يَوْمِيَات وَلَد مَصْري
الثلاثاء، أكتوبر 07، 2008
المباراة
يا فتاح يا عليم يا رزاق يا كريم
اصبحنا وأصبح الملك لله
هكذا بدأ المصري
يومه الجديد
جلس في الشرفة
يحتسي قهوته السوداء
نفس القهوة ونفس المذاق
لا شئ يختلف
حتى الآن ..
لحظات مرت
كأنها سنين
تذكر..
اليوم سوف تكون هناك مباراة
بين الفريق الذي جُبل على حبه
والفريق الآخر
المبارة ليست سهلة
خصوصا أنها سوف تكون هناك
في هذا الاستاد الكبير
الذي شهد الكثير من المواقع الحربية
بين اصحاب الأرض
وضيوف
جاءوا يريدون تحقيق نصر سهل
على فريق
اعتاد الهزيمة
إنها ليست فقط مباراة
بل اثبات ذات
لأصحاب الأرض
فقد تعرضوا
لهجوم شرس
من الجميع
والآن
جاء دورهم
لرد الاعتبار
ما أصعب هذا الوقت
وما أصعب تلك المباراة
بدأت المباراة
وانتهت
بفوز ساحق
لفريق النادي المصري
وعاد الضيوف
بهزيمة ثقيلة
لم يعتادوا عليها
ووقف العالم
يهتف للفريق البطل
ويكفكف دمع المهزوم
وعاد المصري
إلى شرفته
ليحتسي فنجان القهوه
فهو أبدا لن ينسى
ذلك التاريخ
6/10/1973
اصبحنا وأصبح الملك لله
هكذا بدأ المصري
يومه الجديد
جلس في الشرفة
يحتسي قهوته السوداء
نفس القهوة ونفس المذاق
لا شئ يختلف
حتى الآن ..
لحظات مرت
كأنها سنين
تذكر..
اليوم سوف تكون هناك مباراة
بين الفريق الذي جُبل على حبه
والفريق الآخر
المبارة ليست سهلة
خصوصا أنها سوف تكون هناك
في هذا الاستاد الكبير
الذي شهد الكثير من المواقع الحربية
بين اصحاب الأرض
وضيوف
جاءوا يريدون تحقيق نصر سهل
على فريق
اعتاد الهزيمة
إنها ليست فقط مباراة
بل اثبات ذات
لأصحاب الأرض
فقد تعرضوا
لهجوم شرس
من الجميع
والآن
جاء دورهم
لرد الاعتبار
ما أصعب هذا الوقت
وما أصعب تلك المباراة
بدأت المباراة
وانتهت
بفوز ساحق
لفريق النادي المصري
وعاد الضيوف
بهزيمة ثقيلة
لم يعتادوا عليها
ووقف العالم
يهتف للفريق البطل
ويكفكف دمع المهزوم
وعاد المصري
إلى شرفته
ليحتسي فنجان القهوه
فهو أبدا لن ينسى
ذلك التاريخ
6/10/1973
التسميات: همسات
27 Comments:
أول تعليق أووووووووووول تعليق هييييييييييييييييييييييييييييييييه
ايه الكلام الجامد ده والتصوير المميز ده، بالفعل انها ليست مجرد مباراه انها اثبات ذات ورد للاعتبار وابدا لن ينسى هذا التاريخ
ملحوظة صغنونة
البوست الجديد نزل ومفيش تعليق ؛))))
تحياتي
طبعا انا مش عارفة مين بيلعب مع مين
انت عارف احنا ملناش قوى فى الكورة زيكم
يا دوب نعرف الكونر من ضربة الجزاء
وطشاش كمان
طبعا الاستهانة بالخصم لا بد ان تؤدى الى هزيمة فالضعيف احيانا باراته يفوق توقعات الاخرين
حلوة الجمل الصغيرة بتدى راحة فى القرايه
مين بقى كان بيلاعب مين؟؟؟؟
تحياتى
هيه دايما متاخرة هههههههه
معلش يا boss باه :)
مباراو وبتاع انت عارف تحس انهم زى الذمالك كده لما خدوا 6 من الاهلى (وش بيطلع لسانه)
(وش ملاك)ههههههه
خدوا قلم عمرهم ما ينسوه(قصدى الاسرائيلين والله)
تحياتى فينك البوست نزل :) وهات جزرة وانت جاى
ازاى ممكن ننساه وهو عطلة رسمية
.
مكدبش عليك مش بفهم اوى فى الكورة
شوفت حركه الغباء دى ؟؟؟؟
اللللللللللللله وصف لمباراه رائعه
فعلا يوم لا ينسي
لكن لازم يكون النجاح مستمر
مش محصور لليوم ده فقط
مش ملاحظ ان اهتمامالأعلام بهذه الحرب يقل سنة بعد الأخري .. تفتكر دة معناه ايه ؟
تصدق يا مصرى ان طول عمرى افتكرها حرب ودم وكدا
والنهاردة بس عرفت انها كانت ماتش كورة
ههههههههههههههههههههههههههه
علىالعموم عمرنا ما هننسى طبعا
دى احلى حاجه حصلت لينا
انا تهت قولت متش و بعدين ساحه معركه وبعدين الواحد فهم فى الاخر بقى لما شاف التاريخ D:
طول عمرى صقر فى كل حاجه
فعلا يوم تاريخى مشرف كمان
لكن على قد ان الواحد بيفتخر بيه على قد انى قربت اكره لاننا للأسف وقفنا عنده و دايما لما نتكلم نستشهد بيه و لحد الان مافيش غيره نفسى الاقى يوم نفتخر بيه حاليا غير طبعا ايام المصايب اللى بتحصل فى الفتره اللى فاتت اللى قربنا ندخل الموسوعه بسببها
السلام عليكم ورحمة الله
طول ما انا بقرأ وانا قاعدة أخمن الفريق بتاع المصري لحد ما وصلت للنهاية....اسقاط جميل فعلا ربنا يتم علينا نصره ويفرج عن اخواننا
باة انت قلبتها ماتش كورة
و انا عمالة اقول من اول البوست كورة اية و بتاع اية هو احنا ناقصين صداع
و فى الاخير تطلع بتتكلم عن نصر اكتوبر
كل سنة و انت طيب
و اعقبال يا رب ما نجيب نصر تانى بس على اكبر و الا احنا كسبنا دة و نامنا فى الطريق
السلام عليكم
تعبير جميل وجديد يصور يوم نصرنا المجيد و يكتبه بكلمات مبدعه من قلم مبدع
سلمت اخى و دام لنا فكرك و قلمك
تقديرىو تحياتى
انت فييييييييييييييييييييييييييييييييييييين ؟؟؟
يارب تكون بخير
بيربل ويفز
الف مبروك اول تعليق فعلا وان شاء الله دايما
لا كلام جامد ولا حاجة ساعات كده ربنا بيفتح على الواحد بكلام عجيب وبعدين يقلب بجد
تم التعليق وشكرا للتذكير
تحياتي
جنة
بقى معقولة مش عارفة مين بيلاعب مين ده حتى واضح جدا حضرتك الأهلي بيلعب مع الترسانة ومغلوب واحد
وبعدين ممكن اعرف انتوا مين اللي ملكمش في الكورة زيينا
حضرتك بتتكلمي باسم أنهي حزب
وبعدين تصدقي اني ابتديت اشك حتى انك تعرفي الفرق ما بين الكورنر وضربة الجزاء طيب لو شاطرة تقولي مين فيهم اللي بتتلعب بالإيد
اهه شفتي إزاي بقى
ان شاء مستقبلا هبقى اعمل حسابي في شوية نضارات نظر لكل واحد يدخل عندي في المدونة علشان حكاية الراحة في القراية دي
بس افهم من كده إنك كنتي بتتعذبي وانتي بتقرأي كل بوستاتي اللي فاتت وأتاري انا بقول محدش كان بيعلق عندي ليه
تحياتي
برينسيس
المناصب بتغير الله يرحم ايام زمان كنتي بتكتبي تعليق قبل مانزل البوست (بتحصل يا خواجة)
مخصوم منك جزرتين اتفضلي على مكتبك
الله الله الله ده احنا بقينا نلقح بالكلام اهو ايه الشطارة دي
ايوة كده اظهري على حقيقتك
كنتي بتخدعيني كل السنين اللي فاتت دي
على العموم مش هقولك غير الله يسامحك قادر سبحانه وتعالى إنه يخليكم تهبطوا لدوري الدرجة التانيه
ربنا على المفتري
تحياتي
موناليزا
يا سلام
ادي الكلام المفيد
اهم حاجة الاستفادة اللي عادت على الشعب في موضوع نصر اكتوبر
انه بياخده اجازة
فعلا على رأي عم سعد "مافيش فايدة"
تحياتي
كناري
ليه بس دي حتى الكورة سهلة خالص
لو قرأتي ردي على تعليق دكتورة جنة هتفهمي الموضوع كان عن ايه
وبعدين اهم حاجة في اي ماتش نتيجة المباراه سيبك إنتي
تحياتي
كيارا
أرجو إنك ماتفهميش كلامي غلط بس بالنسبة لحكاية إن اليوم مايبقاش "محصور" فمعتقدش لإن "الزنقة" اللي احنا فيها دلوقتي محتاجة "تصريف" سريع من الحكومة وللاسف إن حكومتنا " ما بتعملش" حاجة علشان تؤدي إلى إعادة "دورة" الانتصارات إلى مجدها
تحياتي
مصطفى رايان
بعد 35 سنه كويس إننا لسه فاكرين إن كان فيه حاجة إسمها إنتصار أكتوبر وبعدين يا ريت نترحم بقى من جيل اكتوبر زي ماترحمنا من جيل الثورة
بس المصيبة إننا معندناش أجيال تانية نقدر نفتخر بيها
مافيش قدامنا دلوقتي غير جيل أحمد عز وهشام طلعت مصطفى
ده احنا هنشوف ايام!!
تحياتي
همس
اي خدمة علشان ماتقوليش إني حرمك من حاجة
انا حاولت اشرحها بلغة علشان الشباب الايام دي يفهموها
فعلا دي من الحاجات القليلة اللي مش ممكن ننساها
تقريبا هيه الحاجة الوحيدة بعد عصر الفراعنة ومحمد علي
تحياتي
ضد التيار
تهتي ليه بس ما العنوان واضح اهه
فكرتيني بالنكتة اللي بتقول واحد مسطول بيسأل واحد مسطول تاني من فضلك هو شارع 26 يوليو فين؟ فقال له مقالولكش سنة كام :))
احنا وقفنا عنده لان مافيش حاجة حصلت بعديه كلها خيبات متتالية وبالتالي مافيش قدامنا غير اننا نحتفل بالحاجة الوحيدة اللي عدلة عندنا في العصر ده.
تحياتي
أمل
وعليكم السلام ورحمة الله وبركاته
اشكرك على كلامك الجميل
واضم صوتي الى صوتك في الدعاء ان الله يتم علينا نصره ويفرج عن إخواننا
تحياتي
نونا
دايما كده ظالماني
وبعدين حتى لو كان ماتش كورة فيها ايه يعني
طيب دي حتى الكورة هيه الحاجة الوحيدة اللي احنا فالحين فيها دلوقتي
وبعدين نصر ايه تاني اللي انتي بتتكلمي عنه ماهو حصل فعلا وجبناه
بالأمارة إنتصرنا على الكاميرون في المعركة الأخيرة واحد صفر واللي ضرب الصاروخ اللي كسبنا بيه المعركة كان الشاويش أبو تريكة :)
تحياتي
روفي
وعليكم السلام ورحمة الله وبركاته
ايه بس الكلام الكبير اللي انا مش قده ده
من كلامك كنت هبتدي اصدق اني مبدع بجد
ربنا يخليكي على كلامك الجميل وعلى ذوقك
خالص تحياتي
ضد التيار
شكرا على سؤالك
الحمد لله بخير بس شوية شغل طارئ
تحياتي
المهم من يومها و هو بيحتسي القهوة و عقله قد غاب بفعل الدخان الازرق و الاعشاب الضارة
هل نامل بان يستفيق هذا الفريق و يجهز لمبارة قادمه لا محالة
تحياتي
إرسال تعليق
<< Home