يَوْمِيَات وَلَد مَصْري
الجمعة، أغسطس 08، 2008
أين الطريق
التسميات: همسات
التسميات: همسات
الحياة مليانة هموم ومشاكل وكل مشكلة البني آدم مننا بيتكعبل فيها بيبقى نفسه يسجلها علشان لما يقراها بعد كده يضحك عليها من قلبه ويعرف إن أي مشكلة مهما كانت لازم هتعدي بحلوها ومرها لكن المهم إننا نستفيد منها ونخلي غيرنا هما كمان يستفيدوا منها وحتى لو ماستفادوش حاجة فكفاية إنهم انبسطوا وضحكوا من قلبهم لما قروها لإن الضحك من القلب بقى عملة نادرة ويمكن مش موجودة خالص عارفين ليه؟ لإن الناس بقوا هما اللى بينضحك عليهم وصعب اللى بينضحك عليه يبقى له نفس يضحك ... أتمنى للجميع إبتسامة هادئة
ولد من مصر بيحبها زي كل المصريين متغرب وبيحلم باليوم اللى يرجع فيه ويشرب تاني من نيلها حتى لو كانت ميه ملوثة أو مليانة بلهارسيا. أنا عارف أن كلامي اللى هكتبه ممكن مايعجبش ناس كتير وممكن ناس أكتر يتريقوا عليه بس وماله على الأقل أديني فضفضت معاكم بكلمتين واللى يعرف أبويا يروح يقول له.
20 Comments:
هيههه اول تعليق
هيا البوستات بتعد كتير فى الفر ليه هههه
اولا البوست جميل جدا ومعبر
انا راى ان البصيرة اهم من البصر لذلك ان شاء الله هيوصل سليم من غير مايجراله حاجة اذا كان عنده بصيرة مستنيرة
تحياتى ودونت بيى ليت بعد كده:)
السلام عليكم
حمد الله على سلامتك .. اتأخرت كثير و لما رجعت ليه ما فكرتش تزورنا او تسأل علينا . . !! ماشى ..
طبعا احساس غريب حساه فى البوست و كأن فيه نوع من الحزن او الحيره او الشعور بالتخبط .. ( طبيب نفسانى حضرتى ) ..
المهم انه يجب انا لا نعجب عندما نرى الاعمى يحاول ان يسير وحده و لكن عجب العجاب اخى الفاضل عندما نرى البصير
وقد خشى ان يسير وحده او حتى يحاول السير ..
اتمنى ان يهدى الرحمن كل من البصير و الضرير لينير لنا جميعا بصيرتنا و يمنحنا القوه و الشجاعه للاستمرار ..
تقديرى و تحياتى
برينسيس
فعلا البوستات بتعد في الفرن فترة طويلة لأن الطباخ مابيعرفش يطبخ كويس يعني زي ما تقولي كده على قد حاله
والله كلامك معقول جدا إنه هيوصل بالبصيرة اللي بتكون طبعا هبة من الله مش بالبصر
وبالنسبة للجملة الأخيرة بتاعتك أوكيه يا دارلنج - جامييه (مع تعطيش الجيم)
روفي
الله يسلمك وفعلا معاكي حق في كل كلمة قلتيها حاكم الندالة ليها ناسها
أنا فعلا ومش عارف ليه بدخل عندكم كلكم وبتابع البوستات الجميلة اللي بتنزلوها كلكم بس مش عارف ليه مابقدرش أكتب تعليقات
ويمكن ده انعكس على البوست ده لان زي ما قلتي بالظبط إن كان فيه حالة حزن وحيرة وتخبط جايز علشان كتبته قبل ما ارجع الرياض بيوم
وطبعا اتفق معاكي ان المشكلة في البصير اللي بيمشي يتخبط مش في الأعمى
وكم من أناس عندهم عيون لا يبصرون بها وقلوب لا يفقهون بها
شكرا على زيارتك وعلى التعليق اللي فعلا ربنا جعله سبب علشان اكتب مرة تانيه
تحياتي
رابع كومنت
ادى اخره الشغل و القرف
يلا مش مهم
البوست رغم انه قصير بس معبر جدا عن كذا جاحه
المشكلات اللى حوالينا
انواع الناس حوالينا و سلوكهم
و مدى اختلاف الناس برغم الامتيازات اللى معاهم
يقولك اعمى لكن بصير
يا ريت كلنا يكون عندنا بصيره
و لا اقول نكون كلنا هذا الرجل
فاقدى البصر
مش عارفه بصراحه
بس بجد بوست رائع
و اسفه على التأخير
و دمتــــــــــــــــــــم
بوست جميل ومعبره اتمني ان تزورني في مدونتي
ساموراي
وكمان نسيتي العد
يا بنتي انتي رقم تلاتة مش أربعة
فعلا آدي أخرة الشغل والقرف
وبعدين ايه الفلسفة دي كلها واضح ان مع قرف الشغل بس اداكي خبرة كويسة
على العموم احاسيسك في محلها ويا ريت متتأخريش علينا تاني
شكرا على الزيارة وربنايعينك على الشغل وسنينه
تحياتي
عاشقة القمر
ولو اني حاسس اني اتقلبت (قلبتيني في التعليق يعني) لكن على اي حال ان شاكر جدا لزيارتك وكمان رديت الزيارة وموضوعك عن السعادة هايل
نورتي المدونة
تحياتي
من يرد الوصول وصل
ومن يملك بصيرة فهى افضل من البصر
بجد كلماتك رائعه وجميلة جدا
وتجعلنا نبحث عن اجابة لسؤال باسلوب رائع
دمت متميزا
السلام عليكم
ازيك يا باشمهندس
الاجازة الحمد لله حلوة واجازتك انت اخبارها ايه؟؟؟؟؟
قصيرة خالص معلش ربنا معاك
فيه فرق كبير بين الكتابة فى مصر وفى الرياض
انا كمان بحاول اكتب قصة اسمها البصيرة بس حاسة انى فاشلة جدااااااا
اصلى عمرى ما كتبت قصة الواقع دايما اغرب
ربنا يعطينا البصيرة
على فكرة انت قصدت تعلق فى عباد الرحمن مش فى لولاك صح ولا ايه؟؟؟؟
والابداع المخيف ايه رأيك فيه؟؟
تحياتى
ازيك يا مصرى
الحمد لله انك بخير و انك رجعت بيننا و انى انفع طبيبه نفسيه .. ^_^ ..
حقيقى بجد وحشتنا بوستاتك ايه الحكايه
واضح ان الرحله كانت متعبه او اننا حسدناك على ابداع البوست اللى فات واستلهامك !!! من السفر !!
ربنا يحفظك و يبصر لك طريقك و ان شاء الرحمن تكون فى احسن حال ..
كل عام وانت بخير بمناسبه نصف شعبان وان شاء الله انا فى اجازه تبدأ من بعد يوم 16 الى ليله رمضان علشان اقولكم كل سنه وانتم طيبين و اجازه اخرى الى العيد لنعود ان شاء الله نجتمع بالعيد المبارك للتهنئه ..
اتمنى ان اطمئن على احوالك قبل الاجازه وان اشعر بأنك تحسنت حالتك النفسيه و اوعى تقول انك ممكن توقف الكتابه .. صدقنى صعب بس ممكن تأخذ اجازه لو حسيت بأنك محتاجها و احنا اكيد حنعذرك فى الحاله دى و حننتظر عودتك .. و الحمد لله انك عدت بالسلامه فيا اهلا و هلا ..
دمت بكل خير فى حفظ الله
تقديرى وتحياتى
الظلام يسبح وحيدا غارقا في بحر ملئ بالأوهام تتخطفه الأمواج فيصبح أشلاءا أشلاءا أو حطام
*******************************
بوست رائع وكلماتك معبرة للغاية
فعندما يكون الانسان فاقد لبصرة ولكن يملك بصيرة مستنيرة فهو يصل لطريقه بسهوله..فالبصيرة المستنيرة تصل بالأنسان لطريقه المستنير
تحياتي علي البوست الخاص بيك
يعني أنت تغيب تغيب وترجع كده تعمل لنا صدمة، وبعدين احنا مش قد الكلام الكبير ده
عجبت لأعمى سائرا بلا معين وسط الزحام
سألت نفسي قائلا أيدرك غايته ويدرك بر السلام
ومن منا من المبصرين يدرك بر السلام
يسير كالطفل هائما يعبث في دنيا الأحلام
يجلس ساكنا وسط صخور الظلام
يسبح وحيدا غارقا في بحر ملئ بالأوهام
كلام قوي جدا ومعبر وخلاني أحس بأحاسيس قوية
بجد بوست أكثر من رائع واحساس عالي
تحياتي
السلام عليكم ورحمة الله
احيانا بـحس بنفس الكلام ده واقعد اقول لنفسي يا ترى انا ماشية لفين وهوصل لايه وبعدين لما الاقي نفسي وصلت للاكتئاب ارجع امل المتفاءلة تاني بس ممكن تكون الاحاسيس دي بسبب الغربة ... شكلي بتفلسف والا ايه :)
تحياتي وكل سنة وحضرتك طيب بمناسبة النصف من شعبان
باشمهندسة همس الاحساس
أهلا بيكي في المدونة
نعم نحتاج الى البصيرة حتى نصل بإذن الله
أتفق معك رزقنا الله وإياكي تلكم البصيرة التي بها نصل إلى الجنة
تحياتي
دكتورتنا العزيزة جنة
الحمد لله إن أجازتك سعيدة أدامها الله نعمة
متهيألي كل الأجازات لازم تبقى سعيدة لانها لو مش كده يبقى البني آدم مننا ينزل الشغل أحسن ولا إيه
الحمد لله الأجازة كانت لذيذة وزي ما قلتي فعلا إنها قصيرة
على فكرة كل الأجازات بتبقى قصيرة حتى لو الواحد خد سنة أجازة :)
لأ طبعا مش هزهق لايميني إنتي بس على السنة الأجازة دي وأنتي تشوفي هقضيها إزاي
بخصوص بوست البصيرة اللي بتكتبيه معتقدش ابدا إنك هتكتبي حاجة فاشلة انتي بس خايفة لنحسدك
على العموم انا في الخدمة لو فيه حاجة أقدر أساعد فيها تحت أمرك (مش عزومة بورسعيدية)
بالنسبة لموضوع الابداع في لولاكي انا قريته اكتر من مرة وطبعا الموضوع هايل بس مش قادر أعلق عليه ومتسألنيش ليه
على العموم ان شاء الله هحاول مرة كمان وربنا يسهل
حياتي
العزيزة روفي
كل سنه وانتي وجميع المسلمين بخير وأدام الله علينا الأمن والأمان والصحة والعافيه
إن شاء الله تقضي أجازة سعيدة ومتقلقيش كل حاجة تمام وزي الفل ياكش بس النفر مننا ساعات نفسيته بتتعجن وتقريبا ده زي ما جنة قالت تأثير هوا الرياض
على العموم شكرا على كلماتك الرقيقة وعلى التشجيع اللي اعتقد إني مستهلوش
تحياتي
زهرة
أهلا بيكي
شكرا على كلماتك الجميلة
واتفق معكي على اننا في حاجة للبصيرة حتى نصل الى الطريق الصحيح
دمتي بخير
تحياتي
بيربل ويفز
مين ده اللي مش قد الكلام المكتوب
انتي فاكرة نفسك هتقدري تضحكي علينا
انتي نسيتي البوست الأخير بتاعك ولا ايه
لأ .. إذا كنت ناسي أفكرك
على العموم اشكرك على ذوقك وكلامك الجميل واتمنى لكي دوام الإبداع
تحياتي
باشمهندسة أمل المتفائلة
لا فلسفة ولا حاجة كلامك كله مضبوط
ان شاء الله ربنا يرزقنا البصيرة اللي بيها نصل للطريق الصحيح ويبعدنا عن الاكتئاب وسنينه
خليكي متفائلة كده على طول
وكل سنه وانتي وجميع المسلمين بخير
تحياتي
إرسال تعليق
<< Home