يَوْمِيَات وَلَد مَصْري
الجمعة، مارس 06، 2009
يوميات سنيح شلاطة الملزق - 1
خرج سنيح شلاطة من منزله في نفس التوقيت الذي اعتاد فيه أن يتجه إلى القهوة مساءا ليجلس فيها يتجاذب أطراف الحديث مع الآخرين بغض النظر عن الموضوع. وكان سنيح من هذه النوعية التي تفتي في كل شئ سواء بعلم أو بدون ويمتاز بقدرة غريبة على الحوار بالرغم من وجود ثقل في اللسان يؤدي إلى تشويه ملحوظ في مخارج معظم الحروف التي تنطلق من شفتين يصطدمان ببعضهما ويرتدان في حركات لا إرادية والتي بدورها تقود إلى عدم فهم الآخرين إلى معظم الكلمات الصادرة من ذلك الفم.
جلس سنيح في مكانه المعتاد ودعا "فتلة" صبي القهوة ليحضر له طلبه اليومي من كوب الينسون بالسكر الزيادة وحجر المعسل.
سنيح (يصفق مرتين بكفيه): الليسون (الينسون) والمعسل يا بني
فتلة (يحمل صينية نحاس قديمة عليها بعض الطلبات ويتحرك حركات رشيقة بين رواد القهوة): أيوة جااااي .. وعندك واحد أيسون ومعسل للريس سنيح وصلحه
يأتي "دقدق" صديق سنيح ويجلس بجواره في نفس المكان...
دقدق: سلامو عليكم يا سنيح
سنيح: وعليكم السلام ووحمة الله وبواكاته (ورحمة الله وبركاته) .. إيه؟ مالك يا وايس (ريس) دقدق؟ شكلك شايل طاجن ستك على واسك (راسك)؟
دقدق: احكيلك ايه ولا ايه يا سنيح خليني ساكت أحسن
سنيح: خييو (خير) ايه بس مالك؟
دقدق: قلي يا سنيح يا خويا (يبدأ في خفض صوته والنظر يمينا ويسارا) .. انت تسمع كده عن أقراص اسمها .. اسمها الفناجرة
سنيح: الفناجوة؟ آه طبعا بتسأل عليها ليه؟
دقدق: أصل .. أصل .. المهم يا سنيح أنا لزمني قرصين منها ضروري
سنيح (يلتفت حوله): أنا عقولك (هقول لك) تجيبها منين .. حاكم انا عندي واحد صاحبي صلدلاني (صيدلاني) ممكن يخدمك في المصلحة دي
دقدق: إلحقني بيه يا أخويا يا سنيح
سنيح: أنا عوصفلك مكان الأوزخانه (يقصد أرزخانه يعني الأجزخانه) بتاعته .. عاوف كوبوي آثاو النيل (عارف كوبري قصر النيل)؟
دقدق: عارفه
سنيح: لما توصل المنزلان بتاعه (منزل الكوبري) هتلاقي في وشك أوزخانه .. أهي هيه دي بقى
دقدق: سنيح .. انت مالي إيدك من صاحبك ده
سنيح: بولك (بقول لك) ده زي أخويا .. يعني الجدح التاكتور ده مايتخاياوش (مايتخيرش) عنك .. انت بس اعتمد ووحله (ورحله) ووقله (قول له) إنك من طوف (طرف) سنيح الملزق وهوه عيعملك اللي انت عاوزه
دقدق: ماشي .. أخطف أنا رجلي بقى ورحله دلوقتي
سنيح: طب اقعد إشوب (إشرب) حاجة
دقدق: أشرب ايه بس يا سنيح هو ده وقته؟ سيبني أروح أشوف مصلحتي الأول
ويترك دقدق سنيح وينطلق إلى المكان المذكور يحدوه أمل في الحصول على مراده ...
سنيح: بولك (بقول لك) ده زي أخويا .. يعني الجدح التاكتور ده مايتخاياوش (مايتخيرش) عنك .. انت بس اعتمد ووحله (ورحله) ووقله (قول له) إنك من طوف (طرف) سنيح الملزق وهوه عيعملك اللي انت عاوزه
دقدق: ماشي .. أخطف أنا رجلي بقى ورحله دلوقتي
سنيح: طب اقعد إشوب (إشرب) حاجة
دقدق: أشرب ايه بس يا سنيح هو ده وقته؟ سيبني أروح أشوف مصلحتي الأول
ويترك دقدق سنيح وينطلق إلى المكان المذكور يحدوه أمل في الحصول على مراده ...
التسميات: يوميات سنيح
13 Comments:
ايه ده وفين وامتى وازاى
هههههههه
عموما حمد الله على السلامة
ايه الغيبه دى كلها بس؟
وحشتنا
ووحشتنا خفة الدم المصرى
ها؟ وبعدين ؟ حصل ايه؟
انا مستنيه اهو
هههههههه
انا عاقولك على حاجة البوست ده جميل جدا
بس لازم تقول لنا سنيح دي بتتقري ازاي بالتشكيل كده عشان نعرف ننادي عليه عشان شكله مطول معانا
ومستنيين اخرتها معاه
بس بسرعة لو سمحت
بردو وصيتك المنديل اكيد اللي بندور له على منديل صورة سنيح وهو صغيو(صغير يعني)
أمممم
الناس كلها بتقول حمدلله علي السلامة
هو انت يامصري كنت مسافر؟؟؟
طيب حمدلله علي السلامةD:
سنيح شلاطة الملزق...ده اسم والا صفة؟؟؟
بس يوميات ولد مصري احلي بكتير من شلاطة الملزق
تسلم ايدك يارب
ههههههههههههههه
بيفكرني بناس لكلام طاير منها برده
منتظرين الجزء القادم
كل سنه وانت طيب يا مصري يا اللي بطنش ترد عند الناس ربنا يهديك يابني
ويقربك من الطريق الصح دايما ويحققلك كل اللي في بالك
كل سنه وانت طيب ياااارب
ياااااااااااااااااااه
ولد مصرى ظهر من تانى يا رجاله
مش عارفه كنت حقولك الجمله دى امتى
و ادينى قلتها
حكم انات بتقلهالى على طول مشاء الله
و على الباغى تدور الدوائر
مش عارفه حسه ان اخر البوست دة نهايتو بومبه
عادى يعنى
فرقعه من مفرقعاتك يا مصرى
و دمتــــــــــــــــــــــــم
ولد مصرى
انت رجعت تغيب تاااااااااانى؟
فين الرد على التعليقات اللى عودتنا عليه
بخفة دم متناهيه
وفين باقى الحكايه
فين البوست الجديد ياعم انت؟
وانت نفسك فييييييييييين؟
هههههههههههههههه
حرااااااااااااااااااااام عليك ده انا لسانى اتعوج
اطالب بالتعويييييييييييييض على لسانى عاااااااااااااااااااااااااااااااااااااا
و كمان عاااااااااااااااااااااااااااااااااااااااااااااااااا
علشان موضوع الاجزاء دى
ولا هو كده خلاص ولا ايه بقى
يمكن الراجل راح لقى اللى هو عايزة و خلصت الحبكة على كدة و ل ايه بالظبط
طب بس لما تيجى يا مصرى
حلم بقيه المدونين و يتقول بقيه البوست
يا أما حنقفلك البلوج
و مش حنخلى حد يدخل أو يخرج الا بتذكرة او
بواسطة
حنخصخصك من الأخر
عشان ميبقاش حد احسن من حد
هههههههههههههههههههههه
و دمتــــــــــــــــــــــــــم
دى تالت مره اجى هنا واسئل عليك
انت فين؟
كده انا هابدأ اقلق عليك
ياريت تطمنا
انت فين ياولد مالك غطسان فين لعل المانح يكون خير
اكيد عملت بوصيتي ومستني البنت الحلوة على محطة الاتوبيس
اللي قابلتها من عشر سنين
خلاص تعالى رد على النس وهات منديل في ايدك وانت جاي وبعدين جيب الججزء التاني وارجع كلمة انتظار
ياريت تطمننا عنك تحياتي
إرسال تعليق
<< Home