يَوْمِيَات وَلَد مَصْري
الاثنين، أكتوبر 20، 2008
مصري في الإستاد
الله يحرق الكورة وسنينها
دي كانت دعوة معظم الأمهات لما بيشوفوا ولادهم قاعدين يتفرجوا على ماتش كورة في التلفزيون، لكن الحقيقة إن الوضع كان مختلف مع "مصري" نظرا لأن والدته كانت كبيرة مشجعي فرقة الأهلي في العيلة وبيكون ياويله يا سواد ليله اللي يتفرج معاها على أحد ماتشات الأهلي!!
شوط يا واد شوط
حاسب حاسب إوعى تخليه يعدي
حرام دي فاول حرام عليك يا حكم
دي بعض الألفاظ اللي كانت بتتلفظ بيها الأم عند الفرجة على ماتشات الأهلي وطبعا الألفاظ دي بتتكرربغض النظر عن مكان الكرة سواء كانت في التلت الأخير للنادي الأهلي أو في وسط الملعب أو حتى في الأوت!! وطبعا الزعيق ده مابينتهيش إلا بعد تأكيدات "مصري" لوالدته إن حكم المباراة خلاص صفر وإن الزعيق والمناهدة معدش ليهم لازمة.
بيت "مصري" كان بيتحول بقدرة قادر إلى إستاد خصوصا لما العيلة تطب كلها علشان يتفرجوا على ماتش الأهلي والزمالك عند "مصري" في البيت وتنقسم العيلة مابين أم اهلوية وأب زملكاوي وخالة زملكاوية وخال زملكاوي وخال آخر برضه زملكاوي وجوز خالة أهلاوي وابن خالة أهلاوي وإبن خال زملكاوي وإبن خال آخر زملكاوي.
زي ما حضراتكم شايفين إن الزملكاوية كانوا اغلبية – طبعا الكلام ده كان في عيلة "مصري" بس لكن طبعا الحال بيختلف في باقي الأسر المصرية.
اليوم اللي عاوز أحكي لحضراتكم عليه حصل مع "مصري" لما كان لسه عيل صغار وتحديدا كان ماتش الزمالك مع فريق المصري في بورسعيد واللي بيتابع الدوري المصري لكرة القدم هيقدر يعرف إن ماتشات فريق المصري في بور سعيد بتكون غير بقية ماتشات الدوري التانية لأن جمهور النادي المصري بيعشق حاجة إسمها كرة قدم وبيشجع فريقه بصورة جنونية وغير مسموح لأي فريق مهما كان إنه يتغلب على فريق المصري في بورسعيد وبيعتبر الجمهور البورسعيدي إن هذه تعتبر إهانه شخصية له زي ما يكون حد شتم أبوه أو سب أمه في شرفها وهذه الشتيمة لا يغفرها إلا الدم .. وعلى فكرة انا لما بقول لا يغفرها الا الدم فأنا اقصد إنهم فعلا لازم يسيحوا دم أي فريق يتجرأ ويدخل في المصري جون في بور سعيد!!
وده تحديدا اللي حصل
ذهب "مصري" مع أصدقائه إلى إستاد بور سعيد لمآزرة نادي الزمالك "شفته الخيابة .. مش كفاية إنهم بيشجعوا فريق زي الزمالك لأ وقال ايه كمان رايحيين يشجعوه وفين .. في بور سعيد .. طب والله يستاهلوا كل اللي حصل لهم"
المهم إن في استاد بورسعيد لا يفصلوا الجمهور عن بعضه بمعنى إن جمهور الفريق الضيف بيقعد وسط جمهور المصري "طبعا علشان يقوموا معاه بالواجب – أقصد واجب الضيافة طبعا زي ما هنشوف"
الماتش إبتدى يا سادة وكان المصري هاجم ومصمم إنه يجيب جون وطبعا الجمهور البورسعيدي هاتك يا تشجيع جنوني وغناء على السمسمية ورقص وطبل زمر ولحد دلوقتي جمهور الزمالك ساكت ومابيعملش حاجة غير إنه بيدعي "كالعادة"
شوية وفي هجمه مرتدة للزمالك جمال عبد الحميد هوووووووووب بيحط جون براسه!!
ومرة واحدة جمهور الزمالك طبعا بيصرخ هييييييييييييييييه جووووووووووووون
جمهور المصري ماعجبوش الكلام
جرى ايه يا فندي
ماتقعد يا فندي انت وهوه مش عارفين نتفرج "طبعا الكلام ده باللهجة البورسعيدي"
جمهور الزمالك إحترم نفسه "مش بمزاجهم" وقاعدوا ساكتين
إنتهى الشوط الأول وبدأ الشوط التاني ونزل فريق المصري مصمم على التعادل
هجوم مستمر من فريق النادي المصري مع دفاع مستميت من الزمالك
هجمات ورا بعضها واللاعب إينو يضيع فرصة إنه يجيب جون
فعلا واضح إن فريق النادي المصري مصمم على التعادل
وقبل نهاية الماتش وتحديدا بخمس دقائق وفي هجمة مرتدة تانية هوووووووووووب إوعى وشك ولا على البال ولا على الخاطر مادرناش بالكورة إلا وهيه بتهز شباك فريق المصري وتصبح النتيجة 2 - صفر من هجمتين مرتدتين وكانوا الهجمتين الوحيدتين في المباراة للزمالك "اول وآخر مرة تحصل مع فرقة الزمالك"
هيييييييييييييييييييييييييييييييييييييه وكمان هييييييييييييييييييييييييييييه
الله حي والتالت جاي
ولسه هيبتدي جمهور نادي الزمالك في التشجيع
يسمع "مصري" واحد من جمهور بورسعيد بيقول
ايه ده !!
الزمالك جاب جون!!
يبقى لا الحكم ولا اللعيبة يخرجوا سولام
إضرب يا جدع
وعينك ما تشوف الا النور
حجارة عمالة تتحدف يا محترم منين متعرفش
طاخ طيخ طوخ
يا جماعة مايصحش كده
طبعا ده جمهور الزمالك اللي بيقول
يا جماعة عيب احنا كلنا مصريين
برضه جمهور الزمالك لسه بيقول
فعلا يا فندي كلنا مصريين
خلاص يا فندي ماتقلقش خالص احنا هنشجع أهه من غير طوب
إضرب يا جدع
وبعد الشد والجذب وتقطيع الهدوم والتحرش إنتهى الماتش في اليوم ده 2 – صفر للزمالك وعاد "مصري" إلى بيته بسلام بعد ما فقد أعز ما يملك وهو ..............
علم الزمالك!!
هجوم مستمر من فريق النادي المصري مع دفاع مستميت من الزمالك
هجمات ورا بعضها واللاعب إينو يضيع فرصة إنه يجيب جون
فعلا واضح إن فريق النادي المصري مصمم على التعادل
وقبل نهاية الماتش وتحديدا بخمس دقائق وفي هجمة مرتدة تانية هوووووووووووب إوعى وشك ولا على البال ولا على الخاطر مادرناش بالكورة إلا وهيه بتهز شباك فريق المصري وتصبح النتيجة 2 - صفر من هجمتين مرتدتين وكانوا الهجمتين الوحيدتين في المباراة للزمالك "اول وآخر مرة تحصل مع فرقة الزمالك"
هيييييييييييييييييييييييييييييييييييييه وكمان هييييييييييييييييييييييييييييه
الله حي والتالت جاي
ولسه هيبتدي جمهور نادي الزمالك في التشجيع
يسمع "مصري" واحد من جمهور بورسعيد بيقول
ايه ده !!
الزمالك جاب جون!!
يبقى لا الحكم ولا اللعيبة يخرجوا سولام
إضرب يا جدع
وعينك ما تشوف الا النور
حجارة عمالة تتحدف يا محترم منين متعرفش
طاخ طيخ طوخ
يا جماعة مايصحش كده
طبعا ده جمهور الزمالك اللي بيقول
يا جماعة عيب احنا كلنا مصريين
برضه جمهور الزمالك لسه بيقول
فعلا يا فندي كلنا مصريين
خلاص يا فندي ماتقلقش خالص احنا هنشجع أهه من غير طوب
إضرب يا جدع
وبعد الشد والجذب وتقطيع الهدوم والتحرش إنتهى الماتش في اليوم ده 2 – صفر للزمالك وعاد "مصري" إلى بيته بسلام بعد ما فقد أعز ما يملك وهو ..............
علم الزمالك!!
التسميات: يوميات
35 Comments:
ههههههههههههههههههههههههههههههههههههههه
آدي أخرة التشجيع في الإستاد
ماله التلفزيون بس
حتى تتفرج على إعادة الإجوان
:))
هههههههه
والله انت مشكلة دمت مبدعا
احمد الشاعر
نفسى اكتب هههههههه
بس اتشووووووووو اصلى مريضة:)
عيلة مصرى لازم ربنا يهديهد ويعلنوا اهلويتهم يااما هشوفوا ايام صعبة :)
بالنسبة للى حصل فى الاستاد مالو التى فى
حتى هاتوه شاشة بلازما
دمت مشجعا
اتشووووووو
"اول وآخر مرة تحصل مع فرقة الزمالك"
هههههههههههههههههههههههههههههههههههههههه
بجد موت على نفسى من الضحك من الجمله دى ههههههههههههههههه
و على رأى اللى قبلى ماله التليفزيون دا حتى مريح و بتبقى قاعد براحتك
دا اخر اللى يحب يتفرج على الكوره لايف ((:
ههههههههههههههههههههههههه ااصلا انا بكهره الكورة
مشاكلهه بين كثير
فعلا ماله التلفزيون
فعلا الله يحرق الكورة وسنينها
شوف يا مصرى والدة المصرى دى سيده محترمه جدا و انا باحيها جدا لانها اهلاويه .. اما بقى الجماعةالتانين الزمالكاويه يستهلوا اللى حصلهم ده طبعا لانهم زملكاويه و انا اهلاويه بس روحى رياضيه جدا زى ما انت شايف ..
و بعدين دى طبيعه التشجيع فى بلدنا واللى يتجرأ و يشوف الماتش فى الاستاد يستاهل بقى اللى يحصلوا ..
تحيااااتى
ههههههههههههههههههههههههههه
تحففففففففففففففه
ادي اخره اللي يتفرج علي الكورررررررررررره
هههههههههههههههههههههه
متتفرجوا في البيت احسن لازم يعني تروحوا تتفرجوا مباشر
السلام عليكم ورحمة الله
أنا بـحيي والدة مصري على انتمائها الوطني وأهلاويتها ودي آخرة اللي ما يشجعش النادي بتاع مامته هههههه بوست جميل قوي ودمه خفيف ربنا يكرمك
أزال المؤلف هذا التعليق.
فكرتني
كان الملعب البديل لفريق المصري بعد كل حادث شغب يعملوه استاد الزقازيق و في مره لعب المصري علي استاد الزقازيق و فاز و جمهور المصري في نشوة الانتصار و هو راجع بورسعيد قعد يكسر في كل شئ في الشارع محلات و بيوت عربيات كانهم اعصار
الاسبوع التاني كان عندهم ماتش بعد ما خلصت المباراة خرج موكب المشجعين عايز يكرر اللي حصل قبل كده اتاري جمهور الزقازيق كان عامل كمين و رنوهم حتة علقة بعدها بطلوا ينقلوا ملعبهم الزقازيق تاني
وهو فيه لسه حد بيشجع الزمالك؟
مهندس باشا
منورني يا ريس
طيب يعني عايز الواحد يشجع كورة فين .. في جامع عمر مكرم ماهو لازم نشجع في الاستاد اشمعنى مشجعي النادي الأهلي يعني
ولا هيه الكحكة في إيد الزملكاوية عجبة
وبعدين بالنسبة لإعادة الأهداف هبقى أشوفها في نشرة 9
تحياتي
الشاعر أحمد
لا مشكلة ولا حاجة ياكش بس الزمن اللي بيعمل في الواحد كده
منور يا ريس
تحياتي
برينسيس
يرحمكم الله
وكمان شفاكم الله وعفاكم
بقى عايزة عيلة مصري ربنا يهديهم ويبقوا أهلوية
هي الإنفلونزا اللي عندك دي من شوية ما هي من كلامك اللي زي العسل ده :)
وبعدين بلازما مين طب دي قعدة الاستاد بستين شاشة بلازما إتش دي باناسونيك 50 بوصة
أتشششووو
الظاهر عليا اتعديت
تحياتي
ضد التيار
يعني ماعجبكيش من الموضوع غير إن دي أول وآخر مرة الزمالك يجيب أجوان من كور مرتدة
هقول ايه ما انتي معاكي حق
وبرضه مش وحش إن الواحد يشجع كده وهو لابس البيجامة وقاعد مرحرح في البيت
نجرب
تحياتي
عاشقة القمر
بتقولي بتكرهي الكورة
انتي زملكاوية ولا إيه؟
تحياتي
حتى أنتي يا روفي
صحيح اللي تحسبه موسى يطلع فرعون
دي ايه الروح الرياضية العالية دي
معلش كلها خمس ست سبع عشر سنين والزمالك يرجع تاني اقوى من الأول
تحياتي
كيارا
تحففففففففففففففه
------------------
الله يسامحك
الكلمة دي كنت بسماعها كتير في الجيش
يا بنتي الفرجة في الاستاد لا تقارن بالفرجة في التلفزيون
يعني حاجة كده زي ما الواحد يسافر شارم وإنه يتفرج عليها في التلفزيون .. ايه رأيك .. متهيألي تقعدي براحتك في البيت تتفرجي على البحر أحسن على الأقل اسمك قاعدة في التكييف بدل الحر
أعوذ بالله .. ايه الناس دي
تحياتي
أمل
وعليكم السلام ورحمة الله وبركاته
أيوة كدة إظهري على حقيقتك وإنضمي لرابطة مشجعي الأهلي إنتي وروفي وبرينسيس ولسه
يا خوفي لدكتورة جنة تطلع بتشجع الأهلي هيه كمان ومابتشجعش فريق المصري البورسعيدي
عشان تبقى كملت
تحياتي
نونا
يا ساتر ايه السعادة اللي انتي فيها دي
شاكلك كده لابسة تي شيرت النادي الأهلي تحت النقاب
على العموم ولو
وملكاوي حتى النخاع
حتى لو هنلعب في دوري الدرجة التانية ب
وبرضه نتغلب
هفضل اشجع الزمالك
مش عارف ليه حاسس بنغز في كتفي الشمال وإيدي بتترعش
أما نشوف أخرتها مع ام القلعة البيضا دي
تحياتي
أحوال الهوى
الحمد لله اني ماكنتش حاضر موقعة الزجازيج دي
لحسن العملية مش ناقصة
على العموم هما الجماعة في بورسعيد شوية المصري عامل ليهم لوسة سواء بيكسبوا أو بيخسروا لازم يطحنوا فريق العدوان الثلاثي اللي بيتمثل في الفريق الضيف
تحياتي
برغم انى كنت مريضة جدا
الا انى مرضى المزمن بالزمالك اشد وأنكى
بجد مش عارفة اعمل ايه؟ بعد كل ماتش من اياهم اقول خلاص حابطل وكفاية بهدلة وماسدجات م الاهلاوية الظلمة
بس هو ماتش واحد يكسبه ولو بالزور
ارجع اغنى امجاد يا زمالك امجاد
الحل الوحيد انهم يلغوا الزمالك خالص ويخلوه مصر الجديدة او المهندسين
:)
تحياتى الكبيرة
هي دي جزاة اللي يروح يشجع في الاستاد مالو التشجيع من البيت أو على القهوة هههههههههههه
هي دي أخرة الزمالكوية، الناس كلها بتنصحهم وتدعيلهم لكن هما برضوا مصرين يعملوا كده في نفسهم، أنا بنصحك الحق نفسك وشوف الناس اللي كانوا زيك كده واتعالجوا عملوا ايه واعمل زيهم، دي نصيحة نابعة من روحي الرياضية جدا ؛)
تحياتي
على فكرة انا كنت زملكاوي
بس دلوقتي بطلت فرجة و تشجيع خالص
الا في الماتشات الدولية لأي فريق مصري او للمنتخب
إنما البطولات المحلية من دوري و كاس و سوبر و خلافه و اي حاجة تانية محلية بتفقع المرارة و انا مش ناقص
كفاية الغربة المرة
:(
أمولة
يا نهار أبيض
أخيرا لقيت حد زملكاوي في الكون غيري
أحمدك يا رب
-----------------------
بجد مش عارفة اعمل ايه؟ بعد كل ماتش من اياهم اقول خلاص حابطل وكفاية بهدلة وماسدجات م الاهلاوية الظلمة
بس هو ماتش واحد يكسبه ولو بالزور
ارجع اغنى امجاد يا زمالك امجاد
-------------------------
سبحان الله كأنك بتوصفيني بالظبط
دلوقتي بس اتأكدت إنك زملكاوية أصلي مش صيني
كويسة الفكرة بتاعة إلغاء الزمالك ولو حد سألني إنت بتشجع إيه هقوله أنا مهندسيني
مش وحش برضه أهو أي حاجة والسلام بس المهم الواحد مايتحرقش دمه
تحياتي
بيربل
بالنسبة للفرجة في القهوة ماعنديش مانع لأن جوها قريب من الاستاد
أما بالنسبة للعلاج فطبعا بعد ماحطيتك في البلاك ليست اقصد في الريد ليست مع زمايلك روفي وأمل وبرينسيس ونونا إلخ إلخ إسمحيلي أحيكي على روحك الرياضية العالية
ماشي يابا
تحياتي
باشمهندس مصري
سبحان الله انا برضه حبيتك كده لله في لله من اول تعليق
نفس الاسم ونفس المهنة وبتشجع نفس الفريق وعندك نفس حرقة الدم لأ واللي زود المحبة إنك كمان متغرب زي حالاتي
تصدق الدمعة هتفر من عيني
الحمد لله الذي عافاك مما ابتلى به آخرون
إدعيلي يا مهندس يا خويا
تحياتي
يابختك روحت بور سعيد
بس برضو ما حددت نصيبك من التشجيع
وحق الضيافه وصلك اد ايه
يعنى كام طوبه رشقت فى دماغ حضرتك
هههههههههههه
يلا بالهنا والشفا
وتعيش وتاخد غيرها
سعدت بمرورى الذى اتمنى ان تتقبله
تحياتى
همس
ايه بظام القر ده
وبعدين هو انا كنت مسافر بورسعيد علشان اشتري علب الكومبوت وبنطلونات جينز؟ يا بنتي دي كورة يعني مزيكا يعني هندسة
وبعدين ما هو قركم ده هو جابنا ورا
نفسك إنتي تشوفيني مدشدش ومتربط
أعوذ بالله
تحياتي
لست وحدي
أهلا وسهلا
الحقيقة أنا كمان سعدت بالمرور
جدا واتمنى دوام التواصل
في انتظار اول بوست
تحياتي
ههههههههههههه
والله اللى ما تعرفة ان البورسعيدية اغلبهم زملكاوية عندا فى الاهلى فقط
لكن الحمدلله انها جت على قد كدة
بس اية رأيك فى الجمهور البورسعيدى؟؟
ههههههه
كويس انك فقدت العلم بس ورجعت سليم
جمهور المصرى زى الانجليز بالضبط جمهور مشاغب... بس دمهم خفيف
كان فيه ماتش فى الصيف والبلد كلها تقريبا مكنتش بتعمل حاجة غير الفرجة لدرجة ان ماما فتحت تتفرج
والواحد بيفرح لما يكسبوا بس علشان الفرحة بتكون جماعية
تعيش وتاخد غيرها
الظاهر ان بورسعيد كانت مكتوبالك من زمان
انا بشجع ايه؟؟؟
مش هقولك
تحياتى
نهر الحب
ايوة البورسعيدية بيشجعوا الزمالك في اوقات فراغهم يعني لما يكون المصري مابيلعبش وتلاقيهم ظراف ولذاذ خالص بس لما المصري بيلعب بيتحولوا لمخلوقات تانية
جمهور بورسعيد دول أحسن ناس
إنتي عاوزة توديني في داهيه ولا إيه؟
تحياتي
جنة
بتقولي ماما اتفرجت على الماتش!!
كويس إنها ماتهورتش وقررت تروح تشجع في الاستاد
تصدقي أنا نفسي اتفرج على ماتش لفريق المصري مع فريق انجليزي ويكون في انجلترا والمصري يكسب علشان جمهور الفريق الانجليزي يفرجهم على كرم الضيافة الانجليزي الأصيل من شتيمة وضرب وفين يوجعك يمكن يجيب معاهم فايدة ويعرفوا إن الله حق
يا دكتورة من غير ما تقولي انتي بتشجعي ايه واضحة ومعروفه خالص
طبعا بتشجعي المقاولين وخصوصا الجماعة بتوع المحارة :)
تحياتي
أزال المؤلف هذا التعليق.
إرسال تعليق
<< Home