يَوْمِيَات وَلَد مَصْري
الثلاثاء، أغسطس 04، 2009
اللي يحكم أمي هقوله يا عمي
بعد صدور هذا الحكم قام جمع من علماء التاريخ والآثار من عدة دول ببدء حملة للتنقيب والبحث في التاريخ لمعرفة الأب الشرعي للمصريين وبعد محاولات جهيدة صرح السيد زكي محتاس بفشل حملة البحث في مهمتها وأكد أن هذه المهمة كانت من رابع المستحيلات ولاسيما أن مصر قد اغتصبها الكثيرون بداية من الهكسوس في العصر الفرعوني القديم وانتهاءا باليهود في العصر الفرعوني الحديث كما أكد أن هناك أسباب قوية منعته من مواصلة رحلة البحث بعدما أظهرت التحريات - للأسف الشديد - قيام بعضا من المحارم من أبناء "المحروسة" باغتصابها أيضا .. ربنا يستر على ولايانا الأمريكية.
بعد عرض فيلم "ذا جاد فاذر" يعني الأب الروحي بلا قافية .. قام جمع من الفنانين المصريين بالتوجه إلى هوليود (على نفقة الدولة) لدراسة إحتمالية وجود علاقة بين الفاذر الأمريكاني والماذر المصرية وقد أصر الفنانين المصريين بعد لقائهم بالمسئولين الأمريكان على عمل مسح دي إن ايه لهم ومقارنته بالدي إتش إل والفيدكس لكشف العلاقة سالفة الذكر .. هذا وقد اتفق الطرفان على ان يقوم السادة الفنانين بعملية المسح على أن يوفر لهم الجانب الأمريكي الجردل البلاستيك والخيشة .. وتسلمني نضيف أسلمك نضيف.
التسميات: وجهة نظر
24 Comments:
هههههههههههههه
طيب و الامريكين مالهم بس
انت قولت اللي احتلونا
هما دول اللي بتعمل عليهم دي ان ايه
بس بيني و بينك انا متبري منها
و لاعاوزها امي ولا ابويا ولا عاوز غير اني اسيبها و اطفشششششششش
مساء التهيييييس
مصر أمي؟
دي مرات أبو سندريلا شخصيا
قال امي قال
كان عندي و اد باكستالت بيقول مصر ام الدنيا و باكستان ابوها
و بناءا علي البحث السالف الذكر من الممكن ان الفنانين كانوا بيدوروا عن الاب في امريكا و يظهر انه في مكان تاني
كلف عمنا كرمبو
تحياتي
ههههههه
هيا وجهة نظر ولو موصلناش لحل يبقى نوديها بيت مسنين بقى
مصر هى امى؟؟؟؟؟؟؟؟مممممممممممم
مامتى نايمه جوه اهى:)
المعلم محمد محسن
هههههههههههههه
طيب و الامريكين مالهم بس
=====================
بتبلى عليهم لله في لله
نفسي يا أخي أجبلهم مصيبة واقول إن فيه علاقة غير شريفة ما بينهم وبين مصر .. ربنا يسامحني
انت قولت اللي احتلونا
هما دول اللي بتعمل عليهم دي ان ايه
======================
لا هو انت مش واخد بالك إنهم من ضمن الناس اللي احتلونا .. يا راجل
بس بيني و بينك انا متبري منها
و لاعاوزها امي ولا ابويا
======================
طيب إعتبرها زي خالتك .. وممكن تعمل اغنية مصر هي خالتي أهي على الأقل أحسن من .. خالتي فرنسا
ولا عاوز غير اني اسيبها و اطفشششششششش
======================
بس صدقني مهما طفشت او سيبتها هيجي عليك يوم تشتاق لترابها وكفاية إن ليك بيت لو كل بلاد العالم رفضتك تقدر ترجع له في اي وقت
سعدت جدا بزيارتك واتمنى دوام التواصل
تحياتي
عاشقة الرومانسية
مساء التهيييييس
=====================
وانتي من أهله
تحياتي
ستيته هانم
مصر أمي؟
دي مرات أبو سندريلا شخصيا
قال امي قال
======================
سندريلا مين وسنو وايت ايه اللي بتتكلمي عليهم
مصر هتفضل غالية عليا :)
منورة
تحياتي
دكتور أحوال
كان عندي و اد باكستالت
======================
هما بلا قافيه كام باكس
بيقول مصر ام الدنيا و باكستان ابوها
=====================
فيه معاه قسيمة جواز تثبت الموضوع ده
و بناءا علي البحث السالف الذكر من الممكن ان الفنانين كانوا بيدوروا عن الاب في امريكا و يظهر انه في مكان تاني
=======================
أما لو كان الكلام ده صحيح يبقى أكيد كل المصريين هيتبروا من أمهم
هي ناقصة
كلف عمنا كرمبو
======================
يا لئيم عايزني اتصل بزيرو تسعمية .. شكلك كده بتاخد عمولة :)))
خالص تحياتي
برينسيس
ههههههه
هيا وجهة نظر ولو موصلناش لحل يبقى نوديها بيت مسنين بقى
=======================
طول عمرك أصيلة يا إنجي :))))))
خالص تحياتي
الشعب لابد له من حكومه تشكمه (ده إسم ولا مقال صحفي)
مصر هى امى؟؟؟؟؟؟؟؟مممممممممممم
مامتى نايمه جوه اهى:)
======================
ده يأكد كلامي لأن مصر فعلا كانت نايمه جوه إمبارح
يارب تصحى بقى :)))
ماتصحيها وتكسبي فينا ثواب
على فكرة عديت على مدونتك ولقيتها ملغمه مخبرين وأمن دولة ابقى خلي بالك :)
شكرا على زيارتك الأولى واتمنى دوام التواصل
تحياتي
اولا بيقولوا مصر ام الدنيا كلها
مين قال انها امنا لوحدنا هه ؟؟
ولا احنا كده بنحب نحتكر كل حاجة
طب ماهى امريكا بنقولها ماما
ليه ماحدش دور على الاب
ولا علشان مصر طيبة يعنى و مش بتتكلم
تعملوا فيها كده
تؤتؤتؤتؤتؤتؤتؤتؤتؤ
ماكنش انعمش ولا لبس نضارة
v_v
مصر هي امي صح...بس هو في ام واخده حقها ...ياجوز امي يا ابويا ياحنا مطلعين عينها...العيب مش في مصر العيب فينا اما الحزب ياروحي عليه...
سويت (يعني جناح بلغة الفنادق)
اولا بيقولوا مصر ام الدنيا كلها
======================
يانهار أزرق وكمان طلعت ليها ولاد تانيين
مين قال انها امنا لوحدنا هه ؟؟
=====================
والله ما أنا دول هما اللي بيقولوا
ولا احنا كده بنحب نحتكر كل حاجة
=======================
نحتكر دي جاية من الإحتقار؟
طب ماهى امريكا بنقولها ماما
======================
علشان ست كبيرة بس
ليه ماحدش دور على الاب
=====================
أصل بيني وبينك ماشيها بطال ومافيش جوز بيعمر معاها
ولا علشان مصر طيبة يعنى و مش بتتكلم تعملوا فيها كده
======================
طيب تفتكري أعمل ايه؟ أحب على راسها علشان تسامحني
تؤتؤتؤتؤتؤتؤتؤتؤتؤ
=====================
دي حاجة زي التوكتوك كده؟
ماكنش انعمش ولا لبس نضارة
======================
لأ وعلى ايه الطيب أحسن
تحياتي
تراكيب باشا
مصر هي امي صح...
=====================
عقبال الباقي
بس هو في ام واخده حقها ...
=====================
أسمع إن أم الخلول وأم أربع وأربعين واخدين حقهم
ياجوز امي يا ابويا ياحنا مطلعين عينها...
=====================
مش يمكن مطلعين عينها علشان نركب ليها عدسات
العيب مش في مصر العيب فينا اما الحزب ياروحي عليه...
=====================
حزب وداد قلبي يا بوي راح أقول للزين سلامات :)
سعدت بالزيارة واتمنى ماتكونش الأخيرة
خالص تحياتي
انت ولد مصري مية مية
والبوست ده مية مية عسلية
وكلامك عايز نقاش لكن جماله مانساني النقطةالمهمة والخطيرة
انك بتطلب الجردل والخشية من الجانب الامريكي
طيب تفتكر هما عندهم جردل الهلال والنجمة الشيء لزوم الشيء؟
طبعا لا
طيب يسلموك نضيف ازاي هل ياترى عندهم مدام نظيفة علشان تقول لهم القطنة ما بتكدبش؟
طبعا لا
يبقو مش من مستوانا
وبعدين هما صحيح لقو الفاذر الروحي
انما احنا اخوات الدنيا مش مصر امي وام الدنيا في نفس زات اللحظة طيب عايز ايه بقى
خليك كويس وبلاش شغل التدوير في دفاتر السجل المدني لانه في لحظة واحد يحصل ماس ويقوم حريق ولا يبقى في اب ولا ام ولا تطعيم ضد الثلاثي البكتيري حتى وخلي الطابق كستور
تحياتي ومتنساش المنديل
فكرة
انت ولد مصري مية مية
======================
بعض ما عندكم
والبوست ده مية مية عسلية
======================
تاخدي حته
وكلامك عايز "نقَّاش"
=======================
فعلا حاكم انا كلامي دايما بيبقى على "المحارة" ومابعرفش "أصنفره" لأني مش "بوشين"
لكن جماله مانساني النقطةالمهمة والخطيرة
=======================
استر يا رب
انك بتطلب الجردل والخشية من الجانب الامريكي
======================
أقصد كجزء من المعونة الأمريكية
طيب تفتكر هما عندهم جردل الهلال والنجمة
=======================
طبعا ولو ماعندهمش ياخدوا نجمة من العلم بتاعهم ده حتى العلم بتاعهم مليان نجوم
طيب يسلموك نضيف ازاي هل ياترى عندهم مدام نظيفة علشان تقول لهم القطنة ما بتكدبش؟
=======================
طبعا دي حتى وزيرة الخارجية بتاعتهم اسمها "كلين" تون
يبقو مش من مستوانا
======================
فعلا عندك حق عمرهم ما هيوصلوا لمستوانا (حاكم الوطي له ناسه)
وبعدين هما صحيح لقو الفاذر الروحي
انما احنا اخوات الدنيا مش مصر امي وام الدنيا في نفس زات اللحظة
=======================
على رأي ايهاب توفيق (هي نقصاك انت كمان) مش كفاية 80 مليون
طيب عايز ايه بقى
=======================
2 فول وواحد طعمية وكتر الطحينه
خليك كويس وبلاش شغل التدوير في دفاتر السجل المدني
=======================
نفسي أطلع الرقم القومي يا عالم
لانه في لحظة واحد يحصل ماس ويقوم حريق ولا يبقى في اب ولا ام
=======================
آخر مرة يا باشا حرمت بس بلاش حكاية أبويا وأمي دي دول غلابة وملهومش علاقة بالموضوع
ولا تطعيم ضد الثلاثي البكتيري
=======================
تقصدي أبو تريكة وفلافيو وبركات
وخلي الطابق كستور
=======================
فيه كستور وكسبقرة وكسجاموسة
تحياتي ومتنساش المنديل
=======================
تقصدي المنديل اللي بيعملوه طرب ده حتى الطرب في الميت حرام
تحياتي
ههههههههههههههههههههههه..أسلوبك الساخر تحفة..حتلاقيني ناططلك في كل بوست
بجد هايل
تحياتي
اعتقد ان البوست دة على اعتبار ماسيكون
اما نشوف التسليم النضيف
و دمتـــــــــــــــــــم
مايكل
ههههههههههههههههههههههه.
.أسلوبك الساخر تحفة..
=======================
يا راجل مش للدرجة دي
حتلاقيني ناططلك في كل بوست
بجد هايل
=======================
تنور يا ريس
شكرا على الزيارة واتمنى دوام التواصل
تحياتي
ساموراي
اعتقد ان البوست دة على اعتبار ماسيكون
=======================
البوست ده على اعتبار ما كان وما يكون أما ما سيكون فلا يعلمه الا الله
اما نشوف التسليم النضيف
=======================
مرايا هتشوفي وشك فيها :)
تحياتي
السلام عليكم ..
حمد لله على سلامتك اولا و لو انى واضح انى بأقولها متأخر بس انت السبب انا سألت عليك و كان لازم تزورنى و تطمنى لما ترجع بالسلامه ..
بالنسبه للبوست .. اسلوبك الساخر المتميز ده بجد كان واحشنى .. :)
تحياتى
يالهووووووووووووووووووي مش ممكن كدا
مين قال انها امنا
واناايش دارني هما اللي بيقولو
لااااااااااااااااااااااااااااا
مصر ام الدنيا دي كووووووووولها
حد عند
ه اعتراض بقي ولا ايييييييييييه
ومين جاب سيرة نضافه هنا ياربي هفضل اتكلم لحد امتي
ياحيني عليكي يامصر
اولادك جايين عليكي وال ايه هيعملو الدي ان ايه
يالهووووووووووووووووووووووي ياني
إرسال تعليق
<< Home