يَوْمِيَات وَلَد مَصْري
الاثنين، أبريل 12، 2010
فسحة من الوقت للكتابة – 3
جلست العمة فهيمة في مكانها المعتاد والذي منه تطل على كافة أرجاء المنزل ووضعت بجانبها حقيبتها .. اجتمعت حولها الأسرة وجلس بجوارها والد شروق الأستاذ مصطفى طاهر مدرس اللغة الانجليزية.
بدأ الحديث المعتاد عن الأحوال العامة والمواصلات والشوارع التي امتلأت عن آخرها بكل ما هو متحرك وساكن إلى الدرجة التي تجعل العابر لها كالسابح ضد التيار، بعدها بدأت العمة فهيمة في السؤال عن أخبار العائلة عامة وأخبار شروق خاصة ثم بدأت في توجيه دفة الحوار إلى شروق والتمهيد إلى الهدف الأساسي من الزيارة.
العمة فهيمة: ها .. أخبارك إيه يا عروستنا؟
شروق: بخير .. بخير الحمد لله يا عمتو
فهيمة: الحمد لله .. يلا بقى عايزين نفرح بيكي .. ولا إنت ايه رأيك يا مصطفى؟ انت مش شايف ان احنا المفروض بقى نفرح بشروق؟
مصطفى: لسه بدري يا فهيمة البنت لسه صغيرة
فهيمة: البنات بيكبروا بسرعة يا مصطفى
مصطفى: طيب مش لما تخلص تعليمها الأول
فهيمة: طيب وبعد ما تخلصه؟ ايه اللي هيحصل؟
مصطفى: هتتجوز ان شاء الله
فهيمة: شفت .. يعني برضه في الآخر مالهاش غير الجواز
مصطفى: أيوة بس بعد ما نكون اطمنا عليها وعلى مستقبلها
فهيمة: يا مصطفى البنت مالهاش غير الجواز والست مالهاش غير بيتها وعيالها وبعدين يا سيدي تبقى تكمل الدراسة وهي متجوزة .. أهو العريس يبقى يذاكر لها .. ولا انتي رأيك ايه يا عروسة؟
كانت شروق تستمع إلى هذا الحوار المكرر كأنها تشاهد إحدى المسلسلات المصرية القديمة ولم تكن تتخيل أبدا أنهم يتحدثون عنها ، وأن شهادتها ستطلب أمام هيئة القضاء للفصل في النزاع المطروح. إختلطت عليها المشاعر بين إرتباك وخجل مع خوف وأمل .. بدأت الضحكات تعلو من حولها، بينما هي مازالت سارحة في إجابة لهذا السؤال المباغت والذي يبدو من ضحكات الأسرة أنهم قد انتزعوا إجابته منها تطبيقا للمثل القائل السكوت علامة الرضا.
الآن أصبحت الظروف مواتية للعمة فهيمة للكلام عن صلاح ، بدأت في تجميل بضاعتها كبائع يسوق سلعته لزبون ساذج ، ألقت بشباكها حول تلكم الفتاة البريئة تخدعها بكلماتها المعسولة عن الزواج ، فكانت شروق بعدها كفريسة مخدرة تماما تنساق .. إلى حيث المجهول....
(تتبع البقية إن كان في العمر بقية)
7 Comments:
خير خير عارفة انا الحوار الهابط دا ربنا يكون في عون شرووووووق
فى الحكايات اللى بتكون كده الواحد بيكون محتار
هل فعلا العيب فى الاهل ولا فى البنى ادم نفسه لانه ضعيف الشخصية و عنده جهل بحقوقه ولا بيكون عيب فى الاتنين؟؟؟
طيب و الطرف الخارجى ده ياترى بيكون فكر صح ؟؟ و هل عليه اللوم هو كمان و لا خارج الحسبان ؟؟
*****
طبعا بما ان الردود اللى فاتت قالت ان انت هتحكى من وجهة نظر الشخصية مش وجهة نظرك يبقى خلاص نرضى بالامر الواقع و نلغى فكرة تنتوفه الفرح
v_v
لكن بردو مش هلغى موضوع طوووول شوية الحبر رخص خليك كريم بقى و ماتقولش انا مش كريم ماشى علشان انا عارفة ردودك ×_×
اللى عملته فى الناس زمان بيتبع شكله هيطلع عليا
v_v
مهارتك في التشويق و الاثارة مالهاش حل
قاعد اتابع الاحداث و فجأة تقفل الحلقة
ممكن تسرب باقي الاحداث
مستني ياجميل
تحياتي
متابعه ..
القصه مشوقه .. أتمنى أن لا يطول الأنتظار ..
تحياتى لك
في انتظار بقية القصة بشوق ...تحياتي
أسرة منتدى زبد البحر يتمنى منكم التواجد معنا في منتدى عالم المدونيين والمدونات
http://mhg1962.ba7r.org/forum.htm
القصة حلوةأوي ماتتأخرش فى تكملتها
مع تحياتي وأشواقي
تخيل واحشتني :((
إرسال تعليق
Links to this post:
إنشاء رابط
<< Home