يَوْمِيَات وَلَد مَصْري
الثلاثاء، سبتمبر 09، 2008
أهالي الدويقة .. آسف أنا قتلتكم
نعم أنا قتلتكم
بسكين الفقر طعنتكم
قتلتكم
بصخور دكت دنياكم
تحت الانقاض
كانت النهاية
بكيتكم
بدموع التماسيح
وتركتكم
تحت التراب
فلتحولوا اوراقي للمفتي
نعم أنا مذنب
أو ليس الاعتراف
سيد الأدلة
فها هي ذي
إعترافاتي
أدونها لكم
ولتحاكموني
أنا المصري
بسكين الفقر طعنتكم
قتلتكم
بصخور دكت دنياكم
تحت الانقاض
كانت النهاية
بكيتكم
بدموع التماسيح
وتركتكم
تحت التراب
فلتحولوا اوراقي للمفتي
نعم أنا مذنب
أو ليس الاعتراف
سيد الأدلة
فها هي ذي
إعترافاتي
أدونها لكم
ولتحاكموني
أنا المصري
التسميات: وجهة نظر
29 Comments:
كلنا لازم تتحول اوراقنا للمفتى
كلنا شركاء فى الجريمة دى
ذنبهم ايه الناس اللى ماتوا
ذنبهم ايه الامهات اللى فقدوا كل اطفالهم
او الاطفال اللى فقدو ا اهاليهم
ذنبهم انهم فقراءوانهم من البلد دى
استغفر الله
ايوة معاكي حق
ذنبهم إنهم من البلد دي
وده ذنب كبير ويعتبر من الكبائر كمان
محتاج توبة نصوحة
ربنا يرحمنا ويغفر ليهم
شكرا على مرورك
تحياتي
قتلناهم وبكينا عليهم ، ليس لذنب اقترفوه ولكن لأنهم تمنوا أن يعيشوا حتى ولو تحت سفح الجبل
إنا لله وأنا إليه راجعون
كل عام انت بخير
ذنب ذنب الشعب تعود انها يخاف يسكت عن الحقة مش بعرف صوتها عاليه حتي تحصل الكارثه وايضا ذنب الحكومة مش شافيه هموم الشعب لم تحصل كارثه جيه يقول ذنب زني الشعب مش بلغت لكن لا مش زنب الشعب ربنا قال كل راعايه مسئول عن رعيته عن الحكومة مسؤال عن الشعب
يارب الحكومة تعاظة تشوف لي ناس دووال ماكن بعيد عن الخطر
ممكن يكون ذنب الشعب عشان بس اتعود السكوت
لكن الحكومه هى اللى المفروض اوراقها اللى تروح للمفتى ..رغم انى عارفه انهم مش هايتم تنفيذ الحكم ):
لكن انا لسه سامعه الصراحه ان المحافظ قال انه كان ناوى على اخر الشهر دا ينقلهم لكن القدر هو اللى سابق
شفت قلبه الكبير ياعينى .. دايما هما مظلومين معنا
حسبى الله ونعم الوكيل
ربنا يرحمهم و يصبر اهلهم
تفتكر هو ذنب مين ذنبهم انهم كان عايشين و راضين بالفقر و الهم وراضين
ذنبهم انهم ما اعترضوش و قالوا عايزين حقنا كابنى ادمين نعيش زاى الاى عايشين فى قصور و شقق على النيل و الا احنا مش زيهم بنى ادمين
مش عارفين مين الجانى و مين المجنى علية
بس تعرف انهم استريحوا من الاى هما فية
ربنا يرحمهم و يجعلهم من الشهداء و يصبر اهاليهم
اللهم امين
احنا لو لنا زنب حقيقى زى ما انت بتقول يبقى لاننا بهايم ما بننطقش ولو كان حد لازم يموت يبقى سيادته ويارب ياخده وانا اسف على كلمة بهايم بس من حرقتى واتمنى التواصل
احمد الشاعر
الله يرحمهم... يعني هم مش محتاجين دعائنا... دول شهداء... ماتوا صايمين... في شهر فضيل... ومظلومين...
إنا لله وإنا اليه راجعون...
أصبحنا ماساة متحركة فوق الأرض
كل ذنبهم أنهم عاشوا ساكتين
طموحهم كان الستر بين أربع حيطان
لكن يظهر أن الطموح ده أصبح غالي جدا الأيام دي
ولا حول ولا قوة الا بالله
وإنا لله وإنا اليه راجعون
المدونه بجد جميله يا ولد مصرى وعلى فكرة تصميم القالب جميل وتحياتى ليك وتقبل مرورى
بيربل ويفز
شكرا على مرورك وكلماتك
وعلى فكرة البوست بتاعك عن نفس الموضوع اكثر من رائع
تحياتي
عاشقة القمر
كل سنه وانتي طيبة ورمضان مبارك
الحكومة شايفة كل حاجة وعارفة كل حاجة بس هيه اللي بتستعبط
والمصيبة إنهم فاكرين الشعل مش واخد باله
ربنا يرحمنا ويرحمهم
تحياتي
شيماء
بقى كان ناوي على آخر الشهر ينقلهم
طبعا مكنش عاوزهم يعزلوا وهما صايمين
خايف عليهم من الحر
غور يلعن .. ولا بلاش والواحد صايم
تحياتي
نونا
شقه على النيل حته واحدة
طب هما كان نفسهم في شقة حتى ولو في الصحراء
لكن الله يرحمهم بقى ان شاء الله ربنا هيعوضهم بقصر في الآخرة ويكون على بحر برضه
تحياتي
أحمد الشاعر
بهايم ايه يا ريس بس
وليه الغلط ده
على العموم كلامك واضح يا فنان
شكرا على مرورك
تحياتي
اكون او لا اكون
فعلا ان شاء الله يكونوا شهداء
ربنا يرحمهم جميعا
بس ده برضه مايمنعش إنهم اكيد محتاجين الدعاء
ربنا يرحمهم ويرحمنا معاهم
تحياتي
كلامك جميل
فعلا كل طموحهم كان الستر واعتقد إنهم أخيرا قدروا يحققوه
اتستروا تحت التراب
ربنا يرحمهم
تحياتي
أحبكم في الله
إسمك جميل .. أحبك الله الذي أحببتنا فيه
شكرا على الإطراء الجميل عن المدونه ولو إني كنت حاسس إنك مستعجلة
على العموم انا زرتك ولقيت اسئلة صعبة فمقدرتش أرد قلت الموضوع محتاج كوباية شاي وانا دلوقتي صايم
ان شاء الله هزورك تاني بس بعد الفطار
تحياتي
أسفه انا مش معاك
وأرفض اتحاكم على جريمه لم أرتكبها
ولم اخطئ فى حقهم كما أوردت بل انا مثلهم تم الخطأ فى حقى
فليحاكم من اغلق فى وجوههم ابواب الرزق
ليحاكم من أقام المتجعات وحمامات السباحه فوق رؤسهم لتجعل الارض كما العجين وتنهار على رؤسهم
انا لم اكن من سكان مثل هذة الاماكن ولم اكن يوما من المستفيدين من مصر
فليحاكم من استفاد
رحمهم الرحمن و رحمنا من زمان قاسى لا يعرف الرحمه و قلوب قد وصفها المولى عز وجل و قد صدق سبحانه انها كاحجارة او اشد قسوه ..
الله يرحمهم و يلطف بهم .. تعرف مين عارف اكيد هما دلوقت سعداء بلقاء الرحمن خصوصا و انهم شهداء ان شاء الله ..
المهم ان اللى باقى منهم و اللى زيهم يلاقى بقى ايدين تتمد لهم و قلوب تحس بهم ..
سلمت يداك اخى الفاضل
خالص تقديرى و تحياتى
ربنا يرحمهم كلهم وبجد كلامك كله صح للاسف وحسبي الله ونعم الوكيل ربنا معاهم
كناري
يا ستي هوه حد جاب سيرتك في التحقيق
انا بقول ان انا اللي قتلتهم وليكي عليا هشيل القضية لوحدي متزعليش نفسك خالص
انا عايزك تهدي اعصابك كده ونتكلم براحه
انا بقول يعني (بس من غير مد ايدين) حضرتك مشتركة في الجريمة بسكوتك لان فيه جريمة اسمها جريمة الترك
يعني لما تشوفي واحد بيغرق حضرتك بتعرفي تعومي وماتنقذهوش يبقى حضرتك كده آثمه لانك كان ممكن تنقذيه ولا إيه؟
على العموم بشكرك على رأيك الصريح ودمتي دائما بخير
تحياتي
العزيزة روفي
أشكرك على الزيارة وانتي داخل صومعة رمضان وتقبل الله منك ومنا الصيام والقيام وصالح الاعمال
نعم قلوبنا اصبحت كالحجارة او اشد قسوة فهي لا ترى الا ما يلهيها ولا تسمع الا ما يطربها
رحم الله غائبهم وبارك في الموجود وغفر للجميع
تحياتي
حاسوباتية
أشكرك على زيارتك والتعليق
ورحم الله الجميع
اتمنى دوام التواصل
تحياتي
انا جديدة علي عالم تدوين مش عافه فصدك ايه من كلمة تاكيد ممكن تشرح لي لان انا مش عارفه قصدك ايه بعملوا ازي
عاشقة القمر
شوفي يا ستي
تدخلي على الإعدادات الخاصه بالمدونة
وتختاري تعليقات
وتنزلي تحت هتلاقي "إظهار التتحقق من الكلمات للتعليق
إختاري لا
وان شاء الله خير
تحياتي
طيب تعال تدخل شوف حاجه عايزه تنفدذه ولا عشان انا والله مش عارفه حاجه
طيب تعال تدخل شوف حاجه عايزه تنفدذه ولا عشان انا والله مش عارفه حاجه
عاشقة القمر
برافو عليكي
تاكيد الكلمة اختفى
علشان مايبقلناش حجة وندخل نعلق بقلب جامد
تحياتي
إرسال تعليق
<< Home