يَوْمِيَات وَلَد مَصْري
الخميس، سبتمبر 25، 2008
كلام في السياسة
في فيلم سيدة القصر كان فيه مشهد ما بين فردوس محمد واستيفان روستي وقد قام الاخير بطلب يدها للرقص:
- تسمحي لي بالرقصة دي يا مدام
- ماترقص يا خويا هوه حد حايشك
- طب عن اذنك اروح اتحزم وآجي أرقص
مش عارف ليه المشهد ده فكرني باللي بتعمله الحكومة مع الشعب .. يعني تلقيهم يخترعوا قانون ما يعلم بيه الا ربنا ويحاولوا يقنعوا الشعب إن القانون ده في مصلحته ، وبعدين لما مايلقوش حد من الشعب اعترض يروحوا مصدقين نفسهم، ومش بس كده لأ وإيه ويعملوا عليه حملة إعلانات ، ولا بتاعة شركات الصابون والبيبسي.
ده تحديدا اللي حصل مع قانون الضرائب الجديد بتاع العقارات ومن قبله كان قانون الضرائب التجاري والله أعلم إيه اللي هيعملوه بعد كده .. المهم إنهم نجحوا (لأول مرة في حياتهم) إنهم يخلوا الواحد يكره يتفرج على الإعلانات مع إنها كانت الملاذ الوحيد للشعب من باب "اللي ما يشتري يتفرج" .
- تسمحي لي بالرقصة دي يا مدام
- ماترقص يا خويا هوه حد حايشك
- طب عن اذنك اروح اتحزم وآجي أرقص
مش عارف ليه المشهد ده فكرني باللي بتعمله الحكومة مع الشعب .. يعني تلقيهم يخترعوا قانون ما يعلم بيه الا ربنا ويحاولوا يقنعوا الشعب إن القانون ده في مصلحته ، وبعدين لما مايلقوش حد من الشعب اعترض يروحوا مصدقين نفسهم، ومش بس كده لأ وإيه ويعملوا عليه حملة إعلانات ، ولا بتاعة شركات الصابون والبيبسي.
ده تحديدا اللي حصل مع قانون الضرائب الجديد بتاع العقارات ومن قبله كان قانون الضرائب التجاري والله أعلم إيه اللي هيعملوه بعد كده .. المهم إنهم نجحوا (لأول مرة في حياتهم) إنهم يخلوا الواحد يكره يتفرج على الإعلانات مع إنها كانت الملاذ الوحيد للشعب من باب "اللي ما يشتري يتفرج" .
التسميات: وجهة نظر
64 Comments:
طيب تخيل ان اعلان الضرائب الوحيد اللى بحبه بتاع الطرق بحس فيه ان المواطن هو اللى بيصرف عليهم و بقول اياك يحسوه بس
طبعا دا فى المشمش اهو كله زى بعضه و الناس للأسف راضيين
لكن مش عارفه ليه برضه لسه عندى امل ان البلد دى تتعدل وترحمنا بقى
بس استفسار صغير (كلمه اول مره دى ) بتتكلم جد يعنى انت مقتنع بيها؟؟؟!!!
يااااااااااه اول تعليق اهو ابسط بقى رشوة علنى للسكوت
و تانى تعليق معلش اصل مابحبش اكون لوحدى كدا
طبعا المدونه النهاردا مش هاتنام
عارفه عارفه من غير ماتحلف
ايه بس ده اعلالان لذبذ خالص هيخلوا الحلاقين العادين يعملوا فاتوره ضربيه ههههههههههه
تحس ان المواطن المصري الشقيان هو اللي بيدفع الضرايب بس وفيه دايما رساله مستخبيه ان هو بس اللي بيتهرب من الضرائب
كل سنه وانت طيب بمناسبه العيد
تحياتي
كيارا
بص يا سيدى انا كنت ناويه على بوست كامل عشان الموضوع دة
لو تاخد بالك من الاعلان هتلاحظ حاجات كتير محتاجه تفسير وهتلاقى كمان ان كل المقصود هو خراب البيوت وان الناس تشرب الشربه دى من غير ما تحس فى الاول
(حاجه كدة زى الحقنه)
يعنى مثلا بتلاقى انه بيقول البيت اللى يساوى نص مليون جنيه مش هيدفع غير 13 جنيه بس فى الشهر
يعنى بحسبه بسيطه هتلاقيه يدفع فى السنه 150 جنيه تقريبا
طيب مين اللى هيقيم البيت دة؟
مين اللى يقول انه يساوى نص مليون جنيه
من الاخر كدة دى خطه خراب بيوت وربنا يستر على الناتج منها فى الفترة الجايه
الاعلان بتاع الدكتور النفسى جامد ههههههه
ضريبة على المرض النفسى:)
ده الشعب كله ماشى ببرج واحد:)
بجداحنا شاطرين فى تفصيل القوانين وتضيقها وتوسيعها جامد:)
احنا بلد القوانين
بقولك ايه ولسه ولسه هههههههه
تحياتى
بينهيالى ان دا كان فى فيلم سيدة القصر
و كانت الممثلة هى فردوس محمد
اما بالنسبة للحكومة و الاعلانات
فالحكومة نجحت انها تلاقى طريقة ظريفة
تجبر الناس بيها على تقبل الامور
و اهو كله مماشى
و محدش بيعترض على الاعلانات
ولد مصرى ازيك واحشنى يا واد انا مبسوط اوى انك جيت فى سكة السياسة اكيد من اول الم حبيعك واعترف ان انت الامير ومش عاجبك قانون الضرايب
دمت لمصر
احمد الشاعر
السلام عليكم
كل عام وانت بخير اللهم بلغنا و اياك ليلة القدر ..
لى عوده ان شاء الله للتعليق على البوست
تحياتى
ضد التيار
المصيبة إن اعلانات الضرايب لذيذة وفعلا فكرتها حلوة وده اللي هيجنيني بياخدوا فلوس الشعب الغلبان يعملوا بيها اعلانات ويفهموه إنها لمصلحته
البلد مش هتتعدل إلا لما الناس اللي هيشين فيها يتعدلوا الاول
كلمة (أول مرة في حياتهم) بتعود على النجاح لان فشل الحكومة بقى شئ عادي لكن بصراحة هما نجحوا إنهم يعملوا حملات إعلانية يفهوا الشعب إنهم بيسرقوه علشان مصلحته
تحياتي
ضد التيار كلاكيت تاني مرة
لا يا هانم مش أنا اللي أعيش على فلوس واحدة ست (طبعا الجملة دي ملهاش اي علاقة بالتعليق بتاعك بس كان نفسي اقولها من زمان)
على العموم بالنسبة لموضوع الرشوة ونظرا لإننا لسه في شهر رمضان وداخلين على عيد ومحتاج ناس كتير يزوروني فانا هقبلها بس اعملي حسابك المرة الجاية لا ممكن تنزل ابدا
اكيد المدونة مش هتنام النهاردة ماهو لما ضد التيار يزورني مرتين يبقى اكيد امن الدولة هيجوا يشرفوني هما كمان ودول بقى بيعزوا يزوروا الناس في الثلث الأخير من الليل يبقى هنام إزاي
روحي يا شيخة....ولا بلاش
تحياتي
اولا مكانش فيلم غزل البنات ومكنتش زينات صدقي بس ما علينا الفكرة وصلت :))))))))))
ثانيا: هي دي الحكومةالذكية، لازم تستخدم الإعلانات عشان توصل لأهدافها ولازم برده تتخيل ان الشعب اقتنع وبالتالي تنفذ اللي هيا عيزاه، حكومة الخيال العلمي :))
تحياتي
ازيك ولد مصري
كل سنة وانت طيب
هو انت اصلا كنت بتحب تتفرج علي الأعلانات
ده اللي بيحصل يخلي الواحد يكرها من زمان
وخصوصا اعلانات المدن والقري الساحلية الجديدة
الا مش بيقدر يشتريها الا صفوة المجتمع
وماشاء الله يجيبوا دكتورة مشهورة تقول "انها حسيت بفرق في حياتها في المكان ده " وبعدين يعقب الأعلان علي اننا مش هنحس اننا عايشين الا لما نسكن في المكان ده
يعني بالمختصر المفيد احنا ميتين
وطبعا ميفتش عليهم حرق دمنا اكتر باعلانات الضرائب والغريب انهم بيطلعوا ان المواطن البسيط هو المتهرب
ونسيوا ان اكتر المتهربين هما صفوة المجتمع اللي بيشيدوا بانجازتهم
والله شيء يغيظ ويجيب ضغط دم
وصحيح بخصوص الفرسة
انت ليه مش حضرت معانا فطار المدونين بساقية الصاوي
هانزل البوست والصور عشان تشوفهم
بجد بجد كنا عاوزين شوفك
( طبعا انت عارف اني مقصدتش افرسك خالص هههههه)
كل سنة وانت طيب وعيد سعيد عليك وعلي كل أسرتك
نيجى لاول تعليق
الاعلانات هما دايما بيعرفوا يعملوها صح هما فاشليين فى المفيد لينا لكن ليهم استحااااااااااله لازم الاتقان و التفكير الصح امال الحكومه ازاى بس
*************
التعليق التانى ... ان ان ان تش
هههههههههههههههههههههه
انا اول لما شفت الكلمه قولت ايه دا هو انا قولت ايه رجعت تانى للتعليق وبعدين كملت كلامك
ههههههههههههههههههه
يعنى نفسك تقولها من زمان اول لما تقوله يبقى ليا دا ايه دا
عموما ماشى بس عد الجمايل انت هه
انا عارفه سواء رمضان او العيد او فى الايام العاديه هانور برضه
P-:
وكمان ماله ان شاء الله ضد التيار هه
هو انا قولت ضد الوطنى P-:
شكلى مصممه على زيارتهم ليك على فكره
عشان تعرف انت قد ايه غالى D:
لا ماانا هاروح فعلا بلاش ليه
هانقطع عنكم اسبوع بحاله
بس نفساويتى محطمه
عااااااااااااااااااااااا
يلا كفايه عياطه واحده هى الدموع ببلاش
اشوفك على خير بقى
كل سنه وانت طيب
(:
هههههههههههههههههه
حلوه هروح اتحزم واجى ارقص
بس ياترى باه بخصوص السياسه
ياترى مين هيتحزم فى الحكومة
تصدق هيبقى شكلو جامد جدا
وانا عليا هنقطو بجنيه وربع
هههههههههههههههه
ربنا يخدهم
السلام عليكم
تانى سياسة ...كده برضه تتكلم فى السياسة على كده العيش والحلاوة على مين المرة دى؟؟؟
انا با عتذر عن بقية أسئلة التاج
انا أخذت الأسئلة المشتركة بينك وبين طارق فى محاولة للاجابة علشان كده فيه فصوص ناقصة..
اللهم انك عفو تحب العفو فاعفو عنا
على فكرة كانت من نصيبك دعوة فى الطواف فى ليلة القدر
واهو كله بثوابه بس ابقى افتكرنا فى دعائك
تحياتى
كيارا
فعلا الاعلانات لذيذة
ايوة طبعا لازم الحلاق يعمل فاتورة وهيكتب فيها عدد واحد دقن وتقصير شنب
موظفين القطاع العام بيعتبروا أغلب ناس في الدولة وتلاقيهم بيخصموا منهم الضرايب من المنبع وهما بيقبضوا مرتبتهم
رحمتك بينا يا رب
تحياتي وكل سنة وانتي طيبة
كناري
حلوة كلمة يا سيدي دي فكرتني بأيام سي السيد وأمينه
بالنسبة لتقييم العقارات فدي على حسب ما قالوا إنها هتبقى لجنة وهتقيم العقارات في كل منطقة على حده وطبعا ممكن الناس تتظلم فيعملوا لجنة تانية منبثقة من اللجنة الأولانية علشان تحكم في التظلم وموت يا حمار
خراب بيوت ايه ماتقوليش كده دي سعادتك خطة لتنضيف الجيوب حاكم النضافة حلوة
كل سنه وانتي طيبة
تحياتي
برينسيس
فعلا الاعلانات بتاعتهم جامدة جدا
وبعدين الناس عايزاها تمشي ببرج بحاله ومايخدوش عليهم ضرايب طب ده اللي عنده شقة بس هيدفعوه ما بالك باللي عنده برج لأ وايه ماشي بيه كمان
حد فاهم حاجة؟
كل سنه وانتي طيبة
تحياتي
سيلف مييننج
يعني اول زيارة كدة وتكسفيني في عقر داري طب عديها محدش خد باله
بس فعلا ابتدت الذاكرة ترجعلي فعلا كلامك مظبوط ان شاء الله هعدل الفيلم والبطلة معلش الصيام بقى
ماهي المصيبة ان الناس حبت الاعلانات لانها فعلا ظريفة ودي الحاجة اللي الحكومة ضحكت بيها على الشعل عارفاه شعب لازق في شاشة التلفزيون وبيتفرج عليه ليل مع نهار وعلشان كده زي ما كناري قالت عملتله شربه مايحسش بيها
وادينا شربناها وقلنا
ممكن تاني؟
تحياتي وكل سنه وانتي طيبة واتمنى ان الزيارة دي ماتكونش الاخيرة
احمد الشاعر
طيب استنى شوية مش لازم يعني من اول قلم تعترف
طول عمرك أصيل يا أبو حميد
وبعدين هما مايفرقش معاهم امير ولا غفير كله بيتعلق
وعلى فكرة اصالة بأصالة بقى هقول إن إنت الانتحاري اللي فجرت نفسك في سوريا :)
تحياتي
العزيزة روفي
كل عام وانتي بخير وبصحة وسعادة
افتقدناكي
ربنا يتقبل منا جميعا صالح الأعمال
هنتظر تعليقك على البوست ده وكل البوستات اللي فاتت كمان
ربنا يعينك بقى
تحياتي
بيربل ويفز
أعوذ بالله ايه ده يعني غلطت في البخاري حاضر يا ستي حاضر هغير الاسم وهغير البطلة وهعتزل التدوين كمان علشان تستريحوا
مصطلح الحكومة الذكية او
e-governement
بيطلق على استخدام المعاملات الحكومية عن طريق الانترنت ومعتقدش ان المصطلح ده ينفع مع حكومتنا .. احنا ممكن نسميها الحكومة اللي بتتذاكى
أو حكومة الخيال العلمي زي ما قلتي
كل سنة وانت طيبة
تحياتي
كل شويه قرارات جديه لما خلوا الشعب يطلع بره البلد
بينزلوا ضرايب على أيه هو حد لاقى شغل والى بيفتح مشروع علشان يقدر يعيش
هما يقفلوه له بالضرايب والغرامات
لاكن ده طبعا مع الفقير بس
؟؟؟؟؟؟؟؟؟؟؟؟؟؟؟
انا بردوه لما شفت الاعلان دة استغربت اوى
هههههههههههههههههههههههه
هو هبل و لا هبل و لا يمكن هبل و انا مش واخده بالى
طب الاضراب التجارى و شربناها
كمان على بيوتنا
طب لو البيت وقع فى بيروه يعنى
مين يجيبلنا فلوسنا
يا لهوى يا جدعاااااااااااااااان
مش سايبين الناس فى حالها
و ال يعنى البلد بتتحسن اوى اوى
المواصلات مش زحمه و الظرق سالكه
و رغيف العيش المدعم
تاكل لقمه واحده
تقول و اللهى انا شبعت كفايه منه لقمه واحده
الواحد ينام خفيف خفيف
حسبى الله و نعم الوكيل
جامد جدا المثال اللى انت شابهت الموقف المذكور
و دمتـــــــــــــــــــــــــــــم
لسلان عليكم...
كل سنه وحضرتك بألف خير...
أ،ا اللي أعرفه إن الدوله لما بتفرض قانون ضريبه... يكون فيه بالمقابل خدمه... يعني كانك بتساهم في تحسين وضع الدوله... أما لما يكون ضريبه لحساب بعض الجيوب اللي عامله زي البحر على قد ماتصب فيه ميه حلوه مش هيحليه...
بسوريه ضريبه السياره تسمى بضريبه الرفاهيه !!!... لا وإيه الضريبه أكتر من ثمن السياره...
بس الواحد يقول إيه... حسبنا الله ونعم الوكيل...
مصرى قولى صحيح ناوى تقضى العيد فين
اصل الناس الاى بتحبك عايزك تقضى العيد معهم ههههههههههههههه
يا ابنى ابعد عن الشر و غنيلة و الا انت مش عايز تنزل مصر تانى
بجد هو الاعلان جميل جدا و بيحسسك انك شى مهم
تخيل معايا لو راحة اكشف عند الدكتور و الا اشترى كيلو طماطم و طلبت فاتورة هيحصلى اية
و الا موضوع الضرايب العقارية حاجة بسيطة يعنى اية 160 جنية فى الشهر دة حتى يا عم ما فرقش كتير عن اشتراك الدى سى ال
محسسنى اكننا بنلاقى الفلوس فى الشارع هو احنا عارفين نعيش عشان ندفع ضرايب
دة لو قلت لماما هتدفعى ضرايب عن البيت الاى ساكنين فية هتهدة و تقعدنا فى الشارع اهوة اوفر ليها من كل الجهات
و حسنة قليلة تمنع بلاوى كتير
كل سنة و انت طيب يا راجل يا طيب
فين العيدية باة
أنا ليه وجهة نظر في قانون الضريبة العقارية ، فاكر قانون الالتزام بتاع محمد علي اللي أعلن فيه أنه المالك الوحيد للأراضي الزراعية في مصر ، وألغى بذلك الملكيات الخاصة ،سلط مديري المديريات على المزارعين يجبو منهم الضرايب ،وبعدين يؤدوا ما على الأرض من التزام ،طبعا فاكر ،بص يا سيدي قانون الضريبة العقارية الجديد هو صورة من قانون الالتزام ،يعني مبارك أعلن نفسه المالك الوحيد للثروة العقارية في مصر يعني أي مالك لأي منزل بناه بالشقى والغربة والدم ،هيتحول أو تحول خلاص لمستأجر عند الملك قصدي المالك الجديد اللي هو مبارك أو نجله مش هتفرق كتير ، أما الإعلان فعذرا لأني احترامي ليك ولمدونتك الجميلة يمنعني أقولك أنا قلت إيه أول ما شفته ..... تقبل احترامي وتحياتي وكل عام وانت بخير .
ماهر الشيال
هما فعلا بيحسسونا ان الضرايب دى حاجه جميله
وان احنا جاحدين وناكرين للجميل
وبناخد خدمات البلد دون مقابل
هما صدقوا بس الخوف لحسن احنا نصدق
كل سنه وانت طيب
انا جييييييييت تااااني
كل سنة وانت طيب
وعيد سعيد عليك وعلي أسرتك
يلا بقي هات العيدية
ههههه
اللهم زد هـــــــذا الوجه نورا
واجعله دائـما مأجورا
وبلغه العيد مسرورا
امين يارب العالمين
عيد سعيد
المفروسة زهرة
كل سنة وانتي بخير وسعادة وبدون فرسة
حضرتك انا بعز الاعلانات جدا وخصوصا لما تكون فيها فكرة جديدة من امثلة "باك" بتاعي "باك" بتاعك "باك" بتاعنا كلنا .. ده اول اعلان وعيت عليه وجابلي عاهة مستديمة مأثرة فيا لحد دلوقتي
بالنسبة لاعلانات القرى السياحية والمدن ما احنا قلنا بقى من باب اللي ما يشتري يتفرج، واللا انتي كمان مش عايزانا نتفرج
وبعدين انتي ماكنتيش واخدة باللك من موضوع الموت الاكلينيكي اللي احنا عايشينه ولا ايه
اينعم احنا بنتنفس (هواء ملوث) وقلبنا بيدق (من ضغط الدم الزيادة) بس مش معنى كده ان اننا عايشين
صفوة المجتمع المفروض انهم ماديفعوش ضرايب اساسا لانهم اصحاب البلد واحنا موظفين عندهم بنشتغل بلقمتنا وهما اللي يقرروا يشغلونا ازاي وفين واحنا المفروض مانفتحش بقنا بدل ما يرمونا بره
بخصوص الفرسة
عايز افكرك بحاجة قبل ما تعملي عاملتك اللي قلتي عليها بتاعة الصور:
الضرب في الميت حرام
وبعدين اذا كنا بنعمل كده في بعض يبقى ليها حق الحكومة تعمل فينا اكتر من كده
الله يسامحك
قولي آمين بسرعة
تحياتي
ضد التيار كلاكيت تالت مرة
حضرتك مش هما اللي بيعملوا الاعلانات لانهم لو عملوها هيفشلوا فيها برضه هما بيدوها لحد من نوعية "باين عليك فاهم يا نصه" وبيدفعوا له من قوت الشعب علشان الاعلان يطلع بالصورة اللي بنشفها
حلوة قوي الموسيقى التصويرية اللي مصاحبة للتعليق دي لا بجد فكرة جديدة
بخصوص الجمايل و"المعيز" انا بطلت اعد من زمان وبعدين ماتنسيش السر اللي انا كاتمه في بير ومش عاوز اذيعه متهيألي ده بالجمايل بتاعتك كلها ولا ايه؟
الوطني هو التيار والتيار هو الوطني ويأما تبقي معانا او علينا شوفي بقى انتي ناوية تلعبي مع انهي فريق
على العموم انا لو وقعت هعترف وهقول مين ضد التيار
حاكم انا بصراحة قفايا مش ناقص
تروحي وترجعي بالسلامة وماتنسيش المشلتت والمش
يا وبور الساعة اتناشر
يم جبل ع الصعيد
تحياتي
همس
حضرتك الحكومة كلها استاذه في الرقص
والحقيقة انهم لما بيجوا يختاروا السادة الوزراء لازم يختاروهم خريجي المعهد العالي للباليه او على الاقل لازم ياخدوا دورة في فرقة رضا للفنون الشعبية
بالنسبة للنقوط متهيألي كفاية النقطة اللي هما جابوهالنا وشيلي الجنيه وربع معاكي للزمن محدش عارف الظروف
تحياتي وكل سنه وانتي طيبة
جنة
وعليكم السلام ورحمة الله وبركاته
معلش يا دكتورة مكنتش ناوي افتح بقى بس بصراحة الموضوع زاد قوي
لما لقوا العقارات في مصر سعرها بيزيد قالوا يعني ايه الكلام ده يحصل من غير ما نطلع منه بحسنه (طبعا الحسنه بتاعتهم دنيوية مش تبع الآخرة)
حضرتك العيش والحلاوة دايما بيبقوا على العروسة مش على العريس
بخصوص التاج اجاباتك فيه كانت منطقيه جدا وبصراحة هتشفع لك في الفصوص اللي ضايعتيها
آميين
جزاكي الله كل خير على الدعاء والحقيقة دي ميزة ان الواحد يتعرف على ناس يحسبهم على خير علشان اكيد هيصيبه منهم دعوة بظهر الغيب تكون من نصيبه
كل سنه وانت طيبة وبخير وسعادة
خالص تحياتي
الفرعون المصري
هو ده اللي هما عايزينه
نفسهم يغمضوا عين ويفتحوها يلاقوا الناس كلها طفشت من البلد وبكده يبقى كل المشاكل اتحلت بغمضة عين
يا ريس الضرايب دي وسيلة وليست هدف في حد ذاتها وسيلة علشان يطلعوا عنين الشعب ويزهقوه في عشته وياخلوه دايما يشتغل كمان وكمان لحد ما السر الإلهي يطلع علشان ما يفكرش في السياسة وفي مشاكل البلد
شكرا على زيارتك الأولى واتمنى ماتكونش الأخيرة
كل سنة وانت طيب
مع تحياتي
ساموراي
ايوة هبل عندك مانع اعترضي بقى
طبعا يعلموا ضرايب على البيت اللي عايشين فيه وعلى اللبس اللي بنلبسه وعلى الطفح اللي بنكله ولو قدروا يعملوا كمان ضريبة على الميه اللي بنشربها هيعملوها
مهما كده كل لما يكونوا عايزين يحلوا مشكلة يحطوا عليها ضريبة علشان الناس ماتعملهاش
والحقيقة انا خايف كمان يعملوا ضريبه على دخول الحمام
يانهار ازرق
تصدقي ممكن علشان يحلوا مشكلة المجاري
ويسموها ضريبة "العناء" من التعنية والله اعلم
كل سنه وانتي طيبة
تحياتي
اكون او لا اكون
وعليكم السلام ورحمة الله وبركاته
كل سنه وحضرتك بخير وسعادة
الضريبة بتعني خدمة
كلامك صح بس مش في مصر
في مصر ضريبة بتعني إتاوة يعني الدولة تاخد ضريبة علشان سمحت للشعب إنه يسكن في ام البلد واللي مش هيدفع هترميه في الصحراء للكلاب والديابه علشان يكلوه هم يا جمل
بالنسبة للنظام بسوريا مايختلفش كتير عن اختها في مصر والحقيقة ان ضريبة السيارات في مصر مش كبيرة بس بقى لو جبتي عربيه تدفعي عليها جمارك 200% علشان تحرمي تركبي عربيات
مالها العجلة يعني
تحياتي
نونا
العيد ان شاء الله هقضيه في جده واشكرك على كلامك الجميل وكويس ان فيه حد لسه بيفتكرني بالرغم من الدبش اللي بحدفه وبقول عليه كتابة
وعلى العموم لو عندكم خطط لئيمة احب اعرفها علشان يتحرق دمي زيادة
ابعد عن الشر ازاي؟ ما ينفعش
وبعدين حضرتك لو ربنا مقدر للبني آدم اي حاجة هتحصل حتى لو ماشي جنب الحيط مش هتفرق كتير
ايوة طبعا تطلبي فاتورة حتى لو هتشتري حزمة جرجير انتي فاكراها ايه سايبه
مش احسن ما تتظبطي
طيب يا ريتهم فعلا ياخدوا 160 جنيه ويخلوا الدي اس إل ببلاش على الأقل الناس هتحس إن فيه خدمة بياخدوها مقابل الفلوس اللي ببتدفع
لكن المشكلة غنهم بيلهفوا الفلوس من غير ما يقدموا اي خدمات وده اللي يحرق الدم
هيه ليه الست الوالده معرفتش بموضوع الضريبة ده؟ طيب هتفضلي مخبيه عليها لحد امتى اهم حاجة ماتخلهاش تتفرج على التلفزيون لوحدها ولما يجي الاعلان شدي الفيشه بسرعة
انتي فاكره لو قعدتي في الشارع مش هتدفع ضريبة؟
كان غيرك اشطر
هيعملوا ضريبة جديدة اسمها ضريبة الحسنة القليلة اللي بتمنع بلاوي كتيرة وانا اعتقد انهم هيعملوا ضريبة على البلاوي مادام هيه اللي كتيرة
كل سنه وانت طيبه
بالنسبة للعيدية هيتم خصم الآتي:
30% ضريبة دخل
20% ضريبة كسب
10% ضريبة عيد
30% ضريبة فرح
5% ضريبة سعادة
والباقي دمغات
انت هتنبسط معانا قوي يا شحاته افندي
تحياتي
ماهر الشيال
لا يمكن بحال ان نقارن ما بين محمد على باشا والشاويش مبارك
محمد علي عمل نهضة في مصر وكانت مصر في عهدة دولة عظمى وقدر انه يخرج من بوتقة الحكم العثماني وكان ممكن يدخل القسطنطينية لولا تدخل اوروبا وكمان كان فيه نهضه في التعليم والصناعة والزراعة يبقى كان من حقه يعمل اللي هوه عاوزه مادام المصري على ايامه كان ليه هيبه وكلمة لكن بقى عم مبارك اللي في عهده الميمون بقينا زي ما انت شايف كده المفروض انه مايفرضش ضرايب من اساسه
من غير ما تقول يا ريس انا عارف انت قلت ايه لان مش انت بس اللي قلت كده ده الشعب كله في نفس واحد قال نفس الكلام :)
كل سنه وانت طيب وتمنياتي ليك بعيد سعيد وشكرا على زيارتك واتمنى دوام التواصل
تحياتي
إنجي
هوه ده البياع الشاطر يخليك تشتري حاجة انت مش عاوزها
ودي اللي الحكومة بتحاول تبيعهولنا انها بتاخد فلوس الناس الغلابه علشان تبني بيها مدارس ومستشفيات وتسفلتهم اقصد تسفلت ليهم الطرق والشوارع
وبعدين معتقدتش ان فيه حد ممكن يصدق الكلام ده لسبب واحد ان محدش حاسس بالخدمات دي يبقى اكيد مابتحصلش
كل سنه وانتي طيبة
تحياتي
زهرة الجنة
أهلا وسهلا
كل سنه وانتي طيبة وعيد سعيد بإذن الله عليكي وعلى جميع المسلمين
بالنسبة للعيدية عايزاها نقدي ولا هدايا عينيه؟
عارفه قصة سيدنا موسى مع بني اسرائيل لما طلب منهم يذبحوا بقرة .. استعدي :))))
خالص تحياتي
نهر الحب
يا من نرجو له كل خير
وأحببناه في الله لا غير
كل عام وانت بخير
عيد سعيد
تحياتي
كل سنه وانت طيب يا باشمهندس
عيد سعيد ان شاء الله
اطيب امنياتى
تحياتى
كل سنه وانت طيب يا صديقنا المغترب وان شاء الله السنه الجايه فى حضن الوطن
تنعم معانا فى سعادته
عشان منبقاش حرمناك من حاجه
يااه اخيرا لقيت حد بيتكلم فى الموضوع ده
الحمدلله انى ماطلعتش لوحدى اللى معترضة عليه
********************************
كل عام والامة الاسلامية بخير
السلام عليكم ورحمة الله وبركاته
عيدكم مبارك
تقبل الله منا ومنكم
وكل عام وأنتم بخير
كل عام وأنتم من الفائزين
كل عام وقد حصدتم الجائزة
كل عام وأنتم ترفلون في ثوب الفرحة
كل عام وانتم مقبولون الصيام والقيام
كل عام وقد عفا الله عنكم في ليلة القدر
كل عام وأنتي منصورة يا أمتي
أخوكم
سعيد
روفي
كل سنه وانتي بصحة وخير وسعادة
وعيد سعيد و"مبارك" ليكي وللأسرة الكريمة
تحياتي
كناري
مش عارف اعتبر دي دعوة ليا ولا عليا
لكن انا عارف ان نيتك كويسه وانك مابتدعيش عليا
كل سنه وانتي طيبة وعيد سعيد
تحياتي
العزيزة موناليزا
لا متقلقيش فيه ناس كتير معترضين زي حالاتك
كل سنه وانتي طيبة وعيد سعيد
تحياتي
سعيد الجني
وعليكم السلام ورحمة الله وبركاته
كل عام وانت بخير وعيد سعيد اعاده الله علينا وعلى الأمة الاسلامية بالسعادة والتمكين
تحياتي
ايها الشهر ترفق دمع الحبين تدفق
قلوبهم من الفراق تشقق
عسي توبه تصلح ماتمزق
عسي عسي متقطع عن ركب
المقبولين يلحق
عسي أسير الأوزار يطلق
عسي مستوجب النار
ببركه هذا الشهر يعتقق وعسانا الرضا الله وقبوله نوفق
كل عام انتم بخير
عاشقة القمر
كل سنه وانتي طيبة
شكرا على الكلمات الرقيقة
وربنا يجعلنا جميعا من المقبولين
تحياتي
ايوة يا عم هتخرج اهوة نقر عليك شوية باة هههههههههههههههههههه
يا رب تقضى اجازة و عيد سعيد بس ابقا افتكرنا و انت بتتفسح
و عيب عليك الكلام دة معقولة ننساك امال مين الاى هيحدفنا بالكلام هههههههههههه انا بهزر معك و يا عم انت لا بتحدف كلام و لا حاجة انت شكلك ما شفتة الصخر الاى بيوقع عندنا فى مصر ساعتها هتعرف انك بلسم و مش بتعمل حاجة خالص
انا برئ يا بية لا عندى خطط و لا اعرف حاجة انا برئ
انا معك انة لن يصيبنا الا ما كتب الله لنا
بس برضة خلى بالك و الا انت عايز تغرمنا دة حتى الحلاوة باة غلية اليومين دول و العيش ابو شلن ما يتاكلش و الا انت غاوى تغرمنا و خلاص خخخخخخخخ
حاضر ليك عليا و انا بشترى الخضار هطلب فاتورة و اخليهم يبعتوها عليك و انت طبعا الاى تدفع مش انت قولت اطلبة فاتورة استلم باة يا سيدى
يسمع منك بوقك ربنا اصل ساعتها امى هى الاى هتدفع 160 و انا هترحم من فاتورة النت لحسن انا بشحت كل شهر عشان ادفعها ايهى ايهى ايهى
عادى باة دة انت طماع قوى عامل زاى القطط تاكل و تنكر اقول اية بس
اة الحاجة لسة ما تعرفش و كل ما تيجى تسالنى اقولها دة مش تبعنا اصلها لو عرفت هتشرد العيلة يبقا ما تعرفش احسن امال اخويا و مراتة و العيال يروحوا فين دية حتى الشحاتة عليها ضرايب ايهى ايهى ايهى امال هيرحوا فين الناس الغلابة دية
طب اوعى تقول للحاجة على الضرايب انا هنقل و اروح شقتى احسن اصلها ايجار و مش بندفع ضرايب هههههههههههههه بس تصدق ممكن صاحبت البيت تغلى الايجار بهذة المناسبة التعيسة امال هى هتدفع من جبها و احنا نسكن ببلاش
و اية كل دة عشان طلبت العيدية الله الغنى يا عم مش عايزة انبسطت
و على فكرة اسمى نونا افندى مش شحاتة افندى ههههههههههههههههههه
كل دة انا كتبتة ايديا وجعتنى الله يسامحك يا شيخ
و كل سنة و انت طيب
نونا
ولو ان القر جاي متأخر شوية لكن مافيش مشكلة اللي عاوز يقر يقر وان شاء الله هنردها لكم في الأفراح
حاصر يا ستي هبقى افتكركم وانا بتفسح وانا بلعب بالمارجيح وبفرقع بمب انتي تأمري
ربنا يخليكي على ذوقك وكلامك الجميل وكويس ان ده رأيك في الشخابيط اللي بكتبها
اعترفي احسن لك بالخطط اللي عندكم انتي والمدونين زمايلك
اعترفي وانا هعتبرك شاهدة اثبات وهتاخدي سنتين بس مع الشغل (تنضيف ومسح وكنس وغسيل لهدوم المدونين)
بالنسبة للغرامة اللي بتتمثل في العيش والحلاوة يعجبني قوي الجدعنة بتاعة إخوانا المدونين مش قلقانين ان واحد زميلهم هيتروق لكن خايفين على تمن العيش والحلاوة
طول عمرك عظيمة يا مصر
اذا جت على فاتورة الخضار فمافيش مشكلة بس لازم ادوق الاول
مش عارف ليه عندي احساس لو بعتي النص التاني من التعليق بتاعك لوزارة الشئون الاجتماعية ممكن يصرفولك معاش السادات بس لو ده حصل ماتنسيش تديني الحلاوة (دي طبعا غير الحلاوة اللي فوق)
لا يمكن انا مصصم انك تاخدي العيدية بس بعد ما نخصم الضرايب ده حقك ولازم تاخديه
على فكرة بالنسبة للكتابة إحمدي ربنا إن لسه محطوش عليها ضرايب
مش بقولك هتنبسط معانا يا نونا افندي
تحياتي
يعنى اية قصدك يعنى انك خرجت و اتفسحت
يا خسارتك يا بت يا نونا شكلك مش بتعرفى تنقى و تقرى بضمير
اوعى تقر عليا دة انا غلبانة و عاملة زاى قليل البخت يلاقى العضم فى الكرشة ههههههههههههههههههههههه
بس و اللهى كتاباتك حلوة و لو ماكنتش حلوة كان زمانك قاعد على باب النت توزع ربع جنية على كل واحد يدخل و يقراء المدونة اما انت ماشاء الله اللهم لا حسد زورك كتير حتى اسال ضد التيار و هى تقولك كمان
اية دة قصدك يعنى اعترف على زمايلى الحقونى يا ردالة المصرى عايزنى ابيعكم و اعترف عليك
يعنى خلاص موافق تدفع فاتورة الخضار و اللحمة و الفراخ و السمك و السوبر ماركت يا سلام على الجدعنة و شهامة ولاد البلد حالا هبعتلك الفاتورة بس ابعتلى انت العنوان هههههههههههههههههههههههه
و يسمع من بوقك ربنا و اخد معاش مبارك اصل السادات راحت علية و معاشة باة ملليم احنا دلوقتى فى عهد الملاين
لا يا عم خلى العيدية منى ليك و عليها ربع جنية بحالة يلا انبسط وهيص يا عم
لية بس حرام عليك كمان ضرايب على الكتابة
منة لة
أولا كل سنة و الكل بخير
أما ثانبا فأنا أكتر حاجة عاجبانى فى إعلانات الضرايب هو اللوجو بتاعها
الضرايب مصلحتك أو مصلحتنا كلنا
أنا عجبتنى التورية فهى تعنى أنها كمصلحة حكومية ملك لنا (ده طبعا كده و كده) و كمان تعنى إن فى سداد الضرايب مصلحة لنا ( و ده برضه كدة و كدة)
و لكن إللى عمل الإعلان أظهر أنه متمكن من ناصية البلاغة....
نونا
ايه يا بنتي الشر ده كله؟ ليه بس كده؟
وعضم ايه وكرشة مين؟
على العموم انا متشكر جدا على كلامك بخصوص كتاباتي ولو اني مخبيش عليكي فكرة الربع جنيه دي جت على بالي
وطبعا صديقة المدونة الدائمة ضد التيار انا عارف انها هتشهد على كلامك ربنا يرجعها بالسلامة
انتي ليه بتسمي ده اعتراف ممكن تسميه فضفضه أو تسميه حكاوي اهم حاجة اعرف عن وجود اي نيه عندكم انكم تتقابلوا علشان ابلغ عنكم وتتاخدوا كلكم في الرجلين وتظهر منشتات الصحف تاني يوم بتقول:
القبض على مجموعة من المدونين من الفئة الضالة أصحاب الفكر المنحرف عند قيامهم بتنفيذ مخطط إرهابي عبارة عن أكل مجموعة من الكباب البرئ والكفته الشهية وذلك بمقر التنظيم بالميريلاند
واهو منها برضه اترحم شوية من فواتير الخضار واللحمة
بخصوص العيدية انا كلمتي لا يونكن تنزل الارض ابدا
المصري دايما يوفي بوعده (حاجة زي ايريال كده)
تحياتي
الأصيل بوبوس
كل سنه وانت طيب
يعني انت سبت كل حاجة ومسكت في مختار الصحاح
بلاغة ايه يا ريس بس اللي عجباك والشعب محروق دمه
هوه اينعم الاعلانات ظريفة بس ما يمنعش انها تحرق الدم
حتى لو كان الاسلوب بتاعها بليغ حمدي
تحياتي
انا جييييييييييييييييييييت ان ان ان تش
و كمان ان ان ان تش
انزل بموسيقى الفك المفترس هيع هيع هيع
ايه حكايه العداد بتاعك تانى وتالت مره
اوبااااااااااااا يبقى انت اللى هاتكون ورا ضرايب التعليقات
انا هاخلى المدونين يعملوا انقلاب عليك دلوقتى نياهاهاهاهاهاهاهاها
**********
انا عارفه انهم مش هما اللى بيعملوا لكن اللى يشتغل مع الحكومه يبقى حكومى
ايوة احنا هنا ماعندناش تفرقا بلاش بقى حقد على البشر كل دا عشان ماشتغلتش معهم ياساتر P-:
***********
ايه رأيك عجبتك الموسيقيه يلا اى خدمه عملتلك جو اهو فى التعليقات
الجمايل كترت عليك على فكره ماتفكرش انك هاتهرب بانك مابتعدش من زمان لااااااااااا انسى
يلا جهز نفسك بقى على الدفع عشان تخصم من نونا كويس نياهاهاهاهاها
طول عمرى شريره فى التعليقات D:
و كمان سر ايه اللى بتقوله مش كفايه ساكته عليك و مش عايزة اقول انك عميل D:
بس تعالى هنا ايوة تعالى هنا انا مش بقولك تعالى هنا
مين قال انى رايحه الصعيد هه
آآآآآآآآآآآآه و انا اقول مين بتاع الاوشعات اللى مغرقه البلد طلع انت
مش كفايه الحكومه كمان المدونين (ناويه على ترحيلك وقتى انا D:)
اما بقى مين ضد التيار انا طبعا ومش هخاف
انا ضد التيار اللى بيحاول يشوه حكومتنا الجميله زى اللى انت بتعمله
P-:
بيعه بيعه وقتى انا هيك هيك هيك
***********
اما بقى استشهاد نونا بيا طبعا لانها قرت عليك لوحدها ياعينى وانا ماكنتش هنا وبالتالى استمتعت بالعيد وخرجت
بس عادى جدا ولا بتفرق معيا هاقر بأثر رجعى برضه D:
فعلا زوارك كتيييييييييييير مش عارفه ليه كدا ياساتر تكونش عامل عمل ليهم
ينهار ابيض يعنى اوشعات على الحكومه و تنزيل قانون ضرايب للتعليقات و اعمال للمدونين وتحريض البنوته نونا انها تعترف علينا
لالالالالا الموضوع ماينفعش يتكست عليه
بس اروح اشوف البوستات اللى فوق وامخمخلك كدا فى حاجه
الصراحه هاتوحشنا بعد التعليق دا
كنت حد طيب قوى يارافت P-:
ينهار ابيض كل دا كتبته
تخيل بعد ماشفت طول التعليق ايدى وجعتنى
انا لازم اطلب منك تعويض على فكره امال ايه
هو انت فاكر حبر الكيبورد ببلاش ولا ايه
ضد التيار رابع مرة (إنتوا عايزين شغن مضبوط ونا أي كنام - دي تعنيقات ناس - كنه هنهوه - مكتوب ومتسجن)
طيب مش كنتي تقولي إنك جاية كنا جيبنا عربيتين رمل وعلقنا الكهارب والزينات
على العموم كفاية الموسيآى التصويرية اللي حضرتك عملتيها
بالنسبة لضرايب التعليقات ده موضوع معروض على المجلس الموقر دلوقتي وبيدرسوا أبعاده ولسه متخدتش فيه قرار بس غالبا لما هيخدوا فيه قرار هيعملوه بأثر رجعي واللي مش هيدفع هيحجزوا على المدونة بتاعته ويبيعوا البوستات اللي كان كاتبها على سور الأزبكية
حضرتك إسمك "ضد التيار" يعني لامؤاخذة الإسم أساسا فيه ست أشهر لواحده مش محتاج واحد زي حالاتي يشتغل مع الحكومة علشان يفهم إن الاسم ده مخالف للدستور المصري البند رقم 34 لسنه 1982
مقلتليش بقى الحلاوة عايزاها تبقى سادة ولا بالبندق
بالنسبة للجمايل والمعيز وما شابه مافيش مشكلة إن شاء الله كله ممكن يتعوض انا بس ديتها أقول مين هوه ضد التيار وكل واحد هياخد حقه على داير مليم
الحقيقة جرت العادة (لحد لما اتقطع نفسها هخخخخ)إن أي حد بيسافر بيقول انا مسافر يومين البلد وغالبا البلد دي بتطلع في الصعيد بس يظهر مع ضد التيار البلد بتاعته بتبقى مختلفة شوية ولا انتي قلقانة على زلعة المش ورغفين المشلتت اللي كنتي هتدبسي فيهم
وبعدبن كلامك انك ضد التيار اللي مش ماشي مع الحكومة الكلام ده بيفكرني بقاعدة في اللغة العربية مفادها (نفي النفي إثبات) وأنا "أجزم" إن كلامك ده كله "نصب" ومحاولة "لرفع" التهمة من عليكي بس مافيش فايدة كده او كده هتروحي في "خبر كان"
بالنسبة للزوار هما مش كتير ولا حاجة ياكش بس الموضوع إنك لو بصيتي في صورتي هتلقيني بعيط وفيه "تيييت" نازل من مناخيري من كتر العياط وغالبا اللي بيجوا عندي يزوروني باصعب عليهم من شكلي اللي يقطع القلب فالموضوع يعني مش محتاج حسد ولا أعمال سفلية ولا يحزنون - ولو معاكي قرشين عايزة تعملي بيهم عمل إدهوملي وليكي عليا ماخليش حد يهوب من المدونة عندي خالص اهو اقله الواحد يكون استفاد حاجة من موضوع التدوين ده
وبعدين ايه التهم اللي قلتيها دي كلها انا رأيي تحولي أوراقي لفضيلة المفتي إختصارا للوقت
تحياتي
ضد التيار الجزء الخامس
الحقيقة انا كان ممكن انزل بوستين بدل ما ارد على التعليق بتاعك بس قلت يا واد علشان تعملها بجميلة وتخلص جزء من الديون اللي عليك
اي خدمة
تحياتي
وتخلص جزء من الديون اللي عليك
اعتراااااااااااااااااااااااااااااااااااااااااااااااااااااااااااااااااااف رسمى عبد المعين صابر
انا بقى عايزة حقى وتدفع الديون وقتى
و كمان ضد التيار ضد التيار اكيد انا ضد التيار هو فى حد بيحب الكهربا يعنى لازم نكون ضدها عشان مانتكهربش
بلاش تاخدوا الكلام بمترو سيئه ياساتر على البشر
شكلى فعلا هابعت اوراقك فى اول سريع على المفتى
D:
قلبتلك المدونه شات هييييييييييييييييييييييييه
ضد التيار
ممكن اكلم المحامي بتاعي
لحسن الموضوع كده داخل في قواضي ومحاكم ويمكن إعدام
التيار اللي حضرتك بتتكلمي عنه لازم يتعرف كام أمبير وإذا كان متردد ولا ثابت يعني الموضوع كبير مش اي كلام واقلب
تحياتي
إرسال تعليق
<< Home