هيقولوا في طابور الصباح أحوال التعيين دي عامله إزاي لأنهم بيحبوا يعملوه لينا مفاجأه وده طبعا عشان محدش يقل عقله والشيطان يوزه وينتحر.
الحقيقة قعدت أدور على معنى يكون واضح للجملة الجميلة دي لكن للأسف ولحد ماتخرجت من الجيش معرفتش معناها ولو انها مش فارقة معايا كتير لكن أنا فعلا كان نفسي اعرف معناها للعلم بالشئ.
قبل ما أنهي الموضوع .. في يوم لقيت سويلم جاي يجري وأنا الحقيقة لما بشوف سويلم بيجري ببقى متأكد إنه هيتحفني بكلمتين محتاجين أساتذة لغة عربية لترجمتهم، وفعلا لقيته جاي وقالي كلمة واحدة خلتني ألف حولين نفسي لاقيته بيقولي:
"جبطت"
"أهلا يا سويلم إزيك .. عامل إيه"
"آني كويس يا باشمهندس المهم انت طمني عليك .. جبطت"
"والكلام ده حصل إمتى يا سويلم"
"تاو جاي من عنديهم ديلواك .. وانتااااا"
"أنا ايه يا سويلم الله يرضى عليك"
"جبطت"
يا دي المصيبة الحوار رجع من أوله تاني ولسه مافهمتش..
"سويلم .. بقولك ايه .. ممكن تقولي جملة على بعضها .. وابوس ايدك بلاش اختصارات"
"يا باشمهندس بجولك جبطت الشهرية"
"أأأأأأأأأأأأأه .. انت قصدك قبضت المرتب .. الله يهديك يا سويلم .. ان شاء الله أروح أقبض"
ماهو العسكري مننا في الجيش بيقبضوه دراهم معدودات .. طبعا مش بيخدم البلد .. لأ واحنا بلدنا ايه زمتها زي البرلنت ماتحبش تاكل حق حد أو إن حد يخدمها ببلاش!!
وإن شاء الله نكمل مع يوم سعيد تاني..
"أحوال التعيين حسب الأحوال الله الوطن"
والحقيقة أن الجملة دي خدت من تفكيري وقت كبير جدا، أولا لأني كنت فاضي ومابلاقيش حاجة أعملها فكنت بدور على أي حاجة أفكر فيها حتى لو كانت هايفه (يا قليل الأدب .. طبعا مش قصدي هيفا اللي بتغني، هوه انا كنت في ايه ولا ايه) ثانيا فيه قاعدة فقهية بتقول "إعمال العقل ممنوع مع وجود نص" والحقيقة إن القاعدة دي لا تطبق في الفقه فقط ولكن كانت بتطبق في الجيش كمان بكل حزافيرها، وده طبعا نظرا لأن الجيش بتاعنا مليان نصوص .. ومحفوظات كمان، لذلك فالعسكري مننا كان لازم يسلم عقله وتفكيره في اليوم اللي بيستلم فيه المخلة وياويله اللي يحاول يشغل مخه في أي أمر عسكري لأنهم كانوا بيعتبروه خائن للوطن وبيكَسّر الأوامر العسكرية اللي لا يمكن تنكسر وعشان كده كان لازم يكسروا دماغك قصاد أي أمر تكَسّره عشان تحرم بعد كده تعمل العمل الفظيع ده، غير أنهم بيصبوا عليك شتى أنواع العذاب من زحف على البطن وتسعة استعد (تسعة إستعد ده نوع من أنواع التمارين الرياضية العسكرية إختراع ميري مصري 100% ابقى تعالى تف في وشي لو فهمته أو عرفت تعمله) ولأني زي ما الشاويش عطية (لأ .. ده بتاع أفلام اسماعيل ياسين مش تبعي) كان بيقول "أنا مديش عقلي لغيري أبدا .. هوه بغباوته .. هوه بوشه العكر" لذلك فأنا رفضت إني أسلم مخي لأي مخلوق وخبيته وعملت فيها عم العبيط لحد مارحت الوحدة بتاعتي وبعدين ابتديت واحده واحده أطلعه واستعمله براحه في الخباثة من غير ما حد يشوفني (ايه الكلام الفارغ اللي بقوله ده بايني اتهبلت بجد), المهم إني كنت عاوز أستخدم مخي في التفكير في أي حاجة لأنه لو كان قعد معايا أكتر من كده من غير شغل غالبا ماكنش هيقوم تاني واحتمال يحتاج وصلة كهربا زي اللي بيدوها للمجانين في مستشفيات الأمراض العقلية علشان ينفع يشتغل فقلت أعمله صيانه وأحاول إني أستعمله في التفكيرفي الجملة العظيمة دي:
"أحوال التعيين حسب الأحوال الله الوطن"
أول فكرة جت لي قلت أنهم بيتكلموا عن مشكلة البطالة وأن موضوع تعيين الشباب الخريجيين الجدد هيكون على حسب أحوال كل وزارة وقلت جايز جدا إن ده يكون نوع من أنواع الدعاء لكل العواطليه اللي لسه لم يصبهم الدور بس استبعدت الفكرة دي لأن أي انسان مصري مابيلقيش حاجة يعملها ممكن انه يتطوع في الجيش ويبقى عريف فشاويش فصول لا سي دو (ده السلم الموسيقي حاكم انا كنت مزيكاتي قديم)
وقلت جايز يكون قصدهم التعيين اللي بيوزعوه علينا وبيسموه أكل ميري وطبعا أي طفح بيتوزع في مجاعات الصومال أفضل منه خمسن مرة، لكن قلت جايز يعني يكون قصدهم توزيع التعيين هيتوقف على حسب أحوال العساكر بتوع خدمة المطبخ يعني لو كانوا خريجي سياحة وفنادق مثلا يبقى أمنا دعيالنا لأننا ممكن ناكل بيكاتا بالصوص مع بطاطس بيوريه أو مكرونة بشاميل باللحم المفروم والحلو يكون بودنج بالكريم شانتيه (تصدقوا جعت) وطبعا هتبقى وقعتنا سودا لو كانوا عساكر خدمة المطبخ من خريجي معهد دودة القطن!!
طبعا كمان الفكرة دي ملاقتش عندي اي استحسان نظرا لأني متأكد مليون في الميه أنهم مايفرقش معاهم أي طفح ناكله وأكيد كمان مش هيقولوا في طابور الصباح أحوال التعيين دي عامله إزاي لأنهم بيحبوا يعملوه لينا مفاجأه وده طبعا عشان محدش يقل عقله والشيطان يوزه وينتحر.
الحقيقة قعدت أدور على معنى يكون واضح للجملة الجميلة دي لكن للأسف ولحد ماتخرجت من الجيش معرفتش معناها ولو انها مش فارقة معايا كتير لكن أنا فعلا كان نفسي اعرف معناها للعلم بالشئ.
قبل ما أنهي الموضوع .. في يوم لقيت سويلم جاي يجري وأنا الحقيقة لما بشوف سويلم بيجري ببقى متأكد إنه هيتحفني بكلمتين محتاجين أساتذة لغة عربية لترجمتهم، وفعلا لقيته جاي وقالي كلمة واحدة خلتني ألف حولين نفسي لاقيته بيقولي:
"جبطت"
"أهلا يا سويلم إزيك .. عامل إيه"
"آني كويس يا باشمهندس المهم انت طمني عليك .. جبطت"
"والكلام ده حصل إمتى يا سويلم"
"تاو جاي من عنديهم ديلواك .. وانتااااا"
"أنا ايه يا سويلم الله يرضى عليك"
"جبطت"
يا دي المصيبة الحوار رجع من أوله تاني ولسه مافهمتش..
"سويلم .. بقولك ايه .. ممكن تقولي جملة على بعضها .. وابوس ايدك بلاش اختصارات"
"يا باشمهندس بجولك جبطت الشهرية"
"أأأأأأأأأأأأأه .. انت قصدك قبضت المرتب .. الله يهديك يا سويلم .. ان شاء الله أروح أقبض"
ماهو العسكري مننا في الجيش بيقبضوه دراهم معدودات .. طبعا مش بيخدم البلد .. لأ واحنا بلدنا ايه زمتها زي البرلنت ماتحبش تاكل حق حد أو إن حد يخدمها ببلاش!!
وإن شاء الله نكمل مع يوم سعيد تاني..
التسميات: يوميات
28 Comments:
هي هي
انا اول واحده اعلق...
بجد كل بوست دمه اخف من اللى قبله
وبعدين كنت تقلى الكلمة وانااقلك معناها
انا من ارياف وانفعك فى الموضوع دا
وخد هنا قلى انت كنت بتجبطت كاااااام يا ترى؟؟؟؟
اما بخصوص الكلمة ونبى يا خويا معملت حاجه هيا برضو بتطلعلى فى مدونات
لاما بتقلى تتعمل ازاى انا عايزة برضو اروق المدونة شوية بحركات بس للاسف خبرتى قليله ومش لاقيه حد يعلمنى
فمعلشى باه استحمل ...يا كبيييييير
وماتبقى تتاخر فى اللى بعدو
همس
أشكرك على زيارتك وعلى اول تعليق
غريبة انك من الارياف لان كلامك مصراوي خالص شكلك كده أرياف تايواني أو تجميع صيني
بالنسبة سعادتك لموضوع القبض فكنا ساعتها بلا فخر بنقبض 22 جنيه (من شر حاسد اذا حسد)
وبعدين بلاش كلمة والنبي دي لأنها حلف بغير الله قولي لا إله إلا الله بسرعة ولازم تحاولي تبطليها
موضوع كلمة التأكيد إعملي الآتي:
1- روحي على تخصيص في لأعلى الشاشة شمال
2- هتلاقي في أعلى الصفحة يمين إرسال - اعدادات - التخطيط إختاري إعدادات
3- هيظهر بعد كده في أعلى الصفحة تحت كلمة اعدادات أساسي - النشر - التنسيق - تعليقات - ..... اختاري تعليقات
4- هتلاقي في حقل اسمه (إظهار التحقق من الكلمات موجود على نعم اختاري لا
5- اضغطي على حفظ الاعدادات
6- أدعيلنا دعوة حلوة
وتحت أمرك لو فيه أي خدمة تانية.
وكمان كنت كل شهر حبطت
ومش عجبك كمان ههههه
دة انت ممكن تكون كونت نفسك وانت فى الجيش
وبعدين سيب الكلام راكب على نفسة زى ما هو من سنين
هو لازم تعرف المعنى
تحياتى
فكرتني بالذي مضى و يا ريت ما يرجع
أسلوبك حلو و جميل
بس بتفكرني بالقرف بعيد عنك
ثم إنت كنت بتقبض 22 جنيه بس ؟
ليه يا إبني
أنا كنت من متوسطي الحال و بقبص 57 و 40 قرش بحالهم
ولما إترقيت لعريف مجند بقيت أجبض 59 جنيه
و على فكرة
كان معايا في الجيش شاب صعيدي بس جدع لكن مشكلته زي مشلكة سويلم بالظبط
كان إسمه هاني
سبحان الله
هاني و صعيدي
و مرة كان بيجري ورايا و قعد يقولك :
سبلسثلالبلاثقفخكهىهسلا حححححححح
نعم ؟
بتقول إيه يا هاني ؟
سبلارلايسبلاثقفثلاقثللاثب حححححححح
أموت و أعرف الأ ححححح دي إيه
قال يعني عرفت اللي قبلها
المهم بعد مداولات و الإستعانة بمترجمين من القارة الصعيدية إكتشفت إن هاني بيدور على المسااااااااااحة
تحياتي و أتمنى ما أكونش زهقتك
وانا مستنية اعرف ايه المقصود بالجملة دى وفى الاخر تقول انك برضه معرفتهاش طب كنت اسال عن معناها فى اخر يوم فى الجيش
اسفه لو كنت مش عارفه اعلق وحاسه ان دمى حيكون ثقيل اصلى بصراحه لسه جايه من عند جنه وحكاية حبيبه اللى قطعت قلبى ومش عارفه اركز معاك قوى .
بس ده ما يمنعش ان دمك خفيف كالعاده صحيح انا فى مود صعب اخرج منه بس اكيد قدرت تخففه كثير .
على كل حال ربنا يخليك ويخلى لنا سويلم .
وبعدين يعنى تعلقنا للاخر وبرضه ما قلتش معنى الجمله الغريبه بتاعه التعيين حسب الاحوال ياريت تفيدنا ولك خالص الشكر .
تحياتى
rovy
تامور
الموضوع يا ريس وما فيه إني كان نفسي أعرف بيجيبوا الكلام العجيب ده منين.
وبعدين بالنسبة لموضوع إني أكون نفسي فأنا طبعا فكرت أفتح حساب في البنك وكنت عاوز أطلب منهم تحويل المرتب الضخم ده على الحساب على طول لأن صعب جدا إني أمشي في الشارع وأنا شايل مبلغ زي ده معايا.
شكرا يا ريس على الزيارة والتعليق وأتمنا أشوفك معانا على طول
عوض باشا
شكرا يا ريس على الزيارة وان شاء الله نردهالك على طول.
بقى كنت بتقبض 59 جنيه وكمان اترقيت وبقيت عريف طيب وماكملتش ليه في الجيش كان هيبقالك مستقبل هايل وكان زمانك بقى اسمك الصول عوض.
على العموم العبد لله كان دفعة 94 وكلامك ده بيقول انك موديل 2000 فما فوق - حظوظ
منورني يا ريس
على فكرة يا ريس عوض
قصة الصعيدي هاني دي جميلة جدا فعلا خلتني أضحك من قلبي وكويس إنك اثبتلي إني ماكنتش لوحدي اللي بعاني من موضوع الترجمة دي.
وطبعا ماطولتش عليّ ولا حاجة البيت بيتك.
موناليزا
تفتكري واحد بعد سنة من الهم اللي انتي قرأتيه ده وجه اليوم اللي هيسلم فيه المخلة بتاعته بلا رجعة هيبقى له نفس يسأل عن معنى أي حاجة في الجيش أكيد لأ .. خليهم يغوروا هما ومصطلحاتهم
بس بصراحة بيعجبني إنك دايما بتسألي أسئلة صعبة وبتحرجيني !! ربنا مايوقعكيش في ضيقة :)
روفي
ومين سمعك انا كمان بعد ما قرأت قصة حبيبة كنت عاوز أولع في نفسي بس الحمد لله ان ربنا سبحانه وتعالى أكرمنا بنعمة النسيان.
على العموم بعد ما تهدي كده إبقي عدي على البوست مرة تانية ومايمنعش إنك تسيبي تعليق تاني لو شايفة إنك نفسك تقولي أي حاجة وماتخفيش مش هندفعك كتير انتي زبونه دايمة عندنا وهنريحك على الآخر.
وبالنسبة للجملة لو عندك أي معارف في الجيش يا ريت لو تسأليه وتفدينا وأهو برضه تكسبي ثواب فينا كلنا.
تسلم لي يا غالي يا بن الغالي
بس ربنا يكرمك
عواد مش عوض
;-)
أنا فعلا دفعة 2002
بس إنت لسه فاكر الكوابيس بتاعت الجيش ؟
الله يكون في عونك
أنا روحت لدكتور نفساني علشان أنسى
بعد ما فشلت جميع أنواع المشروبات إني أنسى
ما تفهمنيش غلط
مشروبات زي الشاي و القهوة و الفيسكافيش و الكلابشينو
و أعذرني إن كانت الأسماء واقعة أصلي قعدت مع هاني كتير
;-)
صحيح نسيت أسألك
هو إنت ما إترقيتش ؟
أصل موضوع الترقية ده عادي بعد أول 3 شهور للعساكر
صحيح هم عرضوا عليا الإحتراف بس أنا قلت أبدا
أهلي أولا بيا
تحياتي يا باشا
المقعد رقم 14
و ماله
ادى اخره اللى انا فيه
شوقتنى اعرف معنى الجمله دى
و انا ليا واحد زميلى فى الجيش
حساله و اعرف
إلا إذا كنت انت عارف و بتشوقنا
ما علينا
بوست جامد جدا
و لازم دايما تضيف فقرة لسويلم
بيبقى للحكايه معنى اخر
بتحس بيه بهبل الشعب المصرى
او بمدى رضاؤه على اللى بياخدوه
حتى لو كان اللى بيديوله جيين عليه
و دمتــــــــــــــــــــــم
انا عارفه انى امبارح كان دمى ثقيل قوى معلش . البوست هايل كالعاده ودمك خفيف جدا برضه كالعاده واكيد ضحكنا وياريت تكمل بسرعه ومتتأخرش زى المره اللى فاتت .. اما حكايه معنى الجمله اللى علقتنا بها ومعرفتهاش ..
اكيد حأسال ولو عرفت حاقولك .
تحياتى وخالص تقديرى
ROVY
طبعا انا مش محتاجة عزومة علشان اعلق..علشان كده قلت ادى فرصة للجيران الاول اعتقد 17 مش وحش برضه.
الواحد محتاج يضحك و لما بدخل هنا بضحك حتى من قبل ما اقرى تقدر تقول حالة نفسية من يوم عصام و البطيخة.
بس برضه نفسى اعرف ايه معنى الجملة و مستيه الناس اللى وعدوا يفهمونا.
كنت اسأل ايه رأيك تروح تانى زيارة علشان تعرف و متخافش هاخد بالى من المدونة و هترجع تلاقى كل شىء تمام يا ريس :)
سلامى لسويلم
تحياتى
ساموراي
أنا معنديش مانع تبقي في المركز 14 هنا وتكوني في المركز الأول على الدفعة بس يا خوفي يا بدران إنك لا تحصلي تدوين ولا علام ده أولا.
ثانيا جملة زميلي في الجيش دي غريبة شوية والحقيقة انا قعدت أقرأها اكتر من مرة عشان أفهمها لأن الزمايل معنا أنهم دفعة واحدة وأنا واثق طبعا إنك مدخلتيش الجيش (واخدة إعفاهخخخخخخخخ)
على العموم مافيش تشويق ولا حاجة الحقيقة إن أنا كمان متشوق أعرف معناها ده لو ليها معنى أساسا.
على العموم شكرا على زيارتك رغم انشغالك بالمذاكرة والامتحانات ويا ريت تعدي علينا كل ما تحبي تريحي شوية من الدح لابنا معاكي.
جايز يكون العيب مني بس الملافظ سعد
ويسبر
جزاك الله خيرا تم التوقيع وربنا يكرمك
تحياتي
روفي
أحنا بنسعد دايما بتعليقتك والحقيقة أنا ماكنتش شايف إن دمها تقيل أبدا ياكش أنتي بس اللى الإحساس زيادة عندك حبتين.
على العموم موضوع التأخير في الكتابة ده مش بإيدي ده بيكون:
أحوال الكتابة حسب الأحوال
دكتورة جنة
يا فندم حضرتك صاحبة بيت رقم 17 رقم 100 أهم حاجة نطمن عليكي.
بقى حضرتك عاوزاني أروح الجيش برجليه عشان أعرف معنى الجملة دي ايه وقال ايه حضرتك هتخدي بالك من المدونة في غيابي ده ايه كرم الأخلاق ده كله
على العموم جزاكي الله كل خير بس أنا بقول خليني جاهل أحسن واللي نفسه قوي يعرف معناها وضميره بينأح عليه ربنا يوفقه يبقى يروح هوه بقى
قال أروح الجيش عشان أسأل قال ايه الناس دي!!
بوست دمه خفيف اوي
بس انا برده عايزه افهم معنى الجمله دي
daydreaming
مدام مصممة تعرفي معناها إيه ده هيستدعي إنك تتابعينا الكام يوم اللي جايين دول لأننا موصيين على المعلومة دي نجيبها من سعادة المشير طنطاوي نقل مباشر على الهواء
وبعدين حضرتك بتتأخري علينا والمرة الجاية هندورك مكتب (بلغة الجيش معناها نحولك لرئيس عمليات الكتيبة علشان يكدرك والتكدير معناه التعذيب برضه بلغة الجيش) أي خدمة!!
شغلتك على المدفع ايه برورم:)))
keep it is very funny
تحياتى
ههههههههه
انا بقى نفسى اعرف يعنى الجمله ديه ودايما بسمع ان فى نشيد للجيش يا ريت تقوله
والسؤال الهام اللى الشعب بيتطلع لمعرفته اللى بينبثق من حاله البلد الاقتصاديه الراكده
جبطت؟؟؟؟؟؟؟؟
برينسيس
لهلمك فيه ناس من العينة دي فعلا بيكونوا في الجيش وبيبقى عندهم تلقائية وبيعملوا حاجات غير مقصودة لكن تفطس من الضحك
شكرا على مرورك
sasatifa باشا
الجملة دي بنحاول نجيب مصدرها ومعلومات عنها بس لحد دلوقتي المحاولات كلها باءت بالفشل وبالنسبة لنشيد الجيش ففعلا في نشيد ولازم كل العساكر تبقى حفظاه ويا ويلك لو طلبوا منك تسمعة ومعرفتش ممكن يحكموا عليك بالاعدام
بلاش كلام في السياسة يا ريس
منورني
جبطت
لالالالالالا سويلم ده بجد عليه كلام
هههههههههههههههههههه
كنت بترجمه ازاي ؟؟؟
كيارا
الترجمة حضرتك كانت بتبقى إلهام من الله سبحانه وتعالى
وكنت بسمع الجملة اكتر من مرة لحد ما استوعب هو عاوز يقول ايه
الحمد لله عدت على خير
تحياتي
إرسال تعليق
<< Home