يَوْمِيَات وَلَد مَصْري
الأحد، سبتمبر 14، 2008
التاج صابني ورب العرش نجاني
أعلن مصدر غير مسئول بوزارة الداخلية عن قيام إثنان من تنظيم الكعكة بإلقاء طلقات آثمة على المدعو ولد مصري وذلك إثر مروره على مدونة برينسيس غروب الشمس ومدونة بيربل ويفز وقد أدى إطلاق الرصاص إلى إصابة المجني عليه بتاج في الرأس مع إحتمال لفقده أعز ما يملك وهو ...... أعصابه !!
................................................................
1- بدأت تدون إمتى ودخلت عالم التدوين إزاي؟؟
بدأت التدوين من ست شهور يعني في مصطلح الأطفال لسه بحبي وممكن آكل رز وبطاطس مسلوقة.
أما بقى بدأت إزاي فده موضوع طويل .. شوف يا سيدي
بقى أنا كنت راجل شريف آكل يوم وأجوع يوم واللقمة أكلها من عرق جبيني وبعدين في يوم من الأيام اتكعبلت كده في مدونة العزيزة دكتورة جنة واللي كان إسمها همسات مصرية قبل ما تخصخصها وتسميها لولاكي يا جارتي وقوم هيه (دكتورة جنة يعني مش المدونة) كانت منزلة بوست جامد عن الزوجة التانية اللي بالمناسبة أعادت إنتاجه وتوزيعه في مدونتها الجديدة والحقيقة انا علقت عندها تعليق طويل حبتين وتوفوجؤت إنها منزلاه عندها في بوست جديد وقالت إن ده كان تعليق من شخص ما .. كنت ساعتها مسمي نفسي الحاج متولي (حد عنده مانع) وبعدين قوم جنة قالتلي إيه رأيك إنك تدون .. دي حاجة ظريفة خالص .. قلت أجرب وماله .. عنها وراحت معرفاني عندها في همسات مصرية .. ومن يومها دخلت الكار ده ومن ساعتها وانا مش قادر اتوب .. الله يسامحها بقى.
2- إيه كان إنطباعك في البداية ؟
حسيت بشكة دبوس .. إيه الأسئلة الغريبة دي .. على أي حال كان عندي شعور أكتر من رائع إني أكتب وكلامي فيه ناس بتقرأه وطبعا كالعاده في الأول ماكنش فيه غيري أنا والدكتورة جنه هيه تنزل بوست أنا اعلق عليه ولما أنا أنزل بوست هيه تعلق عليه .. حاجة كده زي البنج بونج (نعم يا سيدي إنت وهيه على الأقل كان فيه حد بيعبرني مش أحسن من إن مافيش ولا نملة تعلق ولا الدنيا تندع بشر زي ما أفراد العصابة قالوا)
3- مين أكتر حد بتحب تعليقه على بوستك الجديد؟
إنت يا سيدي .. إرتحت .. يا باي .. أسئلة عجيبة .. يعني عايز ايه بالظبط .. عاوزني أقول فلان الفلاني علشان الباقيين يزعلوا ويقولوا اشمعنى .. لأ يا سيدي مش قايل .. هه .. وطبعا هعمل زي ما كل الناس بيعملوا وهخليني جانتييه ودبلوماسي وكلك ذوق يا مضروب وهقول " أنا أهم حاجه عندي حب الناس ليا مش مهم رأي النقاد مش مهم رأي الجمهور مش مهم رأي أي حد أهم حاجة حب الناس والحمد لله الحمد لله إن ربنا وفقني واداني الحب الكبير ده اللي بيخليني أجتهد في كل أعمالي وأبقى فرجه لكل الناس"
4- إيه أهم حاجه إتعلمتها من التدوين؟
فك الخط .. انا ما بهزرش .. فيه بعض البوستات بتبقى محتاجة رموز حجر رشيد علشان تفهمها وبعد ما تقرأ البوست مرتين تلاته ربنا يكرمك وتفهم الكاتب قصده إيه وعلى فكره انا واحد من الكتاب دول.
5- حاسس إن التدوين ليه تأثير؟
أنا شايف إن ممكن يكون له تأثير أكثر بكثير من الحالي وخصوصا لو المدونين إجتمعوا على فكرة واحدة وتناولوها بأكثر من زاوية أكيد ده هيكون تأثيره أقوى وأوضح.
6- أذكر 5 أحلام على الأقل تخص ماضيك وتحلم فيها بتغيير أشياء ماذا ستعدل وماذا ستترك؟
أهو ده سؤال صعب .. الحقيقة معتقدش إني ندمان على حاجة أكتر من الوقت اللي بيضيع قدامي من غير ما أستفيد منه في طاعة ربنا .. كمان كان نفسي أستفيد من وجود والدي رحمه الله أكتر لأن بعد وفاته حسيت إني محتاج أستشيره في حاجات كتيرة قوي ومحتاج رأيه في قرارات لازم أخدها.. وطبعا الوقت اللي قضيته في الغربه بعيد عن والدتي الله يرحمها لأن بعد وفاتها حسيت إن فيه حنفية دعاء اتقفلت وللأسف مش هتتفتح تاني .. وأخيرا كان نفسي أبقى أهلاوي علشان أوفر حرقة الدم بتاعة كل ماتش للزمالك.
7- أذكر 5 أحلام على الأقل تخص مستقبلك؟
إني أدخل الجنة واكون برفقة النبي صلى الله عليه وسلم ولو إني ما بعملش حاجة تستاهل الكلام ده لكن كلامه صلى الله عليه وسلم "المرء مع من أحب" بيديني أمل.
وكمان نفسي أسعد زوجتي وأربي بناتي تربية حسنة وأعينهم على دخول الجنة.
نفسي ابطل "دفاشة ولجافة" (مش عارف معناهم) بس عاوز اقول مابقاش مدب علشان محدش يزعل مني.
8- أذكر شخصين على الأقل متواجدين في حياتك حاليا كنت تود وجودهم قبل الآن بزمن؟
الشخص الأول هو كل إنسان بيقرأ الكلام المكتوب دلوقتي
الشخص التاني مش هقدر أقول على إسمه ..
بدأت التدوين من ست شهور يعني في مصطلح الأطفال لسه بحبي وممكن آكل رز وبطاطس مسلوقة.
أما بقى بدأت إزاي فده موضوع طويل .. شوف يا سيدي
بقى أنا كنت راجل شريف آكل يوم وأجوع يوم واللقمة أكلها من عرق جبيني وبعدين في يوم من الأيام اتكعبلت كده في مدونة العزيزة دكتورة جنة واللي كان إسمها همسات مصرية قبل ما تخصخصها وتسميها لولاكي يا جارتي وقوم هيه (دكتورة جنة يعني مش المدونة) كانت منزلة بوست جامد عن الزوجة التانية اللي بالمناسبة أعادت إنتاجه وتوزيعه في مدونتها الجديدة والحقيقة انا علقت عندها تعليق طويل حبتين وتوفوجؤت إنها منزلاه عندها في بوست جديد وقالت إن ده كان تعليق من شخص ما .. كنت ساعتها مسمي نفسي الحاج متولي (حد عنده مانع) وبعدين قوم جنة قالتلي إيه رأيك إنك تدون .. دي حاجة ظريفة خالص .. قلت أجرب وماله .. عنها وراحت معرفاني عندها في همسات مصرية .. ومن يومها دخلت الكار ده ومن ساعتها وانا مش قادر اتوب .. الله يسامحها بقى.
2- إيه كان إنطباعك في البداية ؟
حسيت بشكة دبوس .. إيه الأسئلة الغريبة دي .. على أي حال كان عندي شعور أكتر من رائع إني أكتب وكلامي فيه ناس بتقرأه وطبعا كالعاده في الأول ماكنش فيه غيري أنا والدكتورة جنه هيه تنزل بوست أنا اعلق عليه ولما أنا أنزل بوست هيه تعلق عليه .. حاجة كده زي البنج بونج (نعم يا سيدي إنت وهيه على الأقل كان فيه حد بيعبرني مش أحسن من إن مافيش ولا نملة تعلق ولا الدنيا تندع بشر زي ما أفراد العصابة قالوا)
3- مين أكتر حد بتحب تعليقه على بوستك الجديد؟
إنت يا سيدي .. إرتحت .. يا باي .. أسئلة عجيبة .. يعني عايز ايه بالظبط .. عاوزني أقول فلان الفلاني علشان الباقيين يزعلوا ويقولوا اشمعنى .. لأ يا سيدي مش قايل .. هه .. وطبعا هعمل زي ما كل الناس بيعملوا وهخليني جانتييه ودبلوماسي وكلك ذوق يا مضروب وهقول " أنا أهم حاجه عندي حب الناس ليا مش مهم رأي النقاد مش مهم رأي الجمهور مش مهم رأي أي حد أهم حاجة حب الناس والحمد لله الحمد لله إن ربنا وفقني واداني الحب الكبير ده اللي بيخليني أجتهد في كل أعمالي وأبقى فرجه لكل الناس"
4- إيه أهم حاجه إتعلمتها من التدوين؟
فك الخط .. انا ما بهزرش .. فيه بعض البوستات بتبقى محتاجة رموز حجر رشيد علشان تفهمها وبعد ما تقرأ البوست مرتين تلاته ربنا يكرمك وتفهم الكاتب قصده إيه وعلى فكره انا واحد من الكتاب دول.
5- حاسس إن التدوين ليه تأثير؟
أنا شايف إن ممكن يكون له تأثير أكثر بكثير من الحالي وخصوصا لو المدونين إجتمعوا على فكرة واحدة وتناولوها بأكثر من زاوية أكيد ده هيكون تأثيره أقوى وأوضح.
6- أذكر 5 أحلام على الأقل تخص ماضيك وتحلم فيها بتغيير أشياء ماذا ستعدل وماذا ستترك؟
أهو ده سؤال صعب .. الحقيقة معتقدش إني ندمان على حاجة أكتر من الوقت اللي بيضيع قدامي من غير ما أستفيد منه في طاعة ربنا .. كمان كان نفسي أستفيد من وجود والدي رحمه الله أكتر لأن بعد وفاته حسيت إني محتاج أستشيره في حاجات كتيرة قوي ومحتاج رأيه في قرارات لازم أخدها.. وطبعا الوقت اللي قضيته في الغربه بعيد عن والدتي الله يرحمها لأن بعد وفاتها حسيت إن فيه حنفية دعاء اتقفلت وللأسف مش هتتفتح تاني .. وأخيرا كان نفسي أبقى أهلاوي علشان أوفر حرقة الدم بتاعة كل ماتش للزمالك.
7- أذكر 5 أحلام على الأقل تخص مستقبلك؟
إني أدخل الجنة واكون برفقة النبي صلى الله عليه وسلم ولو إني ما بعملش حاجة تستاهل الكلام ده لكن كلامه صلى الله عليه وسلم "المرء مع من أحب" بيديني أمل.
وكمان نفسي أسعد زوجتي وأربي بناتي تربية حسنة وأعينهم على دخول الجنة.
نفسي ابطل "دفاشة ولجافة" (مش عارف معناهم) بس عاوز اقول مابقاش مدب علشان محدش يزعل مني.
8- أذكر شخصين على الأقل متواجدين في حياتك حاليا كنت تود وجودهم قبل الآن بزمن؟
الشخص الأول هو كل إنسان بيقرأ الكلام المكتوب دلوقتي
الشخص التاني مش هقدر أقول على إسمه ..
9- أذكر شخصين على الأقل غير متواجدين في حياتك حاليا كنت تود وجودهم الآن أو في حياة أولادك مستقبلا؟
عابد وداود .. فارسان لنصرة الإسلام
10- على من تطلق الرصاص؟
الواحد محتاج مدفع رشاش:
دكتورة جنة
العزيزة روفي
باشمهندسة أمل
إلى الأبد ساموراي
المتغاظة همس
أم أحمد وحنين شيماء
المغتربة أكون او لا أكون
الصديقة الجديدة نونا
الصديقة الجديدة كناري
المفروسة زهرة
الباشا علاء عواد
دكتور بوبوس الأصيل
يا رب ما اكون نسيت حد
التسميات: تيجان لبستها
36 Comments:
أحلى حاجة ان اول تعليق يبقى من فرد من افراد العصابة اللي ضربوا عليك الرصاص مع انها كانت رصاصة بحسن نية ومش طالبة خالص وزارة الداخلية ولا تنظيمات سرية :)))
هو انت زملكاوي ولسة متعالجتش ربنا يقويك على ما بلاك، على فكرة انا اعرف ناس كتير كده كانوا زملكاوية واتعالجوا وانا هبقى ادعيلك ؛)
احب اقولك انك باستخدامك للمدفع الرشاش بقيت فرد من أفراد العصابة :))))
تحياتي
بيب بيب
الفرد التانى جيه هيييييييه
دى رصاصصة معزة(شوف ازاى)ههههههه
وبعدين ايه حب الجمهور وبتاع والكلام الكبير ده:)
اجابتك انت هو ده كل اللى اقدر اقوله:)
بالنسبة للذمالك اللهم اشفيه يا رب فى هذا الشهر الكريم من تشجيع الزمالك
قولوا امين:)
تحياتى
اه صحيح ممكن ابعتلك اوتجراف تمضيلى عليه ؟ههههههه
الف مليون مبروك على التاج و يا رب يرزقك فى كل خطوة تاج هههههههههههههههههههههههه
بس اية الاجابات ديةفعلا بتتعب و مش عايز تزعل الشعب منك
ربنا يبارك ليك فى بناتك و اهل بيتك و يرزقك كل ما تتمنا
و يرحم مامتك ووالدك و اموت المسلمين اجمعيا
انا هتعبر انى ما شفتش حاجة و انا بقراء البوست ماشى
بسم الله الرحمن الرحيم
أسعدنى مرورى بمدونتك
كما أعجبتنى شخصيتك المحبة للجنة وأهلها
وأسأل الله أن يكثر من أمثالك
وأدعوك لزيارة مدونتى " أمــــى "
ههههههههههههههههههههههههههههه
ام احمد وحنين ..مش عارفه ليه حسيتك بتقول ام السعد بسبب اجابتك على الاسئله
ههههههههههه
لالالا بس بجد اسلوبك حلو موووووووووووت
احب اطمنك واغيظك فى نفس الوقت ان اول تاج تبعته انا جاوبت عليه يعنى مكرر D:
قول انك اتغظت عشان مش اضايق هه بس ):
ربنا يحققلك احلامك اميييييييييييين
بخصوص سؤالك اللى سألته عندى
انا جاوبت بس نجاوب هنا و مالوا و دا من شيمه الصقور ^_*
انا ذكرت في بوست قبل كدا اني فقدت جدتي
لازم تاخد بقى دورة عند الصقر عشان كدا مش ينفع P-:
بس انا فرحانه قوى قوى قوى لان التاج مكرر
هيك هيك هيك
تحياتى
(:
امممممممممممممممممم
ادعى عليك و اقول ايه بس
حرام احنا فى رمضان بردوه
بس ايه يا عم الكلام الجامد دة
و على العموم
مبروك عليك التاج
و دمتــــــــــــــــــــــم
المعلمه بيربل ويفز والمعلمه برينسيس غروب الشمس
تصدقوا أساميكو مع بعض "بيربل وبرينسيس" حاجه كده عاملة زي ريا وسكينه
يعني انتو تقتلوا القتيل وتمشوا في جنازته
ماشي
بيربل ويفز
بتقولي تعرفي دكتور شاطر علشان موضوع تشجيع الزمالك
طب إلحقيني بيه ربنا يسترك
ودي محتاجة عمليه ولا هيردها على البارد
وبعدين حكاية إني بقيت فرد في العصابة دي تصدقي مخدتش بالي
انا قلت برضه إن المعرفة دي معرفة خير إن شاء الله
تحياتي
برينسيس
ايه الفرح اللي عاملاه ده
وبعدين ايه حكاية المعزة والخروف دي لا لا إنتي اسلوبك بقى "سيترو" خالص (يعني بلدي بالفرنساوي)
ماله بس حب الجمهور مش عاجبك ليه مش هما بيقولوا دايما كده
بالنسبة لتشجيع الزمالك حاسس كده ان دعوتك مش صافيه وفيها ضحكة خبيثة
على العموم معلاهش انا عارف إنك كنتي كاتبه بوست ايام زمان (ايام لبس المريول) بتقولي فيه إنك اهلوية وطبعا قلبي الاسود فاكرهولك من ساعتها
يلا المسامح كريم
تحياتي
برينسيس كلاكيت تاني مرة
بالنسبة للأوتجراف أوه نو مش فاضي بس علشان خاطرك هحاول
إوعوا بقى يا جماعة
نونا
الله يبارك فيكي
مش عارف ليه كلكم مش عاجبكم موضوع حب الجمهور ده
على العموم جزاكي الله كل خير على دعائك
بالنسبة للتاج
(فونت 80 بولد أندرلاين)
التاج وصل سعادتك وهيتلبس يعني هيتلبس
ومافيش داعي آجي عندك في المدونة وأسيح أكتر من كده
في إنتظار إجاباتك
تحياتي
أحمد
أهلا بيك وشكرا على زيارتك ودعائك الجميل
إن شاء الله هزورك فورا
تحياتي
إست أم أحمد شيماء
اولا شكرا على كلامك الجميل
ثانيا بالنسبة إني أتغاظ طبعا مش هتغاظ ولا هتفرس ولا عاوز اولع في نفسي بجاز ولا حاجة ابدا
قال اتفرس قال
انا مش عارف هلقيها منك ولا من الزمالك
ماشي يا عم الصقر
البقاء لله لجدتك واضح إني محتاج أنزل لتحت شوية وأقرأ البوستات القديمة بتاعتك
ولو إني مافياش حيل للنزول لكن زي بعضه حاضر
تحياتي
ساموراي
لما بتكوني مشغوله ومش طالبه معاكي تعليق بيبان عليكي
على العموم معلش
تعليق مقبول
تحياتي وفي انتظار إجباتك على التاج
انت ياواد يامصرى اية الحلاوة دى اية الطعامة دى التاج منور عليك وربنا يحققلك كل اللى فى نفسك سلام يابيبى
احمد الشاعر
علقت تعليق طويل والنت فصلت
مافيش نصيب
كل سنة وانت طيب
تحياتى
هههههههههههههههههه
لالالا ماهو واضح فعلا انك مش متغاظ خااااااالص
هو انت زملكاوى O-:
عشان كدا انضميت لحزب ابو أحمد
ماشى ماشى
بس برضه انا فرحانه انه مكرر D:
هيك هيك هيك
مش تخاف مش هاتنزل كتير دول كلهم كام دور بس
امتى بقى هاتاخد الدورة عشان الصقر مشغول (براحتى بقى اعمل عم المهم ) D:
مبرووووووووووووووووووووووووك علي التاج
ايه الاجابات العثل دي
ربنا يحققلك احلامك يارب
بس بصراحه اسلوبك جميل جدا جدا جدا جدا
واحلي حاجه المصدر الامني ده هما ورانا ورانا :)
بص اجاباتك
حاسمة بشكل ما يعنى تقعد تتكلم لكن بتدى نتيجة مباشرة وقوية
وصريحة
سعيدة بالمرور من هنا
وكل عام وانت بخير
أبوحميد الشاعر
مش لدرجة دي يعني
على العموم ربنا يخليك على كلامك الجميل ده
وان اشاء الله التاج اللي جاي اعمل حسابك إني هبصيهولك
شكرا يا ريس على الزيارة والتعليق
تحياتي
دكتورة جنة
لا الكلام ده ماينفعش
تقلبيني زي فردة الشراب وبعدين تقوليلي كل سنه وانت طيب
إعلي بالتعليق اللي كتبتيه
ويعني ايه النت فصل
لو سمحتي تكتبيه تاني
ومتقليش مش فاكراه
الكلام ده مابكلش منه
ولا حتى بعد الفطار لامه بيبقى تقيل على المعده :)
هستنى تعليقك مرة تانية
وكل سنه وانتي بخير
شيماء الشهيرة بأم أحمد
ربنا يفرحك كمان وكمان
بالنسبة للنزول على البوستات القديمة إنتي معندكيش أصانصير في المدونة بتاعتك
بقى ده اسمه كلام
مش تريحي الزباين بتوعك كده
على العموم حاضر يا ستي الأمر لله أبقى أنزل بعد الفطار
ماهو حرام كمان افضل نازل طالع وانا صايم
بالنسبة للدورة هوه المعلم الصقر بيبقى موجود إمتى علشان أجيب ورقة وقلم وأجيله
الاستئذان واجب برضه
كيارا
شكرا على كلامك الجميل و"اثلوبك اللسيس"
بالنسبة للمصدر الأمني لو بصيتي تحت الكيبورد سعادتك هتلاقي واحد مخبر قاعد وفي إيده جرنان .. عندك مانع
رحت ازورك لقيت ما شاء الله 3 مدونات مبقتش عارف ابتدي منين
من ضمنهم مدونة لقيت الناس كلهم بيكتبوا فيها الا أنا
بس بجد ضي القمر مدونة رائعة وان شاء الله هزوك تاني
أتمنى دوام التواصل
تحياتي
نهر الحب
ايه الكلام الكبير قوي ده
تصدقي قريت تعليقك خمس مرات علشان افهمه
بقيت مش عارف ده مدح ولا هجاء
على فكرة رحت اوزرك وماعرفتش اوصل
لا متهتش
بس لقيت في وشي ماشاء الله 4 مدونات
دخلت على اول واحدة لقيتك كاتبه كلام جكيل عن زيارة أبو الريش
وبما إني كنت بحقد عليكم
فقلت مافيش داعي اسيب تعليق دلوقتي
هخلص حقد وبعدين اعلق
سعدت بمرورك واتمنى دوام التواصل
تحياتي
انا جييييييييييييييييييييت
اوعي تقول ضلمت البيت ازعل خالص خالص
التلات مدونات دول حكاياتهم حكايه ضي القمر هي الشخصيه بتاعتي يعني فيها كل شي انا بكتبه سواء مناسبات او خواطر او مواضيع اجتماعيه بتثير تفكيري او ابحاث انا عملتها
اما ايام زمان فانا عاملها لتاريخ مصر وبداه من الفراعنه وربنا يدني كدا الصحه هنهيه بالتاريخ المعاصر
اما لا للنميمه فا دي حمله انا عاملها ضد النميمه لانها سلبيه الناس بقوا بيعملوها زي الشرب والاكل حاجه مش يقدروا يسبوها ولاني صعب انجح فيها لوحدي ففتحت باب الاشتراك والتذكره بربع جنيه
اما بصراحه انا جسيت تاني لانك بجد اسلوبك مميز جدا جدا جدا وبالفعل ليك بصمه في كل رد في اي مدونه
بجد تحياتي ليك
كيارا
اهلا وسهلا
يا فندم كل مرة حضرتك بتزوريني فيها بيضطروا في محطة السد العالي يشغلوا الجينيراتورز الاحتياطية علشان يغطوا الزيادة في سحب الكهربا في مدونة ولد مصري (أي خدمة)
الحقيقة بعد الشرح بتاعك واضح ان التلت مدونات أنأح من بعض ومضطر اعدي عليهم هما التلاته وخصوصا بتاعة تاريخ مصر
وطبعا لا للنميمة كمان فكرتها هايلة بس حكاية الاشتراك دي هتصعب الموضوع قوي - ربع جنيه بحاله ليه هوه انا هشترك في النادي الأهلي (انا زملكاوي على فكرة)
مقلتليش ياتري ممكن ادفع بالفيزا؟
بس كله كوم وآخر جملة كتباها كوم تاني يا نهار ابيض ايه يا بنتي الكلام الحلو اللي كتباه ده بجد بجد أخجلتم تواضعنا الحقيقة انا مش عارف اقول ايه حتى الوش المكسوف اللي لونه احمر وعمال يعرق مش هيقدر يعبر عن مدى الخجل اللي حطيتي تواضعنا فيه وعلى العموم ده بس من ذوقك ربنا يكرمك
خالص تحياتي
كل عام وانت بخير
بالنسبة للتاج
(فونت 80 بولد أندرلاين)
التاج وصل سعادتك وهيتلبس يعني هيتلبس
ومافيش داعي آجي عندك في المدونة وأسيح أكتر من كده
اية دة دة الكلام الكبير قوى كدة هو احنا فين فى التسيح طب اية رايك ان اليومين دول المدونة عندى مقلوبة و ممنوع فيها الدخول عشان انت عارف باة العيد و التنفيض و الغسيل هههههههههه
بس يعنى اية ال80 فونت دية معلش اختك نحو امية باة
بس انا اعترض ما كل الناس ما جاوبتش على التاج اشمعنا انا و الا عشان انا غلبانة و مكسورة الجناح
هههههههههههه
كلام على بلاطة
كل عام وانت بخير رمضان مبارك
وتقبل الله منا صالح الأعمال
شكرا على الزيارة واتمنى ماتكونش الأخيرة
تحياتي
نونا
معلش الألفاظ بتاعة العبد لله سوقيه حبتين بس ان شاء الله بحاول اتعالج وفيه تحسن بش مش واضح
وبخصوص التنفيض والمسح والله برافو عليكي طيب ما جدعنه كده تاخدي في سكتك مدونة ولد مصري وتكسبي فيه ثواب
بالنسبة لفونت 80 بولد اندر لاين فدي شفرة مفادها إن الكلام المكتوب الخط بتاعه كبير وبلد يعني ظاهر كده ومنور واندر لاين يعني تحته خط
الخلاصه ان الكلام اللي هيتقال كلام كبير قوي لازم ولابد تاخدي بالك منه اللي هوه ايه بقى (وده أهم ما في الموضوع):
"التاج وصل سعادتك وهيتلبس يعني هيتلبس ومافيش داعي آجي عندك في المدونة وأسيح أكتر من كده"
في انتظار الرد
الواحد ريقه نشف
هههههههههههههههههههه
ريقك نشف شكلك بتكتب و انت صايم طب اية رايك انا بشرب سفن تاخد حبة
انا عندى استعداد اخدلك المدونة معايا حملة نضافة بس مش مسئولة عن الاى هيحصل بعد كدة
طب اية رايك نعقد اتفاق انا اعمل حملة تنضيف و اجواب عن التاج و انت تشوفلنا حد يظبطت المدونتين لو انت مش عايز شوفلى انا اى حد اصلى مش عارفة اعملها نيولوك على العيد مش لازم تعيد هى كمان
و على فكرة انا زعلانة منك اية الكلام الاى انت بتقولة دة اتكلم براحتك لا كلامك مدب و لا بيزعل حد خلى البساط احمدى
باذن الله هجاوب على التاج بس ابعتلى العدية الاول و ادعلنا فى الحرم بما اننا دخلنا فى العشر الاواخير من رمضان
و ربنا يجعلنا جميعا من عتقاء النار
نونا
أنا برضه هعمل حسابي وهشيل البوستات المهمه على جنب لحد ماتخلصي تنفيض ومسح لحسن بوست منهم يتنطر كده ولا كده
بالنسبة للنيو لوك إديني إنتي بس مفتاح المدونة بتاعتك وسيبيلي الموضوع كله وليكي عليا أخدهالك وشين بويه ولو عايزه ورق حيطة كمان مافيش مشكلة
وعلى فكرة ممكن كمان لو تحبي افتح لك بوستين على بعض وبدل الموكيت اركب رخام او بورسيلين ايه رأيك .. إحنا نحب نخدم
تحياتي
انت لسة نايم ادى المدونة اتغرقت قوم الحق باة البوستات الاى وقعت فى الماية دية ههههههههههههههه
ماشى انا موافقة انك تاخد المدونة وشين تلاتة المهم استلمها على المفتاح مش ناقصة حاجة متفقين
نونا
يا ساتر يا رب
خير اللهم اجعله خير
في ايه
ايه الفزع اللي انتي عملاه ده
تصدقي اتخضيت
وبعدين وشين تلاته ايه انا دخلت عندك المدونة لقيت العمال شغالين فيها وبيشطبوها خلاص ينفع الكلام ده
يعني انا اسيب شغلي وافضي نفسي وبعدين اكتشف إنك اديتي الشغلانه لحد تاني
ماليش دعوة انا عاوز حق عرب
ولا بلاش عرب لحسن الحق يضيع عاوز حق امريكاني
تحياتي
انت فين مختفى خالص لعل المانع خير ؟
إرسال تعليق
<< Home