يَوْمِيَات وَلَد مَصْري
الخميس، أبريل 01، 2010
فسحة من الوقت للكتابة – 2
شعرت بأناملها تنبض من جديد ، أرادت ان تصف تلك اللحظات العصيبة التي تعيشها .. بحثت عن البداية الضائعة لقصتها .. فقد إختلطت عليها الأحداث كما إختلطت عليها البدايات .. نعم .. بدايات كثيرة لنهاية واحدة ، قصص مختلفة لنفس البطلة .. ربما كان هناك آخرون معها وحولها .. ولكن ستظل هي دوما البطلة الوحيدة حتى النهاية.
البداية كانت في المرحلة الثانوية وتحديدا في الصف الثاني منها، عندما أتت العمة فهيمة لزيارة العائلة ، لم تكن شروق حينئذ قد تعدت السادسة عشر من عمرها بالرغم من تفجر ينبوع الأنوثة منها ، وكان هذا هو الدافع الذي أتى بالعمة فهيمة إلى منزل عائلة شروق فهي تريد خطبتها لإبن جارتها الرائد صلاح الذي تعدى الخامسة والثلاثين.
العمة فهيمة هي الشقيقة الكبرى لوالد شروق ، إمرأة نحيفة القوام متوسطة الطول ذات شخصية سيادية قوية ينطلق منها نظرات حادة تصيب كل من تقع عليه برهبة مؤقتة تزول مع زيادة المعرفة بها وكانت هذه النظرات تنطلق من عينين واسعتين تستتران خلف نظارة سميكة الإطار ذات عدسات شفافة رقيقة.
أما الرائد صلاح فكان ذو بنية عسكرية ضخمة وملامح جادة تدل على شخصية قيادية غليظة ، فعينيه جاحظتان أسفل حاجبان كثيفان ، وله شارب محدود خفيف ، ولم يبق من شعر رأسه إلا القليل على الجانبين ومع ذلك فهو يحتفظ ببعض الخصيلات التي يحاول من خلالها تغطية الجزء الأكبر من تلك المساحة العارية من الشعر.
كانت تلك الزيارة هي بداية لفصل جديد من حياة شروق .. أو سمها إن شئت بداية جديدة لفصل شروق عن الحياة .....
(بمشية الله البقية ..إن كان في العمر بقية)
التسميات: همسات
12 Comments:
اول تعليق؟
حلو جداااا
نيجى للبوست بقى
شكل الاخت شروق حياتها هتكون مليانه مآسى
لان الموضوع باين من نظارة عمتها وقرعة الاستاذ صولاح
ربنا يسهل ونخلص القصه الجملى دى
ياسيدى طول شويه فى احداث الجزء بنحب نقرا لك والله
صدق بقى
لالالالالالا كده بقى انت بتخم هه
ايه ده كلمتين وبس فى كل بوست
اعترض اعترض اعترض
من الواضح الاعتراض هيرجع تانى فى المدونة دى
لا بجد طول شوية بقى عااااااااااااااااااااااااااااااااااااا
بس صحيح هى قصه واقعيه ولا خيال
يعنى اصل شكلها فعلا صعبه قووووى و مافيهاش تنتوفه فرح
v_v
و ده اللى محسسنى انها خياليه لان اعتقد مافيش انسان مهما كانت حياته صعبه من البدايه ماجاش عليه شوية فرح
ده كده يبقى ضد قوانين الحياة
-_-
عاشقة الرومانسية
اول تعليق؟
حلو جداااا
=============================
بالهنا والشفا أجيبلك تاني
نيجى للبوست بقى
=============================
استر يا رب
شكل الاخت شروق حياتها هتكون مليانه مآسى
لان الموضوع باين من نظارة عمتها وقرعة الاستاذ صولاح
================================
تفتكري فيه علاقة بين قرعة صلاح وحياة شروق؟ تصدقي مخدتش بالي .. على الأقل كنت عملت حسابي ولبسته باروكة
ربنا يسهل ونخلص القصه الجملى دى
=================================
نعم .. انتي من تاني بوست رفعتي الراية البيضا .. دا لسه بدري قوي
ياسيدى طول شويه فى احداث الجزء
================================
كويسة ياسيدي دي عايزك بعد كده تتعودي عليها :))
بنحب نقرا لك والله
صدق بقى
=================================
واضح فعلا الكلام ده بأمارة القصة الجملي اللي عايزاها تتقلب في بوستين :)
تحياتي
البنفسج الحلو .. ايه ده يا نهار مووووف اسمك بصراحة مع الترجمة بيكون صعب قوي .. أنا رأيي إعمليله مونتاج أرحم هخخخخخخ
أو أقولك رجعيه زي الاسم بتاع أيام زمان .. ولو مش عارفة ترجعيه حطي صباعك في بقك وااااهههههههههه
ندخل في الموضوع
لالالالالالا كده بقى انت بتخم هه
==============================
ليه بقى ان شاء الله شايفاني بقش بالبنت بدل ما اقش بالولد
ايه ده كلمتين وبس فى كل بوست
===============================
من باب يعني يا بخت من زار وخف
اعترض اعترض اعترض
==============================
وكمان راميه عليا يمين الاعتراض بالتلاتة
من الواضح الاعتراض هيرجع تانى فى المدونة دى
===============================
متقدرش بقولك ماتقدرش .. طيب اديني أمارة يا كلب على الفتونة دي .. برضه ماتقدرش
لا بجد طول شوية بقى
================================
يا بنتي الموضوع مش سهل طب دول الكلمتين اللي مش عاجبينك دول خدوا مني اسبوع بحاله
عااااااااااااااااااااااااااااااااااااا
=================================
ماما زمنها جاية .. جاية بعد شوية
بس صحيح هى قصه واقعيه ولا خيال
================================
هو زي ما تقولي كده بين البنين
يعنى اصل شكلها فعلا صعبه قووووى و مافيهاش تنتوفه فرح
v_v
=================================
تنتوفة فرح؟؟؟ دي حاجة كده زي النانو فرح ولا أكبر شوية؟
و ده اللى محسسنى انها خياليه لان اعتقد مافيش انسان مهما كانت حياته صعبه من البدايه ماجاش عليه شوية فرح
ده كده يبقى ضد قوانين الحياة
-_-
===================================
الكلام ده شكلة كده بجد
شوفي بقى .. كلامك من حيث المبدأ مظبوط جدا وأتفق معاه مليون في الميه لكن ده بيتوقف على حسب رؤية الشخص لكوباية المية يعني مثلا لو واحد نجح وجاب مقبول ممكن واحد يشوف الموضوع إن ده فرح وواحد تاني يشوف انه مادام مجبش امتياز يبقى ده ابتلاء
وكمان لو واحدة اتقدم لها عريس وأهلها وفقوا عليه فده يعتبر فرح لكن لو كانت مابتحبهوش فده يعتبر بؤس وشقاء وهكذا
على العموم متستعجليش على رزقك في أحداث كتيرة جاية فيها الحلو وفيها الوحش ربنا يسهل بس وألاقي وقت أكمل الموضوع
تحياتي
اخد اسبوع
ليه
ليه
ليييييييييييييييييييييييييييييييييييييييييييه
الحبر عندك فى الكيبورد بيشطب ولا الزراير عندها زهايمر
ال اسبوع ال
مش بقولك بتخم فى الكتابه هه الكتابه
و كمان البنت اصلا دلوقتى هى فعلا اللى بتقش
بطلوا بقى العنصرية و شوفوا الواقع
بلاش تعيشوا فى خيالات الزمن اللى فات
P:
و كمان اييييه البفنسج الحلو دى
اسمى زهرة البنفسج هفضل اعلم فيكوا لحد امتى بس
كسفتونى و طلعتوا عينى
ياساتر هو الواحد مش عارف يعيش فى هدوء ابدا
D:
اما بقى عن الاسم فاانا بالطريقة اللى قولتها مش عايزااااااه انا كده كويس ايع ايع ايع ال ارجعه ال
بس بس بس
نيجى بقى للجد
معاك فى كلامك لكن انت اللى بتحكى مش الشخص نفسه يعنى اكيد انت شايف الحكاية كلها من فوق و ممكن تشوف الفرح و الحزن ده لو كانت حقيقى
اما بقى لو خيال اجبر بخاطرنا و هات شوية فرح اللهى تفرح دايما
انا جالى اكتئاب من حالة الحزن العام مايبقاش العام و انت كمان
ده كده يبقى افترا عااااااااااااااااااااااااااااااااااااا
عااااااااااااااااااااااااااا
عااااااااااااااااااااااااااااااااااااااااااااااااااااااا
يااما تجيب شوية فرح و البوست يطول
يااما هغرقلك المدونة بالدموع و كل ماتمسح اعيط اكتر
بس هه
عدنا
عايزة اعرف شروق
حتعمل اية
مستنية اعرف اخر الاخبار
بنفسج
اخد اسبوع
ليه
ليه
ليييييييييييييييييييييييييييييييييييييييييييه
================================
يا ستي هو انا قولت لك تدفعي لي تمن اليومية بتاعتي .. ما ياخد شهر هو انتي دافعة حاجة من جيبك .. ايه الناس الغريبة دي
الحبر عندك فى الكيبورد بيشطب ولا الزراير عندها زهايمر
===============================
لأ .. كنت مستني الحبر بتاع الكتابة لما ينشف .. "ألا يكمكم"
ال اسبوع ال
مش بقولك بتخم فى الكتابه هه الكتابه
================================
كلمة بتخم دي انا ما سمعتهاش من زمان قوي .. هو انتي من سنة كام بالظبط
و كمان البنت اصلا دلوقتى هى فعلا اللى بتقش
===============================
فعلا الكلام ده بيحصل في لعبة الشطرنج
بطلوا بقى العنصرية و شوفوا الواقع
بلاش تعيشوا فى خيالات الزمن اللى فات
P:
=================================
شامم ريحة نوال السعداوي في كلامك .. ربنا يستر
و كمان اييييه البفنسج الحلو دى
اسمى زهرة البنفسج هفضل اعلم فيكوا لحد امتى بس
=================================
طيب ادخلي على جوجل ترانسليت واكتب سويت فايوليت وشوفي هيكتب ايه .. ماتنسيش تبقى تعلميه هو كمان
كسفتونى و طلعتوا عينى
================================
هي كانت طالعة كده لوحدها خلقة ربنا بلاش افترا على الناس
ياساتر هو الواحد مش عارف يعيش فى هدوء ابدا
D:
===============================
عندي ليكي مكان هتنبسطي فيه قوي اسمه مستشفى ابو العزايم .. هدوء وراحة وبيجبولك الأكل لحد عندك
اما بقى عن الاسم فاانا بالطريقة اللى قولتها مش عايزااااااه انا كده كويس ايع ايع ايع ال ارجعه ال
بس بس بس
=================================
انا بس كنت بحاول اساعد
نيجى بقى للجد
معاك فى كلامك لكن انت اللى بتحكى مش الشخص نفسه يعنى اكيد انت شايف الحكاية كلها من فوق و ممكن تشوف الفرح و الحزن ده لو كانت حقيقى
اما بقى لو خيال اجبر بخاطرنا و هات شوية فرح اللهى تفرح دايما
===============================
كلام كويس بس الحقيقة انا مابستخدمش التكنيك اللي قولتي عليه ده لأني لما باكتب بحط نفسي في مكان الشخص اللي بتتكلم على لسانه علشان اقدر احس باللي بكتبه.
أما بقى حكاية الحزن والفرح فالقصة مش هقدر اعمل فيها حاجة لاني زي ما قلت لك حاطط نفسي مكان شروق وبكتب
لكن ممكن أعمل حاجة تانية ابقى انزل بوستات من نوعية مزيكاتي قديم وجعلوني مدونا نزولا على رغبات السادة الزوار
انا جالى اكتئاب من حالة الحزن العام مايبقاش العام و انت كمان
ده كده يبقى افترا
===============================
الحقيقة انا اعرف ان الحزن نوعين حزن عام .... وحزن غرق
عااااااااااااااااااااااااااااااااااااا
عااااااااااااااااااااااااااا
عااااااااااااااااااااااااااااااااااااااااااااااااااااااا
يااما تجيب شوية فرح و البوست يطول
يااما هغرقلك المدونة بالدموع و كل ماتمسح اعيط اكتر
بس هه
================================
حاضر .. بس كده .. هجيب لك شوية فرح وهطول البوست وهجوزك هنومة .. هنومة يا قناوي .. البسي انتي بس بدلة الفرح دي .. وكل حاجة هتبقى تمام .. البس يا قناوي يا بني
تحياتي
ساموراي
عدنا
==============================
ألف حمدا لله على السلامة
عايزة اعرف شروق
حتعمل اية
=============================
ليه انتي محطوطة في نفس الموقف ده ولا ايه
مستنية اعرف اخر الاخبار
=============================
الأمن مستتب وكل حاجة تمام والحمد لله
فعلا سعيد بالزيارة لانك من أوائل الناس اللي الواحد اتعرف عليهم وانبسطت لما اطمنت عليكي عقبال كده الباقيين
تحياتي
تعليقى مش هيعجبك بس لازم أقوله
مابحبش القصص تكون على أجزاء
موناليزا
تعليقى مش هيعجبك بس لازم أقوله
===============================
اهم حاجة بلاش مد الايدين
مابحبش القصص تكون على أجزاء
===============================
والله ولا أنا :)
تحياتي
السلام عليكم ..
شدتنى جدا قصة شروق ..قريتها من أولها من البوست السابق طبعا .. أسلوبك كما عاهدته أخى المصرى سلس و جميل و بيشد بقوة لأخر حرف .. أتمنى أن لا تتأخر فى كتابة الجزء الباقى ..
تحياتى
روفي
السلام عليكم ..
===============================
وعليكم السلام ورحمة الله وبركاته
شدتنى جدا قصة شروق ..قريتها من أولها من البوست السابق طبعا ..
===============================
ربنا يديلك الصحة واستحملتي خبطتين مرة واحدة
أسلوبك كما عاهدته أخى المصرى سلس و جميل و بيشد بقوة لأخر حرف ..
================================
يا سلام آدي التعليقات اللي تفتح النفس .. ها وايه كمان :)
أتمنى أن لا تتأخر فى كتابة الجزء الباقى ..
================================
بعد الكلام الحلو اللي فوق ده ان شاء الله هكمل القصة الغم دي على طول انتي تؤمري :))
خالص تحياتي
إرسال تعليق
<< Home