يَوْمِيَات وَلَد مَصْري
الجمعة، يونيو 20، 2008
عاشت المرأة حرة مستقلة !!
لا أدري ما السبب في أن جل النساء اللآتي يدافعن عن حقوق المرأة قد تجاوزن العقد السادس وربما السابع من حياتهن وشارفن على ملاقاة ربٍ كريم، هل هو البحث عن هدف قاتل في الوقت بدل الضائع أم هو طلب لجهاد في معركة فُصل فيها قبل بدايتها.
أنا أرى أن المرأة ليست في حاجة لمحامي يصبغ ما تبقى من شعر رأسه ويعمل عمليات شفط لدهون تراكمت منذ عشرات السنين ويحاول جاهدا تجميل وجه قام جمع من الأطباء المتخصصين بفكه وتجميعه أكثر من مرة ، ليقف هذا المحامي مدافعا عن حقوق الجنس الناعم التي قد سلبها الرجل بالقوة كما زعموا، ويقوم بتحرير عقل الرجل من براثن ذلك الفكر الرجعي الذي طغى على عنصر الرجاحة فيه حتى جعله لا يُفرِّق بين الصواب والخطأ ولا يعرف الفرق بين النور من الظلام.
أي حرية تلك التي يتكلمن عنها؟ وأي تقدم هذا الذي يدفع بزوجاتنا وبناتنا وأخواتنا إلى منازل الذلة والسفور؟
فلتهدأن أيتها السيدات الفضليات ولتنمن قرائر العيون فالحقوق محفوظة ..... والمقامات أيضا.
التسميات: وجهة نظر
24 Comments:
يابنى حتجيب لنفسك الكلام
و بعديم محنا ردينا عليك فى البوست اللى قبل دة
و عرفت الاسباب اللى تخلى المرأه تدافع عن حقوقها
يبقى ليه بقه الكلام و التريقه
يا عم كل واحد حر فى شكله
انت هامك الشكل مش المضمون
واحدة و شايفه نفسها
هى حره
دة مالوش دعوه
بفكرها
فهمت
بلاش الدخلات الجامده دى
على فكرة
اللى قالك المران نص المجتمع دة بيضحك عليك
المرأه
هى كل المجتمع
هههههههههههههههههههههههه
و دمتـــــــــــــــــــــــــم
اولا يشرفنى ثانى تعليق
ثانيا: آسفة للتأخير
ثالثاً: البوست فكرتة جميلة فعلا
بس فية ملاحظة هى ان حضرتك عممت وبس ومذكرتش أمثلة ولا توضيحات ولا حالاات معينة
بس بشكل عام الفكرة فعلا جميلة وانا معاك فيها مع انى بنوتة
يشرفنى دواام التوااصل
تحياتى..
زهقنا من الحرية والله يسامحهم صدعونا بالكلام عن تحرير المرأة
شكرا...مش عايزين
البوست القادم فى لولاك هيقول مش عايزين كفاية حرام على رأى بتوع الكورة
خدنا حقوقنا وتمام التمام
شكرا يا مصرى
تحياتى
ايه حكايتك اليومين دول مالك ومال المرأه و بعدين بصراحه انا مفهمتش بتتكلم عن مين .. بس ده ما يمنعش انى معاك فى الفكره ..
الحقيقه هما تعبوا المرأه معاهم مش عارفه مالهم ومال المرأه والله المرأه بعون الله تعرف تأخذ حقها كويس قوى ولما بتسامح بيكون بمزاجها .. واضح انهم ما سمعوش بأن كيدهن عظيم ..
دمت بخير فى حفظ الله
تحياتى
rovy
خير الأمور الوسط وعلينا أن ناخذ موقفاً متوازنا من هذا الأمر.
يعني فعلا المرأة وقع عليها ظلم كثير وكبير في مجتمعاتنا، ولا نستطيع أن ننكر أننا في عصر انحطاط فكري وثقافي. والنظر في حال المرأة في العصور الأولى للإسلام يبين بوضوح أنها كانت أكثر تفتحاً وحرية بكثير، دون ابتذال أو مهانة. وهذا هو المطلوب. عندك مثلا بلاد إسلامية تحرم المرأة من قيادة سيارة، ولا أرى أي كرامة في ذلك. والأمثلة كثيرة. وربنا يصلح حالنا جميعا!
ساموراي
المرأة مش محتاجة تدافع عن حقوقها لأن الحقوق دي حفظها لها الاسلام من 1400 سنة لكن المشكلة إنهم مابيدوروش على حقوق المرأة دول بيدوروا على إفساد المرأة المتمثل في فساد الأخلاق والإنحلال وقال بيسموا ده تقدم!!
وبعدين بالنسبة للشكل ما هو الشئ بالشئ يذكر يعني ماتبقاش قرشانة ورجلها والقبر وتقعد تخرب في إمخاخ البنات وتحاول تفهمهم إنهم عُبطة ولازم يتنوروا وإنها هي بقى اللي قررت تحمل لواء التنوير وتنتشلهم من براثن حكم الرجل الدكتاتوري
حاجة تحرق الدم
دعاء
أولا شكرا على زيارتك وعلى التعليق التاني
ثانيا ولا يهمك على موضوع التأخير
ثالثا كويس إن الفكرة عاجبتك وإنك بتأيديها وبالنسبة للأمثلة فهي كتيرة جدا ولسه مثال منهم خرج من المتحف وكان بيتكلم من يومين فاتوا!!
وكلامك ده بيأيد اللي أنا بقوله إنهم بيضيعوا وقتهم وإن المرأة مش محتاجة أمثالهم علشان يدافعوا عن حقوقها
أسعدني مرورك وإن شاء الله التواصل هيدوم
تحياتي
جنة
ربنا يخليكي يا دكتورة على الكلام الحلو ده .. على الله يسمعوا ويبطلوا كلامهم الفارغ اللي لا بيودي ولا بيجيب
بس ماقلتناش يا دكتورة إنتي أهلوية ولا زملكاوية بس مادام بتقولي كفاية حرام يبقى شكلك أهلوية
لأن جمهور الزمالك اللي أنا واحد منهم نسي الكلمة دي من زمان
تحياتي
روفي
أنا مارضتش أحط أسماء علشان مايبقاش فيها غيبة ولاسيما إني طولت لساني حبتين
وعلى فكرة البوست ده صادف بس مع اللي قابله لكن مش مقصود
وكويس إنك بتأيدي الفكرة وده معناه إنهم بيتعبوا نفسهم على الفاضي وإن المرأة أذكى من إنهم يضحكوا عليها بالكلام الفارغ اللي بيقولوه
شكرا على مرورك
محمد شدو
ولو إني بختلف معاك في موضوع إن المرأة ظلمت في مجتمعنا لكن بتفق إننا فعلا في زمن إنحطاط فكري وأخلاقي
وبالنسبة لعدم السماح للمرأة بالقيادة فكلامك مظبوط إنه مافهوش أي كرامة للمرأة لكن هما عندهم أسبابهم والمرتبطة بعادتهم وتقالدهم وهما بيعترفوا بكده والموضوع مالوش علاقة بالدين
شكرا على مرورك وتقبل تحياتي
احسنت احسنت اتمنا ان يرتفع صوتك ليسمعو الجميع مستنيك عندى
مش هنخاف ولا هنطاطى ههههههههه
انا البرامج دى بتستفزنى والغريبة بجد
ان الناس دى بتبقى فاشلة فى حياتها اخر حاجة
الاسلام كرمنا مش محتاجين حاجة اكتر من كده
ودمتم والحقوق محفوظة لساموراى
ههههههه
ماشاء الله شايفاك بدافع عن المراه جامد
بس مش عارفه ليه مصطلح تحرير المراه دى
وكل شويه ينادو بيه ليه
هو احنا مسجونين ولا معتقلين
احنا عايشين حياه طبيعيه جداوالحمد لله
ومن ناحيه الحق عارفين حقنا ونعرف ناخده كويس
وشكرا للحمله المكثفه دى علشان المراه
تحياتى
ادم المصري
آميين ربنا يسمع منك
شرفتني بزيارتك يا ريس وإن شاء الله أزورك ونتواصل
تحياتي
برينسيس
ما صدقتي؟ نفسك في مظاهرة وتشبعي فيها هتاف. ربنا يستر ومالقيش الأمن المركزي محاصر المدونة بكرة الصبح :)
على العموم وماله كملي هتاف براحتك بس يا رب تثبتي لما الأمن المركزي يبتدي الضرب :)
والله كلامك مظبوط هما ناس فعلا مستفزة وغالبا بتلاقي حياتهم الأسرية ما يعلم بيها الا ربنا
شكرا على زيارتك وحمدا لله على سلامة الـ ههههههههه وصلت إمتى بالسلامة؟
همس
المرأة ليست في حاجة لحملات مني أو من غيري للحصول على حقوقها
شرفتيني بزيارتك وشكرا على التعليق
أولا حقوق المرأة محفوظة من أكثر من ألف سنة وهي مش مستنية الأشكال اللي إنت قلت عليها دي عشان تاخد حقها. وياريت بقى يسيبوا المرأة في حالها ويتقوا ربنا في الشوية اللي بقيينلهم في الدنيا.
السلام عليكم ورحمة الله وبركاته
على فكرة اغلب النساء دول لو جيت تقرأ مذكراتهم تلاقيهم عاشوا طفولة ومراهقة مضطهدة فعشان كده تلاقيهم معقدين وكارهين نفسهم والمجتمع اللي عاملهم بالشكل ده وكثير منهم بيتمنوا لو كانوا ولدوا رجال رغم اعلانهم عن كرههم للرجالة .. ربنا يهديهم ويهدينا معاهم .. تحياتي وتقديري
السلام عليكم
أي حرية تلك التي يتكلمن عنها؟
سؤال يجاوب عليه سلوكهن ..
التحرر من الملابس فالحشمة عندهن ممقوتة ..والعري عندهن محمود ..
التحرر من الأخلاق .. وكراهية الفضيلة .. فلا مانع من أن تراقص احداهن رجل غريب أو حتى تبيت في فراشه ..
التحرر من الشرف فلم تعد تلك الجلدة الرقيقة مثال للشرف من وجهة نظرهن .
هذه هي أدبياتهن وكتاباتهن وحياتهن ..
ولا نفتري عليهن ..
السلام عليكم
اوافقك الرأى ديننا اعطاها كل الحقوق
انتهى
اعتقد ان مسألة حقوق المرأة مثل الموضة وهناك من يحبون الاستمرار فى هذا المسلسل
نعم هناك ازواج واخوة يسلبون حقوق نسائهم لكن هذا شئ وعمليات التجميل المبتذلة شيئاً اخر
تحياتى لك على موضوعك الجميل
هانى يس
بيربل ويفز
فعلا المفروض يدوروا على آخرتهم شوية ويسيبوهم بقى من الكلام اللي لا هيودي ولا يجيب
لأ ممكن يودي بس هيودي غالبا في داهية
شرفتيني بزيارتك
أمل
عليكم السلام ورحمة الله وبركاته
أكيد فعلا طفولتهم مش ممكن تكون طبيعية بس الغريب إنهم بيطلعوا عقدهم على الرجالة مش عارف ليه وعاوزين المرأة تمشي تلطش في الراجل بسبب ومن غير سبب علشان تبقى بكده خدت حقها
ناس غريبة
تحياتي
جني
أولا شكرا لزيارتك وعلى التعليق
فعلا سلمت يداك فهذه هي الثقافة لديهن وآسف أني لا أستطيع أن أطلق لفظ أدب على ما يكتبن فهو بعيد كل البعد عن معنى هذه الكلمة
شرفت بزيارتك والتعليق
هاني يس
أشكرك على مشاركتك
أتفق معك فهذا الموضوع لا يختلف عن الكلام في الموضة وهن يأتين بما عند الغرب ويردن أن يطبقونه كما هو بدون التفكير فيه أو مطابقته مع العادات والتقاليد
شكرا على زيارتك
إرسال تعليق
<< Home