يَوْمِيَات وَلَد مَصْري
الأحد، نوفمبر 02، 2008
القانون الجديد لمرور المحروسة
وفعلا تحرك الاثنين بسرعة بطيئة لا تتجاوز الستين ك/الساعة وبعد فترة مر عليهما شاب آخر يركب سيارة بي ام دبليو وبدأ يستهزأ بصاحب السيارة الهوندا ويسخنه ويقول له أن سيارته هذه لا تستطيع أن تسرع لأكثر من الستين وإنه يمكنه استخدامها في سباق سلاحف النينجا.. عندها انفعل صاحب الهوندا وداس على البنزين وصمم أن يسبق صاحب البي إم دبليو!!
صاحب السيارة ال 28 عندما وجد السرعة تزيد ، بدأ في استخدام الأنوار والكلاكسات لتنبيه صاحب السيارة الهوندا!!
على الطريق كان هناك رادارا .. قام الضابط المسئول عن الرادار بإبلاغ الإشارة للجنة سحب الرخص على النحو التالي:
"اسمع يا بني .. هيعدي عليك دلوقتي عربية بي ام دبليو حمرا ماشية على 160 عايزك تسيبها .. وبعدين وراها على طول هيعدي عليك عربية هوندا اكورد كحلي ماشية على 160 , برضه عايزك تسيبها !!
انا عايزك بقى تمسكلي ابن الـ "تيييت" بتاع ال28 اللي ماشي وراهم على 160 وعمال يزمر ويقلبلهم نور علشان عايز يعدي منهم"
التسميات: وجهة نظر
30 Comments:
يعني افهم من كلامك ان قانون المرور الجديد يحمي اصحاب العربيات التعبانة من ظلم و افتري صاحبها لسوء الاستعمال
ان الفاعلية الوحيدة لقانون المرور الجديد هو تفعيل دور اصحاب النفوذ و اعطاءهم الفرصة اليوميه لاثبات انهم فوق القانون
تحياتي
أحوال الهوى
تصدق إتخضيت
دا انا لسه بثبت البوست الجديد بمسمارين لقيتك سايب تعليق
حضرتك القانون يستخدمة البشر
وإذا كان البشر ما يعلم بيهم إلا ربنا يبقى مافيش ولا قانون هينفعهم
أيام أحمد رشدي كان فيه قانون وكان قديم كمان ومع ذلك تم تطبيقه على الجميع بنفس الكفاءة وعلشان كده جاب نتيجة سريعة
وعلى رأي مطلع الأغنية اللي لسه مألفها دلوقتي
العيب فينا يا ف حبيبنا
أم القانون يعني عليه
تحياتي
يافتاح ياعليم يارزاق ياكريم
على الصبح كده قانون مرور استغفر الله العظيم
بصى يابنى اى قانون فى الدنيا لازم عشان يطبق زى ماانت قولت لابد من اعاده خلايا المخ للبشر اللى هيطبق
و كمان تعالى هنا مافهمتش النكته على فكره مش على الصبح كده تحسسنى بقصور الخلايا الدماغيه عندى
مش معامله دى على فكره (وش متنرفز على الصبح)
قانون مرور، الكلمة دي شفتها فين قبل كده آه عرفته مش ده اللي بيعملوه عشان محدش يمشي عليه ويفضل مجرد قانون، احنا معندناش عربيات بتمشي على قانون مرور احنا عندنا كل عربية ليها القانون المتفصل ليها مخصوص وخاصة الميكروباصات، الاختراع العبقري اللي مش موجود في أي بلد تانية:)))))))))
تحياتي
ياربي
علي الصبح كده
ده الواحد بيقول ياهادي
ثم ان ليه مواضيعك صباحيه
متخليها مسائيه عشان نكون فايقين
ايه الناس اللي بتصحي بدري دي
لا وعلي الصبح قانون جديد
وكمان عربيه 128
اصل القانون بيتنفذ علي الناس اللي مالهاش حيله
يعني ناس وناس اما لو بيتطبق علي الكل من اصغر واحد لاكبر واحد
كان قوانين كتيره اتراجعت تاني وحاجات كتير اتلغت وحاجات كتير اضافت بس نقول ايه
ربنا موجود
وسلاموز بقي عشان اعمل نسكافيه اعدل دماغي
انا رايى زى رايك يا bossيغيروا الناس وبعدين يعملوا قانون
وبعدين لما يعملوا قانون يا ريت يمشى على الناس كلهه مش ناس اه وناس لا
حاجة تحرق الدم:)
تحياتى
السلام عليكم
قانون المرور الجديد ...!!!
معلش ناس فاضيه و لا مش بس كده دى ناس اقتصاديه 100 فى ال100 عارفين ازاى يجمعوا الفلوس و يلاقوا 100 سبب و سبب علشان يمصوا دمنا ..
و اكيد حيكون دم 128 و ما اشبهه
سبحان الله ..
ربنا يرحمنا و يعينا على ما ابتلينا به ..
تحياتى
معنديش عربية
:(( بس والله عايزة اشترى
اهو بحوش
موضع حلو ومفيد
جزاك الله خيرا عليه
السلام عليكم..
مهما غيرنا بالقوانين وسهلناها
ووظفنا ناس مختصه ...
من ذوي الخبره في التعامل..
لن يختلف الأمر الى أن تتغير المفاهيم المغلوطه الراسخه في عقول الناس..
أزال المؤلف هذا التعليق.
ازيك مصري باشا
تعرف والله من يومين جيت اعلق علي البوست ده النور اتقطع والموضوع ده حصل 3 مرات
مش عارفة ايه العلاقة بين البوست وقطع النور (:
يلا مش مهم
قانون المرور بيطبق علي ناس وناس مش كل الناس
وفي ناس يبتفصل لهم قانون علي مقاسهم
وبالتالي في ناس فوق القانون
وناس دايس عليها القانون
تحياتي ليك
أزال المؤلف هذا التعليق.
شارك في الحملة الشعبية للقيد بالجداول الانتخابية وادعو غيرك
ضع بنر الحملة علي ِمدونتك
البنر موجود علي مدونتي
وييييييييييييييييييييييييييييييييييييييييينك ؟؟؟!!!!
أزال المؤلف هذا التعليق.
احلى حاجة ان قانون المرور مش بيطبق على تمبرلاند38..انا ماصدقت اخلص الرخص بتاعتها
:)
ضد التيار
ايه بس اللي مزعلك؟ طيب حضرتك عايزة قانون المرور يبقى على إمتى ماهو لازم يبقى على الصبح
وبعدين بالنسبة للنكتة عندي فيها ورق درس ممتاز متهيألي هيكون مفيد ممكن أصورهولك :)
شرح النكته
الراجل بتاع ال 28 لما عربيته اتعطلت طلب من الراجل بتاع الهوندا إنه يشده لحد اقرب محطة إصلاح ولما بتاع الهوندا مشي على 160 فبالتالي العربية 128 كمان مشيت على 160 فالراجل بتاع ال28 قعد يزمر ويزمر ويضرب نور علشان يلفت إنتباه صاحب الهوندا إنه يهدي السرعة بس بقى الظابط إفتكره بيعمل كده علشان عايز يعدي من الهوندا والمرسيدس وهو يا عيني كان مشدود وطاير وراهم بس مش بمزاجه
ها طمني يا دكتور فيه أمل؟
تحياتي
بيربل ويفز
حضرتك كلمة "قانون المرور" دي اكيد شفتيها في المتحف المصري او في مصلحة الدفترخانه اللي جنب جامع السلطان حسن في منطقة القلعة :)
وبصراحه كلامك مظبوط كل عربية وليها قانون مرور خاص بيها
بس مين قال إن الميكروباصات مش موجوده في بلاد تانية؟ بالعكس "أبسلوتلي" دي موجوده في كل بلاد العالم في الملك الصالح ومصر العتيقة والعتبة :-))))
تحياتي
كيارا
حاضر إن شاء الله هبقى أعمل بوستات ماتينيه وبوستات سواريه وبوستات ميد نايت كمان أي خدمة
بس برضه مايمنعش إن يكون فيه بوستات صباحية علشان الطلبة اللي عاوزين يزوغوا من مدارسهم يقدروا يتبعونا
حكاية القانون بيطبق على ناس وناس أعتقد إن ده فيه ظلم كبير لأن عندنا في مصر فيه قانون للغلابة وده مختلف تماما عن قانون أصحاب الأبعدية وفيه قانون تالت للباشاالكبير وأولاده يعني هوه مش أنون واحد زي ما الناس فاكره
بالنسبة للكابشتينو يا سونه اللي بيعدل الدماغ بالهنا والشفا مقدما
تحياتي
برينسيس
حرقة دم ليه كفى الله الشر
وبعدين الناس مش هينفعوا يتغيروا دول 80 مليون هيغيروا مين ولا مين
المشكلة مش في القانون ولا الناس المشكلة في التطبيق "إمبليمنتاشن" ولا مؤاخذه
تحياتي
روفي
طبعا لازم يمصوا دمنا ولحد آخر قطره كمان لانهم ماعندهمش دم ومحتاجين كل نقطة دم عند الشعب والحقيقة إن دم ال28 ألذ كتير من دم المرسيدس والليكزس والبورش كايين الجديدة أربعة باب
تحياتي
نهر الحب
برضه هتتخدي مخالفة حتى لو ماعندكيش عربية إنتي فاكراها إيه سايبة
وكمان بتحوشي علشان تشتري عربية والله عال وآدي كمان مخالفة تانيه
رخصتك يا هانم هتتسحب لمدة شهر ولو ماعندكيش رخصه هنسحب البطاقة وتبقى بلا هوية لمدة شهر
ناس تخاف ماتختشيش صحيح
قال بتحوش قال
طبعا دول هما اللي بيقولوا مش انا
تحياتي
نهر الحب كلاكيت تاني مرة
جميل إن الناس تجتمع على فعل الخير وفعلا كان نفسي أكون معاكم بس للأسف العبد لله غير متاح حاليا نرجو المحاولة في وقت لاحق عسى إن شاء الله أكون متواجد وأكيد هشارك
شكرا لدعوتك وجزاكي الله كل خير
تحياتي
M.K
وعليكم السلام ورحمة الله وبركاته
فعلا كلامك مظبوط المفروض العقليات هيه اللي تختلف لان الأشخاص هم المسؤولون عن تطبيق القوانين
شكرا على مرورك والتعليق
تحياتي
نونا
بقى عايزة لكل فرد توك توك بحاله .. ايه الافترى ده
طب نخليها عجلة الأول ونحط قانون للعجل وبعدين نبقى نناقش موضوع التوك توك ده في مجلس الشعب
وبعدين فعلا كلامك صح بالنسبة للتيت ولاد التييت دول المفروض يتلقحوا في بيوتهم ومافيش تييت منهم يفتح بقه
جاتهم الغم مالقوا البلد
ويسيبوا بقى الشوارع لولاد الباشوات علشان يمشوا فيها براحتهم
أفكارك هايلة
تحياتي
زهرة الجنة
ازيك يا زهرة هانم (زهرة هانم ومصري باشا حاسس إني باتفرج على مسلسل الملك فاروق)
بقى حضرتك النور اتقطع 3 مرات وانتي بتعلقى على الموضوع .. الحقيقة مش عارف العيب في مين؟ في البوست ولا فيا (حظي وأنا عارفه)
على العموم معلش هما دلوقتي بيعملوا تعديلات علشان يظبطوا النور في العشوائيات :)))) (بهزر والله إوعي تزعلي)
حلوة حكاية القانون التفصيل ده بس بياخد قماش كتير
ناس فوق القانون وناس دايسه على القانون يا نهار أبيض تصدقي القانون صعب عليا تلاقيه مخنوق يا عيني
شكرا على مرورك
تحياتي
م/الحسيني لزومي
كلام جميل واتمنى ان يجي اليوم اللي فعلا نعمل حاجة بالجداول الانتخابية دي
شكرا على مرورك
تحياتي
ضد التيار
إيش لون قلبتي شامي خانوم؟
عن جد إنتي غريبة
شكرا على سؤالك شوية شغل مش أكتر
خالص تحياتي
نونا
لا ظروف غامضة ولا حاجة شوية شغل وان شاء الله يخلصوا
طبعا إنتي نفسك أشتي مع الجماعة بس لسه ما جليش دعوة منهم إنتي فكرك كده أي حدج يروح يصيف أو يشتي عندهم الموضوع محتاج توصيات عاليه لانهم بيبعتولك ناس مخصوصين علشان يوصلوكي وعربيات تيجي تاخدك من البيت يعني من الآخر الموضوع كبير وبيحتاج ترتيبات كتيرة
يلا عقبالك كده
تحياتي
أمولة
تامبر لاند 38 ؟أنا سمعت الاسم ده فين قبل كده؟
مش دي باين اللي في سته أكتوبر وبيعملوا فيها عروض في العيد :))
على العموم ألف مبروك الرخصه وان شاء الله ربنا يديلك خيرها ويكفي عنك شرها
تحياتي
إرسال تعليق
<< Home