يَوْمِيَات وَلَد مَصْري
الثلاثاء، فبراير 03، 2009
جعلوني مدونا - لسه برضه في البداية - تحديث
بداية أنا سعيد جدا إن دكتورة جنة نزل ليها بوست في العدد الثالث من مدونات مصرية للجيب والحقيقة أنا سعدت اكتر لما عرفت إن البوست اللي نزل كان بوست "الزوجة التانية" وأكيد هتعرفوا سبب سعادتي الغامرة دي لما تقرؤا الكلام المكتوب في البوست ده
مليون مبروك يا دكتورة (المليون دي غير المليون اللي سبتهالك في التعليق عندك ويبقى انتي كده وصلك مني 2 مليون ... ربنا يستر بقى وماتعمليش معايا زي نبيل البوشي)
*****************************
كنا وقفنا المرة اللي فاتت (الجملة دي يا جماعة أنا قلتها في 45 بوست قبل كده من إجمالي 48 بوست نزلتهم) لما دخلت من غير مناسبة عند دكتورة جنة ولقيتها منزلة بوست هايل عن الزوجة التانية وازاي الناس بتتهمها إنها خطافة الرجالة وإنها – الزوجة التانية طبعا مش دكتورة جنة – بتضحك على الراجل أبو ريالة علشان تخطفه من وسط مراته وعياله والحقيقة إني لما قرأت البوست ده هرمونات الذكورة ضربت في دماغي وغلي الدم في عروقي وماشفتش قدامي ومدرتش بنفسي إلا وانا مخلص على دكتورة جنة .. يووووه أقصد معلق عند دكتورة جنة بتعليق طويل مفاده إن لا الراجل أهبل وبريالة يا دكتورة علشان يتضحك عليه ولا الزوجة التانية بتخطف الرجالة وبلاش بقى شغل "أريد حلا" والكلام الكبير بتاع تحرير المرأة والإنبعاج الذي سيحدث في تشكيل المجتمع التقدمي نتيجة لتوحد فكر الرجل والذي يعمل بدوره على تقليص عضلة السمانة عند المرأة من خلال وقوفها دوما وأبدا خلف شيش البلكونة لتنتظر سي الدلعادي الراجل لتغني له "العتبه جزاز والسلم نايلو في نايلو وال " ..
على أي حال ده كان نص أول تعليق ليا في عالم التدوين وكان تحديدا عند العزيزة دكتورة جنة في مدونتها همسات مصرية قبل ما تقفلها وتحولها لكوفي شوب (قهوة افرنجي) علشان الجارات يتجمعوا فيه وينتفوا في ريش مخاليق ربنا:
بداية التعليق***********************
عزيزتي Gannah بداية أعتذر بشدة على الصراحة اللى هتكلم بيها لأني للأسف الشديد نشأت وترعرعت على كده والله يرحمهم بقى الحاج والحاجة اللى ياما أكلت منهم عُلق علشان قال ايه يعلموني أقول الحقيقة وللأسف إني لحد دلوقتي لسه بآكل عُلق برضه بسببها بس المرة دي علشان بقيت أقول الحقيقة يعني مافيش فايدة أكلناها عُلق كتبت علينا ومن كتبت عليه عُلق أكلها.
المهم نرجع بقى لموضوعك الجميل قضية "خطف الرجالة" اللى المتهم الرئيسي فيها السيدة "زوجة تانية" وإسمحيلي إني أنصب نفسي محامي عن الجاني والمجني عليه في ذات الوقت!!
سيدي الرئيس:
أنا لن أتكلم أمام عدالتكم عن شريعة الخالق سبحانه وتعالى في موضوع التعدد حيث أنكم قد تكلمتم عنها بما فيه الكفايه في شرحكم الوافي لملابثات القضية وأنكم لا تحرمون ما أحل الله ولكنها تلك الآثار التي نُقشت في العقول والقلوب والتي باتت راسخة في أذهان الفتيات كالأهرامات أو المعابد الفرعونية، ولكن دعوني أسألكم من هو الجاني ومن هو المجني عليه؟ هل الجاني هو فعلا تلك الزوجة الثانية التي لم تجد الشخص المناسب الذي يتقدم لطلب يدها والتي كانت تحلم بالأمس القريب أن تعف نفسها معه وأن تختبئ في أحضانه من شراسة زمن يموج بفتن كقطع الليل المظلم؟ هل يكون الجاني هو من أراد الستر ليس فقط لنفسه بل للمجتمع ككل؟
معذرة يا سادة ولكن أنا أدعوكم للنظر إلى المستقبل الذي ينتظر كل هؤلاء الفتيات التي أراد العليم أن يظللن بلا زواج حتى هذه اللحظة.
أثبتت جميع البيانات والتحقيقات أن نسبة الإناث في زيادة مستمرة مقارنة بنسبة الذكور وهناك قاعدة شرعية مفادها أن درء المفسدة مقدم على جلب المنفعة وأخرى مفادها أخف الضررين فلو سلمنا جدلا أن عدم الزواج بأخرى فيه منفعة بالنسبة للزوجة الأولى ولأطفالها ولكن المفاسد المترتبة عليه أشد وأعنف من تلك المصلحة لأن هذه المفاسد تمس المجتمع ككل وبصورة مباشرة حيث ما نراه الآن من إنتشار لزنا ودعارة فسببه الأساسي تشديد وصعوبة الزواج سواء كان الأول أو بتعدد.
أما الحديث عن الزوج المخطوف أو الطفل الصغير الذي قام الجاني بغسل مخه فلا ينأى عما تم تبيانه آنفا عن إنتشار الزنا بسبب الميراث الذي تركته "تيزا" لحفيداتها، فلو أننا في مجتمع غربي لما كنا طرحنا هذا الموضوع للنقاش حيث أن الرجل – إذا فرضنا أنه كذلك - يمكنه طلب أي إمرأة للمعاشرة حتى وإن كانت متزوجة ولكنه الدين الذي نعتز به وتلك القيم التي بدونها نصير كالأنعام وربما أضل.
وأخيرا فقصيرة تلك الحياة التي نعيشها, هكذا قدر الله سبحانه, بل وربما تكون أقصر مما نتخيل, فهي جناح بعوضة لا تساوي أن نبذل فيها كل هذا الوقت لبحث مشكلة وضعتها "تيزا" قبل وفاتها!!
كنا وقفنا المرة اللي فاتت (الجملة دي يا جماعة أنا قلتها في 45 بوست قبل كده من إجمالي 48 بوست نزلتهم) لما دخلت من غير مناسبة عند دكتورة جنة ولقيتها منزلة بوست هايل عن الزوجة التانية وازاي الناس بتتهمها إنها خطافة الرجالة وإنها – الزوجة التانية طبعا مش دكتورة جنة – بتضحك على الراجل أبو ريالة علشان تخطفه من وسط مراته وعياله والحقيقة إني لما قرأت البوست ده هرمونات الذكورة ضربت في دماغي وغلي الدم في عروقي وماشفتش قدامي ومدرتش بنفسي إلا وانا مخلص على دكتورة جنة .. يووووه أقصد معلق عند دكتورة جنة بتعليق طويل مفاده إن لا الراجل أهبل وبريالة يا دكتورة علشان يتضحك عليه ولا الزوجة التانية بتخطف الرجالة وبلاش بقى شغل "أريد حلا" والكلام الكبير بتاع تحرير المرأة والإنبعاج الذي سيحدث في تشكيل المجتمع التقدمي نتيجة لتوحد فكر الرجل والذي يعمل بدوره على تقليص عضلة السمانة عند المرأة من خلال وقوفها دوما وأبدا خلف شيش البلكونة لتنتظر سي الدلعادي الراجل لتغني له "العتبه جزاز والسلم نايلو في نايلو وال " ..
على أي حال ده كان نص أول تعليق ليا في عالم التدوين وكان تحديدا عند العزيزة دكتورة جنة في مدونتها همسات مصرية قبل ما تقفلها وتحولها لكوفي شوب (قهوة افرنجي) علشان الجارات يتجمعوا فيه وينتفوا في ريش مخاليق ربنا:
بداية التعليق***********************
عزيزتي Gannah بداية أعتذر بشدة على الصراحة اللى هتكلم بيها لأني للأسف الشديد نشأت وترعرعت على كده والله يرحمهم بقى الحاج والحاجة اللى ياما أكلت منهم عُلق علشان قال ايه يعلموني أقول الحقيقة وللأسف إني لحد دلوقتي لسه بآكل عُلق برضه بسببها بس المرة دي علشان بقيت أقول الحقيقة يعني مافيش فايدة أكلناها عُلق كتبت علينا ومن كتبت عليه عُلق أكلها.
المهم نرجع بقى لموضوعك الجميل قضية "خطف الرجالة" اللى المتهم الرئيسي فيها السيدة "زوجة تانية" وإسمحيلي إني أنصب نفسي محامي عن الجاني والمجني عليه في ذات الوقت!!
سيدي الرئيس:
أنا لن أتكلم أمام عدالتكم عن شريعة الخالق سبحانه وتعالى في موضوع التعدد حيث أنكم قد تكلمتم عنها بما فيه الكفايه في شرحكم الوافي لملابثات القضية وأنكم لا تحرمون ما أحل الله ولكنها تلك الآثار التي نُقشت في العقول والقلوب والتي باتت راسخة في أذهان الفتيات كالأهرامات أو المعابد الفرعونية، ولكن دعوني أسألكم من هو الجاني ومن هو المجني عليه؟ هل الجاني هو فعلا تلك الزوجة الثانية التي لم تجد الشخص المناسب الذي يتقدم لطلب يدها والتي كانت تحلم بالأمس القريب أن تعف نفسها معه وأن تختبئ في أحضانه من شراسة زمن يموج بفتن كقطع الليل المظلم؟ هل يكون الجاني هو من أراد الستر ليس فقط لنفسه بل للمجتمع ككل؟
معذرة يا سادة ولكن أنا أدعوكم للنظر إلى المستقبل الذي ينتظر كل هؤلاء الفتيات التي أراد العليم أن يظللن بلا زواج حتى هذه اللحظة.
أثبتت جميع البيانات والتحقيقات أن نسبة الإناث في زيادة مستمرة مقارنة بنسبة الذكور وهناك قاعدة شرعية مفادها أن درء المفسدة مقدم على جلب المنفعة وأخرى مفادها أخف الضررين فلو سلمنا جدلا أن عدم الزواج بأخرى فيه منفعة بالنسبة للزوجة الأولى ولأطفالها ولكن المفاسد المترتبة عليه أشد وأعنف من تلك المصلحة لأن هذه المفاسد تمس المجتمع ككل وبصورة مباشرة حيث ما نراه الآن من إنتشار لزنا ودعارة فسببه الأساسي تشديد وصعوبة الزواج سواء كان الأول أو بتعدد.
أما الحديث عن الزوج المخطوف أو الطفل الصغير الذي قام الجاني بغسل مخه فلا ينأى عما تم تبيانه آنفا عن إنتشار الزنا بسبب الميراث الذي تركته "تيزا" لحفيداتها، فلو أننا في مجتمع غربي لما كنا طرحنا هذا الموضوع للنقاش حيث أن الرجل – إذا فرضنا أنه كذلك - يمكنه طلب أي إمرأة للمعاشرة حتى وإن كانت متزوجة ولكنه الدين الذي نعتز به وتلك القيم التي بدونها نصير كالأنعام وربما أضل.
وأخيرا فقصيرة تلك الحياة التي نعيشها, هكذا قدر الله سبحانه, بل وربما تكون أقصر مما نتخيل, فهي جناح بعوضة لا تساوي أن نبذل فيها كل هذا الوقت لبحث مشكلة وضعتها "تيزا" قبل وفاتها!!
نهاية التعليق*********************
إنتوا نمتم ولا إيه.... نرجع بقى لحكاية التدوين تاني ..
طبعا كنت ساعتها لسه ماضربتش اسم عند الريس جوجل فبالتالي لقيت إن تم إرسال التعليق تحت اسم "اللي مايتسمى" أقصد "غير معرف" .
بعدها بيومين قلت أدخل عند دكتورة جنة أشوف إيه اللي حصل، عنها وأول ما دخلت على المدونة لقيت حاجة غريبة جدا .. يا ساتر يا رب .. ايه ده .. ايه اللي أنا شايفه ده ...
ونكمل بقى المرة الجاية (وش بيطلع لسانه) – مش هسيبكم الا لما تقولوا حرمنا ندون تاني (وش فطسان على روحه من الضحك)
التسميات: يوميات
24 Comments:
اول تعليق هييييييييييييييه
طب حرمنا ندون تاني (وش بيطلع لسانه)
ايه التشويق والإثارة دي كلها، مفيش فايدة اللي في عادة ميقدرش يبطلها عايز تعمل البداية حلقات زي المسلسل المكسيكي، وبعدين لما البداية بس تبقى حلقات، الباقي هيبقى ايه :)))))))))
عموما انا مستنية الباقي، في البداية برده
تحياتي
بص على الشات بوكس بليز
برده سيبنا كده بنعيط(وش بيتريق) هههههههه
ماشى ماشى
يابااااااااااااااااااااى بقى
مابحبش انا التعليق ده
عااااااااااااااااااااااااااااااااااااااااااااااااااااااا
عااااااااااااااااااااااااااااااااااااااااااااااااا
انا عايزة اعرف عملت معاك ايه بقى هه
و كمان انت ماقولتش حاجه لحد الان غير نشر تعليق سابقا
يعنى قديم فين الجدييييييييييييييييييييد
انى اعترض اعترض اعترض
انزل بالتتر الجديد بدل مايتم حظر المدونه فى جوجل كله
و كمان ميييييييين اللى هيحرم يدون تانى ؟؟؟
انا عن نفسى .. صبوووووووووووورة جدااااا
يعنى لما نشوف مين اللى هيحرم مين بقى يدون
او اصلا يفتح التعليقات تانى على المدونة بتاعته D:
منتظرة الجديد ( وش بيحاول يكون هاااااااااااادى )
كده الثورة بتشتعل
و بنجيب القديم علشان نتلكك و نجرجر الشكل
المشاكسه اخرتها ايه
اعلان حرب علي المدونات و وان بقيت لسه حي هتقلب علي المدونين
يا رب سلم
تحياتي
وبحديييييييييين بقي
ايه البوست اللي كله تعليق دا
عااااااااااااااااااااااااا
انا اعتررررررررررررررض
بغض النظر عن الكلام اللى فى البوست ده كله
انا عندى سؤال
معلش استحمله
ايه اللى عجبك فى صوره الولد اللى على البروفايل بتاعتك دى؟
ياريت يكون صدرك رحب ومش تزعل
بس بجد انا عايزه اجابه
افتن عليك واقول انا باة اية الاى حصل
(وش مطلع لسانة وبيغيظك) ههههههههههههههههه
طب اية رايك الناس دية مش هتحرم تتدوين غير لما انت تحرم الاول
امال هيرخمو على مين ويزهقو فى مين
طب بذمتك لو بطلو ا يدونو ويعلقوا انت هتجيب اتنين كيلو درة وتقعد تشويهم على باب المدونة
يا عم خليهم يدونوا احسن هو الكلام والكتابة بفلوس
باشمهندس
شكرا على التهنئة
والبوست بوستك يافندم
تعمل فيه اللى انت عايزه
لكن انا برضه ممكن ادعيلك فى العمرة واهو كله بثوابه وهدعى كمان للى خلانى اكتب البوست
لولا انه حطنى فى الموقف مكنش ممكن الكلام ده يتكتب
سنة عدت حاسة انها 100 سنة من كتر اللى حصل فيها
بس جنة اللى كتبت البوست مش هى اللى دلوقتى بتقراه..حاسه انها مختلفه
سنة تدوين فرقت معايا جداا
على الاقل انا عارفه دلوقتى انا بكتب ليه
وده المهم
تصدق انا خايفة مينشروش البوست
ومستنية حد يشوف الكتاب ويقلى اتنشر ولا لا
فكرتنى بالهمسات
كل مدونة وانت طيب
تحياتى
السلام عليكم
واضح انك مصمم على المشاغبه و مش عامل حساب العلق لأنك ادمنتها زى ما انا فهمت .. على كل حال بوست الزوجه الثانيه ده لا يمكن انساااه ابدااا
لأنى لبست فيه روب المحاماه و دافعت بجثاره عن رأيى و عن تلكيكات الرجاله
فى مجتمعنا الذكورى .. قاعدتم تقولوا لازم الراجل يتزوج اكثر من واحده علشان لما بيكون فيه حروب عدد الرجال بيقل
طيب ايه رأيك فى حرب غزه و اللى كان ضحيتها مع كل الاسف نساء و اطفال
يا ترى لو قل عدد النساء الرجل ساعتها حيعمل ايه !!
ما زلت مصره ان المولى عز وجل شرع الزواج بأخرى لحالات معينه فقط و انه سبحانه قال و قوله حق و ان خفتم ان لا تعدلوا فواحده و فى ايه اخرى قالها صريحه و لن تعدلوا .. الموضوع كبير و انا عارفه ان سيادتك هرمونات الذكوره دايما تنأج عليك و علشان كده الطيب احسن ..
بيتهيألى انا متوقعه البوست القادم و مع ذلك فى انتظاره
تحياتى
أول تعليق
أقصد بيربل ويفز
الواحد اتلخبط خالص
ان شاء الله هفقعكم بوست عن أول تعليق ده وعلاقته الوطيدة بالتدوين أما أشوف أخرتها
ايه السرعة دي حرمتي تدوني كده على طول
الأول (وش زي بتاع انور وجدي في أمير الإنتقام)
أيوة طبع اللي فيه عادة لايونكن يبطلها وبعدين البداية حلقات والباقي غالبا هيكون برجلات علشان الموضوع كله يبقى حلقاته برجلاته (أي كلام فارغ)
خليكي مستنية مش هتأخر بإذن الله
تحياتي
برينسيس (التعليق التاني مش بتاع بص على الشات بليز)
معلش رجعت في كلامي ممكن أرد على التعليق الأول بتاع الشات بوكس :(
يعني الواحد يرد على تعليق ربع سطر يقول فيه ايه ومن ضمن الربع سطر كمان وش بيتريق؟ ولا وإيه وكلمة ماشي متكررو مرتين وفيه ضحكة كمان
ايه التهريج ده عرفتوا ليه الواحد بيتحرق دمه من التدوين وسنينه!!
(إوعي تزعلي أنا بهزر)
تحياتي
ضد التيار
ياعالم يا هوووووه فيه حد يبتدي جملة تعليقية بــ "ياباااااااااى بقى" لعلمك أنا لو اعتزلت التدوين هيكون بسبب الناس اللي بتعلق عندي
ما أنا بدخل عند ناس كتيرة واشوف التعليقات اللي عندها كلها عبارة عن شكر وتأييد ومدح وغزل صريح وغزل عفيف وغزل البنات كمان
يعني جت عليا انا
ماشي أنا هوريكم
وبعدين إيه حكاية "تعليق قديم فين الجديد" يعني لمو أخذه التعليق القديم ده يعتبر بايت ومايتكلش طيب تحبي أحطهولك في المايكروويف يمكن يعجب سعادتك :))))
وبعدين إبقى إعترضي في منونتك براحتك إنتي جاية هنا تعترضي:))
اللي يسمع موضوع يتم حظر المدونة في جوجل يقول إن جوجل ده يبقى ابن خالتك وإحنا مش عارفين .. قال حظر المدونة قال
وبعدين إيه حكاية إنك صبورة دي طيب يا ترى الطباشير بتاعك (صبورة من اللي الأولاد بيكتبوا عليها في المدرسة يعني لحسن ماتخديش بالك من الطرفة ولا حاجة) بيشتروه منين
بجد منورة قسم التعليقات يا ضد (طبعا إنتي عارفة إن ماقبله كان كله هزار ماعدا حكاية صبورة دي:)))
تحياتي
عااااااااااااااااااااااااااااااااااااا
عااااااااااااااااااااااااااااااااااااااااا
عاااااااااااااااااااااااااااااااااااااااااااااااااااااااااا
ادينى مابدأتش بايبااااااااى بقى (:
مش حرماك من حاجة اهو .. علشان متقولش ضد بخيلة و لا حاجة
و كمان ماانا قولتلك هنشوف مين اللى هيبطل تدوين ها ها
علشان بعد كده تقول انك هتخلينا نبطل تدوين
^^^^^^
و كمان التعليقات اللى انت بتقول عليها مش عندى انا الكلام ده
من اول مبادئ ضد التيار عموما هى الاعتراض و عدم التأييد .. انت ناسى ولا ايه
^^^^^
و على فكرة بقى هنا و مدونتى واحد يعنى اعترض هنا براحتى برضه
انت ناسى ولا ايه انك فاتح خط بين المدونة بتاعتك و المدونة بتاعتى من زماااان
لما كنت بترد عندك فى التعليقات عندى D:
ايوة ايوة اعمل بقى مش فاكر دلوقتى هه .. ماانا عارفة انا الزهايمر بيجى فى الاوقات دى
^^^^^^^
انا امى وحيدة مش عندها اخوات بنات
و كمان اشمعنا ابن خالتى .. ليه مايكونش ابن عمى مثلا او عمتى
هوانت كان عندك مشكله و انت صغير مع ابن خالتك ؟؟
بص بص ارجع كده بضهرك لورا على الكرسى و غمض عينك وخد نفس عميق
و افتكر و انت صغير كده كان ابن خالتك علاقتك بيه ايه ؟؟
هل كان فى مشاكل بينك و بينه او مثلا مشاكل مابينك و بين ابن خالت اصحابك او الجيران ؟؟
و لو مافيش و كانت العلاقات كويسه
طيب فى الشغل مثلا كان فى مشكله مابين ابن خالت المدير بتاعك و بينك ؟؟
ماهو لازم برضه اعرف اشمعنا ابن خالتى مش ابن عمى او عمتى او خالى
(انا هحرمك تفتح تانى التعليقات فى المدونه دى نيهاهاهاهاهاهاها)
^^^^^^
صبورة و طباشير و كمان عايز تعرف بيتجاب منين
امممممممممممم
هو من الواضح انك و انت بتعلق كنت بتفكر فى ايام الطفوله و المدرسة
بس برضه ده مش سبب انك تسأل بيشتروه منين
معلش ارجع تانى بضرهك زى المشهد اللى فوق ده
وافتكر كده .. انت كان نفسك تمسك الطباشير و تطلع على الصبورة و تكتب ؟؟
و لما جيت تعمل كده الاستاذ او الابلة دخلوا عليك و اخدوه منك؟؟
ولا مثلا كان فى ولد فى الفصل اكبر منك كان دايما بياخد منك الطباشير و مستقوى نفسه عليك؟؟
او مثلا كان ممنوع تمسك الطباشير بايدك علشان مش توسخ هدومك؟؟؟
او مثلا تنسى و مش تغسل ايدك و يجيلك تسمم ؟؟؟
بص احنا عايزين نحط ايدناعلى المشكلة علشان نعرف نحلها
فارجوك ساعدنى علشان نقدر نحل المشكله دى
بلاش نكابر فى المرض .. انا عارفة انه صعب لكن حاول
^^^^^^
بص انا تعبت الصراحة من الكتابه
نلتقى ان شاء الله فى جلسه اخرى علشان نكمل العلاج
D:
^^^^^
قولتلك انا هحرمك تفتح التعليقات ده لو ماكنتش هتمسح اصلا المدونة
نيهاهاهاهاهاهاهاهاها
يوووووووه شوفت بقى نسيت اعلق على موضوع التعليق القديم و الجديد و المايكروويف
يلا نبقى نعلق عليها فى الجلسه القادمة ان شاء الله لانى تعبت من الكتابه الصراحة ((:
دكتور أحوال
واضح جدا يا دكتور إنك داخل تهدي النفوس
يا دكتورنا أنا كل اللي كنت بحاول أعمله إني أقول أنا ابتديت تدوين إزاي (وش ملاك) يعني مش قصدي أي حاجة خالص (وش بيحاول يبقى عبيط)
المشكلة إنك فاهمني يا دكتور :))
المهم في الموضوع ده إنت هتاخد صف مين؟
خالص تحياتي
كيارا
"بوست كله تعليق"
تصدقي انا كنت فاكر نفسي منزل بوست وماكنتش أعرف إني كاتب تعليق
اللي فاهم حاجة يا جماعة يشرحلي!!!!!!!!!!!!!!
لأ وإيه ومش عاجبها كمان وجاية تعيط وتعترض
رحمتك بينا يا رب
تصدقي بإية أنا اللي نفسي أعيط :))))
خالص تحياتي
عاشقة الرومانسية
"بغض النظر عن الكلام اللى فى البوست ده كله
انا عندى سؤال معلش استحمله"
***************
وعليكم السلام ورحمة الله وبركاته
"ايه اللى عجبك فى صوره الولد اللى على البروفايل بتاعتك دى؟"
****************
ومين قالك إنها عجباني
"ياريت يكون صدرك رحب ومش تزعل بس بجد انا عايزه اجابه
****************
من ناحية سعة الصدر فحضرتك أنا مابعرفش أقفل زراير القميص من سعة الصدر بتاعتي :)))
ومن ناحية الزعل فدي آخر حاجة ممكن أعملها وبعدين ازعل من إيه لا سمح الله بالعكس تماما سؤال حضرتك سؤال وجيه جدا والحقيقة أنا كان نفسي حد يسألهولي من زمان بس محصلش نصيب والحمد لله الحمد لله بعد سنه كاملة ربنا حققلي حلم حياتي وفيه حد سألني السؤال ده
وعلى أي حال بخصوص الإجابة اللي حضرتك مصممة وراسك وألف سابوه إنك تعرفيها فإن شاء الله هنزله في بوست مخصوص علشان تشريف حضرتك ليا في أول زيارة واتمنى طبعا دوام التواصل
(معلش بقى هتضطري تدخلي عندي تاني)
تحياتي
أنين الصمت
مش من مصلحتك إنك تتكلمي وخلى الطابق مستور :)
اجيب اتنين كيلو درة وأقعد أشويهم على باب المدونة؟!!! للدرجة دي حضرتك شايفة إني ماعنديش لا شغلة ولا مشغلة
يا نهار أزرق يا جدعان
على العموم العيب مش فيكي العيب في اللي فتح مدونته للي عايز يعترض واللي عايز يعيط واللي داخل يتريق وقال اهو كله بثوابه
على العموم معلش بكرة الأجازة تخلص وتحتاجي تغيير ديكورات وساعتها هتندمي يا هانم على كل كلمة قلتيها:))
تحياتي
دكتورة جنة
والبوست بوستك يافندم
تعمل فيه اللى انت عايزه
******************
وبعدين بقى في الإحراج ده؟
لكن انا برضه ممكن ادعيلك فى العمرة واهو كله بثوابه وهدعى كمان للى خلانى اكتب البوست لولا انه حطنى فى الموقف مكنش ممكن الكلام ده يتكتب
*******************
انا برضه كان قلبي حاسس إن دي معرفة خير إن شاء الله
سنة عدت حاسة انها 100 سنة من كتر اللى حصل فيها
بس جنة اللى كتبت البوست مش هى اللى دلوقتى تقراه..حاسه انها مختلفه
سنة تدوين فرقت معايا جداا
**********************
والله السنه دي فرقت معانا كلنا يا دكتورة أنا رأيي إنكم لازم تعتمدوا التدوين ده كعلاج في كليات الطب كجزء من الطب البديل زيه زي العلاج بالأعشاب والحجامة وسموه العلاج بالتدوين بس مشكلته إن ممكن المرضى يدمنوه وساعتها هنبقى عايزين علاج للإدمان :))
متقلقيش يا دكتورة ان شاء الله هينشروه ولو لا قدر الله ماتنشرش أنا ممكن أنشره عندي ولا يهمك :))
كل مدونة وانتي بخير يا دكتورة
تحياتي
العزيزة روفي
يعني أنا دلوقتي بتكلم عن بداياتي في عالم التدوين بتقلبي ليه القضية رأي عام؟
ولا انتي عاوزاني أضرب وخلاص
وبعدين حضرتك مصصمة تنقي الآيات اللي ماشية مع سياق الحديث بتاعك ومابتكمليهاش كمان
"ولن تعدلوا بين النساء ولو حرصتم فلا تميلوا كل الميل" يعني الغرض من الكلام عدم الميل تماما لواحدة دون الأخرى وده بيأكد وجود التعدد مش بينفيه
وبعدين انتي فتحتي السيرة دي ليه ما احنا كنا قفلناها وخلاص :))
وبعدين بالنسبة لسؤالك:
******************
يا ترى لو قل عدد النساء الرجل ساعتها حيعمل ايه !!
******************
خلي انتي بس عددهم يقل وماتشليش هم احنا هنتصرف :))))))
تحياتي
ضد التيار
يا ترى بالنسبة لضربة البداية هل في اختيارات تانية غير عاااااااا ويا باااااااي؟
هو دلوقتي بقت المشكلة مين اللي هيبطل تدوين الأول؟
طيب يمين تلاته على يمينك .. ولا بلاش
****************
لما كنت بترد عندك فى التعليقات عندى D:
*******************
إنجليزي ده يا مرسي؟
******************
انا امى وحيدة مش عندها اخوات بنات
******************
ابتدينا بقى شغل الشحاته:)
********************
هوانت كان عندك مشكله وانت صغير مع ابن خالتك ؟؟
بص بص ارجع كده بضهرك لورا على الكرسى و غمض عينك وخد نفس عميق
*******************
هووووووووفففففففف
أنا عارف اصطبحت بيوش مين النهارده
*****************
و افتكر و انت صغير كده كان ابن خالتك علاقتك بيه ايه ؟؟
*****************
كنا مخطوبين لبعض :)
******************
(انا هحرمك تفتح تانى التعليقات فى المدونه دى نيهاهاهاهاهاهاها)
*******************
ألو مستشفى أبو العزايم ممكن أعرف هتوصلوا امتى؟ على العموم احنا هنحاول نهديها لحد ما توصلوا:)))
********************
بص احنا عايزين نحط ايدناعلى المشكلة علشان نعرف نحلها
******************
حضرتك الموضوع ابسط من كده حطي إيدك على راسك وانتي هتعرفي الإجابة هخخخخخخخخخ
***************
بص انا تعبت الصراحة من الكتابه
*****************
قادر سبحانه وتعالى على كل شئ
****************
قولتلك انا هحرمك تفتح التعليقات ده لو ماكنتش هتمسح اصلا المدونة
نيهاهاهاهاهاهاهاهاها
******************
ألو أبو العزايم أرجوكم بسرعة شوية :)))))))
(الزعل مرفوض انا بقولك أهه إنتي عارفة إن الكلام اللي فوق ده كله كان هزار)
تحياتي
انا جييييييييييييييييييييييت
نيهاهاهاهاهاهاهاهاهاها
خاف بقى من الضحكة الاول علشان الشريرة جت
نيهاهاهاهاهاهاهاهاهاها
شويه رعد وبرق فى المدونة و احتمال مطر غزير مع احتمالية سقوط تلج على الجزء الشمالى من المدونة ((:
^^^^^^^
اولا بقى لأ هو ياما عاااا ياما يابااااى
و ان كان عاجب بقى علشان الافتتاحية مش ببلاش هنا
دى فلوس ناس يا عالم ياهووووووه ماينفعش كده
ايوة طبعااااا المشكله دلوقتى مين هيبطل مين التدوين
مش انت اللى بدأت ياحسبو يبقى تستحمل بقى D:
من غير يمين انا عارفة انى انا اللى هبطلك التدوين
نيهاهاهاهاهاهاهاهاهها
^^^^^^
مش بقول الزهايمر هيجى فى الاوقات دى انا عارفة
ادخل هنا و انت تعرف اقصد ايه
http://upstream2.blogspot.com/2008/10/blog-post_15.html
مافيش حجه بقى هه شوف كده التعليقات كانت رايحه فين بتاعتك
^^^^^^^^^
شحاته !!! و اصطبحت بوش مين !!! ينهار ينهار ينهار
هو ده يعنى جزائى علشان خايفه عليك و عايزة اعلجك من العقدة المعقدة دى
ماشى ماشى .. ماهو اللى يعمل الخير دلوقتى يتقال عليه شرير
^^^^^
ايه ده ازاى مخطوبين يعنى .. هو فى نظام جديد للخطوبة ولا ايه
انا بقول ابببببببببببببببن خالتك هه مش بنت خالتك
مش عارفه ايه الناس اللى بتتلكك دى
^^^^
ايه ده هو انت فتحت سنترال عندك فى التعليقات ولا ايه
مين اللى بيتصل من عندك على المستشفى ؟؟؟
طيب ممكن اعرف الدقيقة بكام لو سمحت D:
^^^^^^
اجابة ايه هو انا سألت ؟؟؟
لا حول و لا قوة الا بالله
مش عارفة ايه الناس اللى بترد على التعليقات و هى بتتفرج على ستريك تى فى دى
يابنى هنا المدونة مش التليفزيوووووووون
^^^^^
ياراجل كل ده كان هزار
بس بقى علشان افتكرته تهريج
طيب مش تقول من الاول
^^^^
يلا بقى نروح نشوف ردك على التعليق اللى فوق
ماهو انت شكلك كده مش ناوى تعديها على الكورنيش و ناوى تاخدها دائرى D:
ضد التيار
طبقا لمعاهدة جنيف الخاصة بأسرى الحروب واللي فيها لما طرف بيرفع الراية البيضاء فبيعتبروه أسير حرب وبالتالي بيسري عليه قوانين أسير الحرب من عدم التعرض له بما يمس حياته أو شرفه أو عرضه
ووبناءا على الصلاحية المعطاه لنا من الريس جوجل والتي تخولنا عمل اي حاجة في مدونة يوميات ولد مصري عليه قررنا نحن ولد مصري الآتي:
أولا: تأميم مدونة يوميات ولد مصري إبتداءا من ساعته وفي تاريخه (هييييه تصقيف حاد)
ثانيا: فرض قانون الطوارئ بمدونة يوميات ولد مصري مما يعني منع كافة أشكال الأعتراض أوالعياط أوالتجمهر أوالزن
ثالثا: سحب كافة الصلاحيات والمميزات المعطاه لضد التيار وإلغاء ما تم الاتفاق عليه في اتفاقية:
http://upstream2.blogspot.com/2008/10/blog-post_15.html
رابعا: إعتبار "ضد التيار" أسيرة حرب وبالتالي سنضطر لغض الطرف عما قامت به من اعتداءات على شخصي المتواضع من خلال تعليقاتها
هذا وبالله التوفيق
الله ثم التدوين ثم يوميات ولد مصري
الجمهور في الصالة: برافووووووووووو
يحيا العدل ويحيا شاهين
تحياتي
إرسال تعليق
<< Home