يَوْمِيَات وَلَد مَصْري
الثلاثاء، أغسطس 26، 2008
استفتاء
إستفتاء على الشكل الجديد للمدونة
قول رأيك وماتخفش
لأول مرة في تاريخ المصريين
نحن نضمن نزاهة التصويت
كل واحد يصوت براحته
والشعب لازم يقول كلمته
قول رأيك بصراحة
إنت مع الشكل الجديد الحلو الأمور للمدونة
ولا نرجع تاني للشكل القديم اللي كان ما يعلم بيه الا ربنا وماكنش له أي شكل أو طعم أو لون ويقرف الكلب الأعور الحزين في يوم عيد ميلاده
قول رأيك وماتخليش أي حاجة تأثر على صوتك
يللا كل واحد يفكر كويس ويقرأ الكلام المكتوب بتمعن ويسمعنا صوته
وبعدين مش عاوز حد يستنصح ويدخل بمستخدم غير معرف لأن صوته هيتلغي
سمعاني يا دكتورة جنة إنتي والباشمهندسة أمل
قول رأيك وماتخفش
لأول مرة في تاريخ المصريين
نحن نضمن نزاهة التصويت
كل واحد يصوت براحته
والشعب لازم يقول كلمته
قول رأيك بصراحة
إنت مع الشكل الجديد الحلو الأمور للمدونة
ولا نرجع تاني للشكل القديم اللي كان ما يعلم بيه الا ربنا وماكنش له أي شكل أو طعم أو لون ويقرف الكلب الأعور الحزين في يوم عيد ميلاده
قول رأيك وماتخليش أي حاجة تأثر على صوتك
يللا كل واحد يفكر كويس ويقرأ الكلام المكتوب بتمعن ويسمعنا صوته
وبعدين مش عاوز حد يستنصح ويدخل بمستخدم غير معرف لأن صوته هيتلغي
سمعاني يا دكتورة جنة إنتي والباشمهندسة أمل
التسميات: وجهة نظر
25 Comments:
هو ايه اصله ده
ايه الديمقراطية الديكتاتورية دى
انا ممتنعة عن التصويت
واللى تقوله امل موافقة عليه من غير ما اعرفه حتى
احنا نقول حلوة تقول تقرف الكلب وكمان اعور حزين
ايه التعبيرات الرومانسية دى؟؟
أمل قولى رأيك بصراحة ولا يهمك انا معاك للنهاية
على فكرة هى اتظبطت بس برضة
شوف انت من ساعة ما رجعت من الاجازة كده وانا قلقانه عليك بس دلوقتى اطمنت
تحياتى
مكنتش شفت الشات بوكس وبعد ما شفته
برضه مع امل من فات قديمه تاه
تحياتى
لأول مره سامارس حقي في التصويت بكل جرأه وصدق ههههههه...
بكل صراحه... الاولوان هاااايله... بس هو مايل شويه... انا بحب يكون الموضوع يكون متوسط اللوحه عشان تركز...
كده منزوي شكله حزين.
بس احسن من القالب القديم... كنت كل ماجي اطفش بسرعه قبل ماتزغلل عينيه... هههههه
انا بهزر... والله جميل الشكل الجديد...
تحياتي
اخيرا عرفت اقرأ الاستفتاء، ايه الدكتاتورية والقمعية دي، لازم حقوق الانسان ييجوا يشوفوا التصويت بقى عامل ازاي، حتى في المدونات :)
هو الشكل الجديد حلو بس المشكلة في الألوان حاسة انها هتجبلي حول وطبعا ده رأيي بكل شفافية بعيد عن أي تهديدات ووعيد ؛)
تحياتي
السلام عليكم
أخيرا فهمت ليه المفروض أكتب رأيي في مكان التعليقات .. عشان فيه بوست اسمه استفتاء ههههه خلاص أنا هستسلم للشكل الجديد الحلو الأمور بما ان البوست ظهر وبما ان ده استفتاء والاستفتاء لازم ينتهى بالموافقة دايما
امضاء.... غير معرف
العزيزة دكتورة جنة
انا شايف حضرتك شدة حيلك وعمالة تهلفطي في الكلام
طبعا مش عارفة يعني ايه تهلفطي
ده تعبير رومانسي سيم سيم المططلح بتاع الكلب الأعور الحزين مفاده إنه مش عجبك النظام الديمقراطي بتاع المدونة
على العموم إمتناعك عن التصويت معناه إنك مش عاوزة تمارسي حق من حقوقك الديمقراطية اللي الأنون كفالهالك
وبعدين نظام التسخين والرأي العام اللي عاوزه تعمليه ضدي ده بلاش منه
بدل ما تحمدي ربنا ثم تشكريني على الفرصة اللي أتحتها للمدون البسيط إنه يقول رأيه تقومي مسخنه الناس إنتي والنايبة بتاعتك أمل (قصدي النائبة بس ذلة كي بورد)
على العموم أهي باعت القضية وصوتت (يا دهوتي) مع الشكل الجديد
عقبالك كده لما تعودي لصوابك
وتصوتي بصوت عالي
تحياتي
أكون أو لا أكون
مبروك صوتك اتقبل
اول صوت مع الشكل الجديد
وعلشان خطرك تم تعديل مكان البوستات
أهم حاجة الحيادية اللي طبعا كلكم ملاحظنها
شكرا يا صوتك الجميل
تحياتي
بيربل ويفز
ماله بقى يا ستي التصويت في المدونات
ماهي عملية "الاستفتا" ماشية زي الفل أهه ولا يعني هو احنا كده يا مصريين مايعجبناش العجب ولا الصيام في رجب (كل سنه وانتم طيبين)
وبعدين حموم الانسان تيجي أهلا وسهلا وبعون الله هخليها تصوت للشكل الجديد
جميلة قوي الجملة اللي قلتيها اللي بتقولي فيها "هو الشكل الجديد حلو" وهعتبره تصويت للشكل الجديد وطبعا مش هبص على بقيت الجملة
اما بخصوص الحول فسلامتك منه واعتقد لو حصل فالمدونة بريئه منه براءة الذئب من دم إبن يعقوب أنا اعتقد إنك جاية المدونة بيه من الأول بلاش تلكيك
إوعي تزعلي انا بهزر
سم كده
تحياتي
"الباسمهندشة" أمل
عليكم السلام ورحمة الله وبركاته
ألف ألف مبروك على موضوع الفهم ده طول عمر المصريين لماحيين وبيفهموها وهيه طايرة
وطبعا انا سعيد جدا إنك عدتي لرشدك وصوتي مع الشكل الجديد وعشان قلبي الطيب وعشام مبحبش ازعل حد حاضر يا ستي هغض الطرف عن حكاية "غير معرف" دي
والحقيقة اللى أسعدتني أكتر إني هعتبر صوتك بصوتين
"لا طبعا مش لانك راجل"
بس بما إن دكتورة جنة ضمت صوتها ليكي يبقى صوتك بإتنين
حد معترض ولا حاجة
يبقى كده عدد الاصوات الصحيحة اللي اختارت الشكل الجديد وصلوا أربعة ومافيش ولا صوت للشكل القديم
أنا برضه كنت عارف ان الشكل الجديد هيعجبكم
تحياتي
ما بحبش الغوامق. الدنيامش ناقصةسواد.
اممممممممممممممممممممم
اممممممممممممممممممممممم
على فكرة بسبب الشكل الجديد للمدونه انا مكنتش عارفه اقرى البوستات
و لا اسيبلك ولا كومنت
و بسببها انت زعلت و خد على خاطرك منى
فانا رغم انها مش بطاله يعنى
بس مش حباها
و من فات قديمه تاه
بس انت حر يعنى
ممكن تعادلها
ظبط الشات بوكس و الالوان شويه
و بعدين ايه صورة الكاوبوى دى
ها
انت ولد مصرى
هههههههههههههههههههههه
التغير حلو طبعا
بس لازم تظبطه
و دمتـــــــــــــــــــــــــــم
اممممممم
نصوت نصوت يعنى؟؟؟
بص هو حلو على فكره ومبروك عليك
بس ممكن تغير اللون بتاع الكتابه لحسن انت عارف الواحد خلاص نضره راح ياعينى )):
آآه من الكمبيوتر وعمايله بقى ):
لكن كامجمل حلووووووو بجد
انت اللى طلبت الرأى بصراحه D:
تحياتى
السلام عليكم ورحمة الله وبركاته
كل عام وأنتم بخير
كل عام وأنتم صائمون
كل عام وأنتم مصلون
كل عام وأنتم قائمون
كل عام وأنتم قانتون
كل عام وأنتم متصدقون
كل عام وأنتم مغفور لكم
كل عام وأنتم معتمرون
كل عام وأنتم قائمون ليلة القدر
كل عام وأمتكم الإسلامية منتصرة
اللهم بلغنا رمضان وأهلّه علينا بالسلامة والإسلام واليمن والبركات والنصر والتمكين
أخوكم
سعيد
ملاحظة : الشكل جميل والتجديد حلو بس صورة الوضع الكامل الخاص بك ياريت تتغير
مبروك على الشكل الجديد
وكل سنه وانت طيب
ورمضااااااان كريم
بوبوس
ايه بس اللي مزعلك في الغوامق يا دكتور ماهي حلوة أهه
وبعدين حضرتك مقلتليش تحب أعملهالك لونها ايه؟ وكمان بالنسبة لرجلين البنطلون بتحبها واسعة ولا نعمله شورط علشان تاخد راحتك في القاعدة
على العموم خلينا نشوف رأي الأغلبية هيكون إيه وبنا يسهل
تحياتي
ساموراي
كل ده تفكير
بقى الشكل الجديد هوه السبب إنك بقالك كتير مسبتيش تعليق
لا مالوش حق
تصدقي إني إبتديت أكرهه
على العموم حقك عليا ماتخديش على خاطرك منه هوه ماكنش قصده
وبالنسبة لرأيك في الشكل الجديد ليه بس مش حباه مع إنه بيعزك جدا
بصراحة بعد ما وصلت لنهاية كلامك مابقتش عارف إنتي مع فتح الشباك ولا قفله
وبعدين مالها ألوان الشات بوكس ماهي مدندشه اهه ناقصها كلوبين وتبقى فرح
أما موضوع الكاوبوي فعندك حق بس الحقيقة انا كنت حاطط قبل كده صورة واحد مدلدل رجليه بس للاسف معجبتش الناس وخصوصا ريحتها فقلت الكاوبوي أرحم
على العموم شكرا على التصويت
تحياتي
شيماء
الحمدلله ان الشكل عجبك
وبالنسبة للخط حاضر يا ستي نغير لونه وربنا يكون في عون أبو أحمد
تحياتي
سعيد باشا
كل عام وأنتم بخير وتقبل الله منا ومنكم الصيام والقيام وصالح الأعمال
الحمد لله ان الشكل الجديد عجبك بس كنت عاوز اعرف مالها صورة الوضع الكامل ايه اللي بايظ فيها هي اينعم مشلظمة حبتين بس يمشي حالها ولا ايه؟؟
تحياتي
العزيزة همس
كل سنه وانتي طيبة وأعاده الله علينا وعلى الامة الاسلامية بالخير والبركات
شكرا على ذوقك وعلى زيارتك اللي سبقتيني بيها
خالص تحياتي
يااااااااااه ايوة كدا الواحد بقى شايف
D:
كدا اقولك عشره و نص على عشره
الله يكون فى عون ابو احمد O-:
ليه بقى دا انا حتى نظرى صقر لكن بخاف من الحسد فاقللته شويه ..هى دى المشكله يعنى نظرى مش ضعيف ولا حاجه
شيماء
حمدا لله على سلامةالشوف
وربنا يخليكي على النمرة الحلوة دي اللي عمري ما خدتها في حياتي
ما شاءالله صقر كده حته واحدة
لا ماهو باين حتى بأمارة "وليد" المصري
ربنا يكون في عون أبو أحمد وأحمد وحنين على الصقر اللي عايش معاهم
ههههههههههههههههههههههههههههههههههههه
انت شفتها وربنا غلطه مطبعيه ياراجل
ايه دا مافيش اعذار ابدا
و كمان ماانا مسحت التعليق كله عشان اعدلها
مش معامله دى على فكره )):
ماشى ماشى ابقى شوف بعد رمضان مين هايديك السنكوتش
اما اروح اقولك كل سنه وانت طيب فوق
عشان تعرف انى صقر اهو وبشوف D:
هههههههههه
انا اغيب شوية الاقيك دهنت المدونة وش ههههه طب ده باكين
بص هو ظريف بس غريب شويتين بالنسبة للراجل الغريب اللى فى اخر الصفحة ده ؟؟؟
بس الالوان غريبة شوية هو ده فن سيرسالى ولا انبعاجى؟هههههههه
بص مش مهم الشكل المهم المضمون
تحياتى
شيماء
خلاص نمشيها غلطة مطبعية
ولا يهمك يا عم الصقر
تحياتي
برينسيس
ايه رأيك في الوش ده
ماله بس الزبون اللي في آخر الصفحة ماهو ماشي في حاله اهه
وعلى فكرة بقه ده فن سروالي مقاس إكس لارج
تحياتي
إرسال تعليق
<< Home