يَوْمِيَات وَلَد مَصْري
السبت، يونيو 28، 2008
فلسفة ولد مصري
- الإختلاف لا يفسد للود قضية ولكن الإختلاف في الود هو قضية فاسدة.
- أنا بحبك يا حمار – مطلع أغنية شعبية ولكن في الحقيقة يجب أن يكون ... أنا حمار لأني بحبك.
- إن كوز المحبة اتخرم إديله لسعة قصدير – مطلع اغنية عاطفية .. تصدق.
- حجم المشكلة يتناسب مع وقت التفكير فيها وكل ما أخذت وقت اقل في التفكير في المشكلة فهذا يعني أن المشكلة صغيرة .. يعني لو مافكرتش في المشاكل خالص تصبح انسان بلا مشاكل ... وبلا عقل أيضا.
- الرجل قبل الزواج يكون مثل الأسد يملك زمام جميع أموره وأثناء فترة الخطوبة يكون مثل القرد يتحرك بحركات بهلوانية ليسبب الضحك للطرف الآخر وبعد الزواج يكون مثل الحمار يحمل أشياء لا يعرف سبب حملها ولكنه مع ذلك يحملها .. المشكلة أن معظم الرجال يفعلون المستحيل ليكونوا من النوع الأخير!!
التسميات: وجهة نظر
18 Comments:
فلسفه حلوه
بس كملها
عشان هى كدة مش كامله
قول كل اللى عندك
عايزين نعرفك اكتر
و عندك حق فى حته الرجل الحمار
ههههههههههههههههههههههههه
انت اللى قلت مش انا
على فكرة مش حاجه وحشه
الوحش ان اى حد يعتبر انا تحمل الرجل للمؤليه بجميع النواحى
حموريه
و دمتــــــــــــــــــــــــــــم
ساموراي
طب ليه الغلط ده .. على العموم الله يسامحك
على فكرة الفلسفة المكتوبة دي تعبير عن منظور لا مرئي من وجهة نظر الآخر وليس شرطا أن تعبر عن الأنا صاحبة الرغبة في الكتابة لأن الآخر يعتبر جزء غريب بالنسبة للأنا لا يشكل مادة لأي إكتشاف
متهيألي كلامي واضح
والخلاصة لاصة إن الكلام المكتوب ده ممكن مايعبرش عن طريقة تفكيري أو عن وجهة نظري ولكنه مجرد نظرة تجريدية للحياة
تحياتي ليكي وشكرا على أول تعليق
شكلك كده مركز على انيمل واحد
والله انتوا ظالمين الحمار دجه حيوان مخلص حتى ساعات اكتر من بندامين كتير:))
بس انا اختلف معاك فى ردك على ساموراى
خلى بالك الانا صاحبة الرغبة فى الكتابة منظورها يختلف عن الاخر لان الاخر منظوره مرئى والانا غير مرئى ولما تضربهم فى الخلاط هتلاقى الشمس طلعت علطول هههههه
تحياتى
السلام عليكم
حجم المشكلة يتناسب مع وقت التفكير فيها .. .. يعني لو مافكرتش في المشاكل خالص تصبح انسان بلا مشاكل ... وبلا عقل أيضا
ياريت فعلا يكون الإنسان من غير عقل هيكون أحسن كتير وهيقضيها وياريت كمان يعملوا switch on وswitch off للتفكير كانت الحياة هتبقى تحفة.
تحياتي
برينسيس
ماهو إخلاصه ده هو اللي مخليه حمار هخخخخخخ
اما بقى بالنسبة للموضوع المطروح بين الأنا والآخر فهو يعتمد على حالة الآخر بإعتباره ذاتا فاقدة للذاتية أو أن يكون هناك مركز واحد للذات يفرض على الآخر أن يكون بلا مركز بدافع أنه ليس للدائرة سوى مركز واحد ليس موجود عند هذا الآخر وبالتالي فاستخدام الخلاط سيؤدي إلى النهاية الحتمية وهي عصير الموز باللبن
تسمحي لي بقى أعزم حضرتك على فخفخينا بالآيس كريم والمكسرات مادام طلعنا زمايل وبنستخدم نفس الخلاط لتحليل المواضيع
تحياتي
بيربل ويفز
تصدقي إن كلامك حكم
حلوة حكاية تفكير بمفتاح on و off دي
بس على فكرة شامم في كلامك كدة ريحة تدي على كآبة إوعي تكوني ناوية تعمليها
وعلى فكرة انا حاولت أسيبلك تعليق في البوست الأخير بس للأسف معرفتش ممكن تشوفي المشكلة فين
تحياتي
بالنسبة لموضوع الكآبة فتقريبا كده هي اللي مش عايزة تسيبني في حالي كل ما أقول خلاص لا كآبة بعد اليوم ملاقيش غير كآبة يمكن يكون حد مسلطها عليا، أنا عارفة الناس المؤذية مبتحبش تسيب حد في حاله.
بالنسبة للتعليق أنا مش عارفة المشكلة فين بالضبط التأكيد وشيلتو وكل حاجة تمام وزي الفل، يمكن تكون الكآبة برده ليها يد في الموضوع ده ؛)
اقولك ايه بس
هيييييييه
ياللا
اعمل حسابى فى الفخفخينا بأه...وكتر المكسرات الله يخليك علشان الدايت بتاعى بيموت فى المكسرات
بس على فكرة
موضوع الكوز اللى اتخرم ده لعلمك اتضح بعد استلهام واستبصار شديد جدا انهااستعارة مكنية تعبر عن مدى تسرسب المشاعر وتسرب الحب من قعر الكوز
وواضح ان الطرف صاحب الحكمة حريص جدا على كميةالا حاسيس اللى كانت فى الكوز
لذلك وجه ندائه بضرورة لحام الكوز
ياريت الواحد يلاقى حد حريص ع الكوز واللى فيه كده يا أخى
اقولك...انا حاجيب كولمان احسن واهو يبقى بحنفية ممكن نحط فيه الاناالغير مرئى والبتاع الغير منظور بعد ما اتضربوا فى الخلاط علشان يفضلوا ساقعين
هههههههههههههههههههه
بجد فلسفه جامد والله
وليك حق فيها كلها
بس ليا راى فى اتنين
الاولى التفكير فى المشاكل يبقى صغير
اعتقد ان اى مشكله لازم يتحطلها حد فى البداية علشان ما تكبر ويترتب عليها حاجات تانيه
والتانيه هيا الاخيره دى اظنها صعبه شوية
ليه الراجل يبص لنفسه على اساس انه قرد ولا حمار
حتى لو كان الهدفة ابتسامة الظرف الاخر
او يكون حمل اشياء اللى هيا فى الغالب
تكون حمل مسئوليه
وعلشان انا مش متمكنة من الاجابه
فانا هسلمة بفلسفتك فى الحته دى
تحياتى
السلام عليكم ورحمة الله
من وجهة نظري المتواضعة كاتب كلمات ان كوز المحبة اتخرم اديله لسعة قصدير ده كاتب مثقف عايز يكتب كلمات يعود نفعها على الناس فهو عايز يقول ان القصدير ممكن يستخدم لعمل ترميم للكوز المخروم بس حب يقدمها بطريقة رومانسية ظريفة ههههههه والمطرب طلع متفهم هوه كمان وقبل يغني الكلمات دي ده طبعا اذا مكنش الكاتب هوه نفسه المغني والملحن في نفس الوقت .. فلسفة ظريفة ودمها خفيف قوي .. تحياتي ودمت بخير
اولا بأعتذر عن التأخير ..
ثانيا ايه حكاية الفلسفه دى كمان
هى الحكايه بزمتك ناقصه فلسفه ..
بس عجبتنى اوى فلسفة الاختلاف لا يفسد للود قضية ولكن الاختلاف فى الود هو قضيه فاسده .. اول مره اشوف الحكمه دى بالرؤيه دى .. فلسفه هايله و مفيده .
اما السطرين الاخرين فأنت المسؤل عن كلامك بهم .. ولو ان رأى ان الاسد بيفضل اسد و الحمار عمره ما حيكون اسد ..
دمت بخير ...
تقديرى و تحياتى
ملحوظه : اسفه لو ان مودى اليومين دول خلاك ما تحسش بالراحه اللى متعود عليها فى مدونتى .. ان شاء الله الامور تتحسن .. دعواتك .
تحياتى
rovy
وأحنا بنحب الحكومة وريسها ..
واخد بالك ..
------------------------------
حبا فى رسول الله
نجتمع دائما معا لنطبق منهجه صلى الله عليه وسلم فى كافة أمور الدين والدنيا فنكن بإذن الله خير أمة أخرجت للناس كما وصف الله أمة خير الأنام فهل نكون خير أمة ؟؟
هل نلبى الدعوة لنجمع جهودنا ونصطف معا كالبنيان المرصوص و نشد بعضنا بعضا كلٌ فى مجاله بفكرة أو نصيحة أو مساهمة فعلية
هل نثبت حبنا لرسول الله فعلا لا قولا ؟؟
فالحب أفعال لا أقوال
هلموا معا نجتمع ونتفاعل ونصلح من شأننا كله
حباُ فى رسول الله
http://www.7obnferasolallah.blogspot.com
http://www.facebook.com/group.php?gid=18625528460
http://la3lahakhier-2.blogspot.com/
ساهم معنا ولو بوضع إعلان الحملة فى مدونتك
بيربل ويفز
انا برضه كان قلبي حاسس إن الموضوع داخل على كآبه مش عارف أقولك إيه لكن ربنا يعديها على خير
على العموم ماتزعليش خلاص التعليق اتفتح وبقينا نكتب فيه زي الحلاوة يمكن الموضوع ده يفرج عنك شوية
تحياتي
أمولة
طب ده انتي مجيتك دي عايزة محل عصير بحاله مش فخفخينا بس
تصدقي إن موضوع الكوز اللي جواه الأحاسيس ده ماكنتش واخد بالي منه
بصراحة وجهة نظر تستاهلي عليها كمان شوب فاخفخينا لا وإيه جنب المكسرات هحطلك عليه أيس كريم كمان .. أي خدمة
وكمان حلوة فكرة الكولمان أبو حنفية ده وممكن نعمل عليه أغنية
لو صنبورالكولمان نقط ركبله جلدة حنفية
تحياتي
همس
شكرا على الزيارة والتعليق
بالنسبة لنقطة المشاكل بالنسبة لي صعب إني أحط وقت للتفكير في المشكلة وللأسف بفضل ورا المشكلة لحد ما تتحل أو تبوظ خالص يعني معنديش حل وسط
بالنسبة للنقطة الأخيرة طبعا دي من النوع الساخر بس أنا شخصيا مش مقتنع بيها لكن هيه وجهة نظر وحبيت أقولها
تحياتي
باشمهندسة أمل
إيه الفلسفة دي كلها بصراحة وجهة نظر برضه حكاية درس هندسة الإنتاج ده اللي كاتب الأغنية عايز يشرحه للطلبة بتوعة
مش عارف ليه حاسس إن الموضوع مخرجش عن المعيدين بتوع هندسة الإنتاج هما اللي كتبوا ولحنوا وغنوا في الآخر على الطلبة زي ما بيحصل دايما
على العموم شرفتيني بالزيارة والتعليق
روفي العزيزة
لا تأخير ولا حاجة أهم حاجة نطمن عليكي وعلى نتيجة العرايس الصغيرين
موضوع الاختلاف في الود ده فعلا غريب وانا كمان حسيت إن ربنا وفقني وألهمني المعنى ده
موضوع الأسد والحمار والقرد فدي نظرة فلسفية بتعبر عن حالة الرجل وليس مقصود إن الرجل نفسه بيكون أسد او حمار أو قرد
على أي حال أتمنى أن يعود المود أفضل مما كان وفي أسرع وقت
دمتي دائما بخير
جني
جزاك الله خيرا على هذا العرض
تحياتي
إرسال تعليق
<< Home